喺深圳呢座文化多樣性嘅城市，來自全國各地嘅美食文化喺度交融碰撞。今日，就帶大家探訪呢間可以令你“一口穿越到貴州”嘅酸湯火鍋店。間店還原咗最地道嘅貴州風味，更加係將苗家侗寨嘅風情完整搬到深圳。
環境：推開門就係貴州
店舖位於華僑城創意園，穿過綠樹成蔭，就可以見到佢哋極具民族特色嘅招牌。
推門而入，就係一排精緻靚麗嘅苗族服裝，牆上掛住精美嘅苗綉，角落位擺放住侗族銀飾，各種手工製品，非常吸睛！
鍋底：千年發酵嘅智慧之味
“我們的貴州酸湯，在古代可是補充鹽分的‘功能飲料’呢！”店長熱情同我哋介紹。呢度嘅招牌酸湯火鍋，係用貴州特有嘅毛辣果（野生小蕃茄）經過特殊工藝發酵而成。呢種古老嘅發酵方式不單止令湯底酸香濃郁，更富含咗多種有益菌群同微量元素。
點擊即可購買➡️➡️黔三一·港人特惠雙人餐
飲一啖湯，先品嚐到番茄嘅天然果酸，隨之而來就係若有似冇嘅辣意，非常啱大灣區朋友嘅胃口。當然如果想挑戰自我，都可以選擇麻辣鍋底，更酸更辣更刺激！
🔗（點擊跳转）：
YouTube
抖音
店家補充介紹，酸湯火鍋配搭山區運動牛肉同時令野菜，係貴州人傳統嘅“減脂增肌餐”，滿足口腹之餘又冇太大負擔。
菜品：空運而來嘅山野之味
1、貴州靚牛肉
牛黃金係店面當之無愧嘅招牌，呢個部位每隻牛都只能產出少數。肥瘦均勻，紋理清晰，入口脆爽又帶有韌性，濃烈嘅牛肉香氣喺口腔裡面炸開，令人回味無窮。
貴州黃牛肉則展現出不同嘅魅力。不同於潮汕牛肉嘅嫩滑，黃牛肉保留咗適度嘅嚼勁，肉味更加濃郁。聽聞呢到嘅牛都係貴州山區放養大嘅，每日做gym，肉質梗喺緊實彈牙啦！
2、山野時蔬
野菜拼盤嘅菜品都係從貴州空運過來嘎！淥煮後依然係翠綠色，入口帶有山野間嘅清香，少少苦澀啱好中和酸湯嘅濃郁。
3、特色小吃
奪奪粉係靈魂菜品，純手工製作，口感更加上一層次。關於佢嘅名有兩種講法：一係需要用竹籤“奪”（戳）住吃；二係形容好吃到令人“奪”（搶）住吃。
甜品：意想不到嘅抹茶盛宴
店家精選貴州銅仁高原抹茶，研發咗三款特色甜品：
銅仁抹茶酒釀將抹茶嘅微苦同酒釀嘅甘香完美融合，發酵嘅味道令口感更加豐富。
抹茶糯米冰漿堪稱“貴陽人的冰淇淋”，糯米天然嘅黏性令到冰沙呈現出類似雪糕嘅綿密質地。
抹茶布丁滑捋捋嘅口感，抹茶味盡濃郁！抹茶愛好者必衝！
從環境到食材，從鍋底到小吃，每一處細節都彰顯住店家對貴州美食文化嘅深刻理解。無論係想體驗異地風情，定係單純搵一餐健康美食，呢度都唔會令你失望。
下次過到華僑城，不妨推開呢道“貴州之門”，令酸香鮮辣嘅滋味帶你開啟一段奇妙嘅味覺之旅啦！
覓食地址：
黔三一奪奪粉酸湯火鍋店（華僑城店）
深圳市南山區沙河街道香山街社區文昌南街7號創意園北區A1棟111
訂座電話：18028763157