到達海底撈已經係夜晚10點，個肚餓到咕咕聲，但仲有廿幾人等緊位
拎完號碼之後服務員好有禮貌咁叫我地坐低等，有免費小食同飲品
好彩大約等咗20分鐘已經有位。服務員安排咗我地坐弧形卡位，座位闊落舒適。店內有提供圍裙，服務員又幫我地用布包住手袋，提供膠套俾我地入住部手機以防整污糟，仲有綁頭髮嘅橡筋！好耐無試過咁窩心嘅服務。
點餐用iPad超方便，我地揀咗四格嘅湯底。食物選擇唔算好多，但勝在可選半份，可試多幾款。
1
湯底我地點咗清油麻辣、三鮮、蕃茄同菌湯。推薦蕃茄湯底
超級香濃，夠酸！麻辣要求了小辣，麻而不太辣，刺激味蕾但唔會食到標眼水。菌湯比較清淡，有菇菌香，適合煮蔬菜。三鮮有啲似菌湯，味道再濃少少，好似豬骨湯底。
必點拉麵
好睇又好食，麵條爽滑彈牙！
另外點咗魚腐、毛肚、精品肥牛、紅薯粉、粉絲等等，味道正正常常。服務員間中都會走過來加湯，幫我地落火鍋料，又主動幫我地影合照。
食到12點幾，飽到我地都捧住個肚走，埋單每人RMB120
雖然食物味道唔算超出色，但服務實在太好，一定會再幫襯！
