湯底揀咗原味牛骨湯底，味道清甜，飲得出係用真材實料熬製，未落料之前飲咗兩碗，暖胃又舒服。
鮮切牛肉方面，套餐已經有齊嫩牛肉同吊龍肉，兩款肉質都唔錯，嫩牛肉口感滑溜，吊龍肉帶少少筋，咬落有嚼勁，牛味濃郁。另外仲有手錘熟牛肉丸同牛腩，牛肉丸彈牙多汁！
另外我哋仲單點咗牛肉炒飯，果然冇令人失望！炒飯粒粒分明，鑊氣十足，仲加咗啲蔬菜粒，口感豐富，絕對係必點之選。
總括而言，大牛火鍋嘅雙人餐真係超值，$95就有齊湯底、牛肉、配菜同飲品，質素對得住價錢。餐廳環境乾淨，服務亦唔錯，下次再嚟一定會再encore！
1
1
