海底撈一直都聽人講好好食，不過自己一直冇試過，今日陪男朋友同朋友來到深圳旅行，終於有機會一試！不過一間海底撈的確係超多人幫襯，所以等位時間都幾耐，很好預先喺手提電話攞定網上預約，如果唔係真係冇機會食到。
最後都等左近個半小時先入到去
不得不提呢度既服務態度真係好到不得了，又有禮貌又好笑容，相信香港即將開嘅分店應該做唔到呢個水準！
1
麻辣同蕃茄湯底，麻辣看似好辣，但剛剛開始其實味道不會太過辣，不過隨着時間影響而令到火鍋越來越辣，食得好過癮。蕃茄湯底超濃郁的，整個湯底都係橙紅色，配上火鍋湯食材一齊食會食到陣陣蕃茄味。
其實店內都放咗好多各式各樣嘅醬汁供客人享用，不過個人覺得湯底已經十分濃厚，不需沾上任何味道已經好足夠！
毛肚很爽脆，個人覺得好好食！
另外都叫咗好多海鮮味道十分鮮甜，我因為麻辣湯底比較重味會蓋過海鮮味道，放入其他湯底會更好。
今晚真係食左好多野，每人都係二百幾蚊人仔，尚算抵食!
