就去左皇庭廣場行街食野
超級鍾意食牛牛打邊爐嘅我
又去左探索一下新嘅火鍋店
經朋友介紹揀左呢間禧牛薈
叫左一個牛氣沖天雙人套餐
一碟吊龍+一碟嫩肉
半份牛丸+蟹籽蝦滑
香滷牛腩+紅糖糍粑
粿條+蔬菜拼盤
白玉酸梅湯
盛惠人仔198
（（牛肉））
吊龍好味 涮8秒拎上黎啱啱好
唔知係咪我唔識涮嫩肉
每舊都有啲韌
香滷牛腩夠腍好夠味
牛丸都算彈牙有少少牛肉汁
不過我都係鍾意打邊爐牛肉多啲
（（蟹籽蝦滑））
見到有蝦係入面
啲蝦唔梅都算爽口
（（紅糖糍粑））
煙煙韌韌幾好味
有紅糖醬 點左黎食唔會太膩
我覺得幾好食！
（（白玉酸梅湯））
夠冰夠凍
打邊爐一定要有凍飲
不過略嫌佢有啲甜
蓋過晒酸梅湯嘅酸味
未算係好好食嘅一間火鍋店
不過係商場行攰左
入去打下邊爐傾下計
都不失過一個選擇
但要自備風扇 有啲熱
