影片
更多
2025-05-02
紅山第三日。同朋友去咗深圳紅山食泰國菜，呢間係位於紅山地鐵站隔離嘅6797商場入邊，我哋都係透過一啲網上嘅朋友介紹，所以特登去食。門面好有東南亞嘅特。不過就唔知點解張poster會有一個印度人做泰國菜嘅招牌logo😂😂未到食飯時間已經好多人坐咗喺外圍。入邊嘅裝修亦都幾有特色，有啲中泰fusion咁，感覺都幾靚環境都幾大，舒服。我哋透過網上買咗一個套餐$200有找。有呢個咖喱雞雞，豬頸肉沙律，肉燥炸蛋飯，通菜，打卡仲可以送埋嘢飲同埋一隻醃生蝦。泰式咖喱雞味道好鬼正，雞肉外脆內嫩，食落唔會嚡濕濕，加埋本身佢係泰國咖喱，有埋香茅同黃薑嗰啲味道，完完全全融合到一個泰國風味嘅咖喱，咖喱汁好綿，好似cream一樣好滑，所以食到停唔到口。肉燥炸蛋飯，啲肉燥加埋咗啲九層塔香茅嘅香料炒出嚟好送飯，隻炸彈煎到個底好香好脆，蛋黃就好似流汁嘅咁，撈埋啲白飯度一齊食，口感好豐富，同好有蛋香味。豬頸肉沙律，個豬頸肉整得外皮好脆，但入邊好淋，火候燒得啱啱好，而佢個沙律加咗啲泰式嘅醬汁，辣得來好過癮，同埋好開胃，酸辣得來停唔到口。仲有個泰式炒通菜，啲通菜炒到好爽口同埋顏色都好翠綠，呢個菜有少少微辣，比起其他幾個菜，稍
同朋友去咗深圳紅山食泰國菜，呢間係位於紅山地鐵站隔離嘅6797商場入邊，我哋都係透過一啲網上嘅朋友介紹，所以特登去食。門面好有東南亞嘅特。不過就唔知點解張poster會有一個印度人做泰國菜嘅招牌logo😂😂未到食飯時間已經好多人坐咗喺外圍。入邊嘅裝修亦都幾有特色，有啲中泰fusion咁，感覺都幾靚環境都幾大，舒服。
我哋透過網上買咗一個套餐$200有找。有呢個咖喱雞雞，豬頸肉沙律，肉燥炸蛋飯，通菜，打卡仲可以送埋嘢飲同埋一隻醃生蝦。
泰式咖喱雞味道好鬼正，雞肉外脆內嫩，食落唔會嚡濕濕，加埋本身佢係泰國咖喱，有埋香茅同黃薑嗰啲味道，完完全全融合到一個泰國風味嘅咖喱，咖喱汁好綿，好似cream一樣好滑，所以食到停唔到口。
肉燥炸蛋飯，啲肉燥加埋咗啲九層塔香茅嘅香料炒出嚟好送飯，隻炸彈煎到個底好香好脆，蛋黃就好似流汁嘅咁，撈埋啲白飯度一齊食，口感好豐富，同好有蛋香味。
豬頸肉沙律，個豬頸肉整得外皮好脆，但入邊好淋，火候燒得啱啱好，而佢個沙律加咗啲泰式嘅醬汁，辣得來好過癮，同埋好開胃，酸辣得來停唔到口。
仲有個泰式炒通菜，啲通菜炒到好爽口同埋顏色都好翠綠，呢個菜有少少微辣，比起其他幾個菜，稍為叫清淡啲，食落去啱啱好，咁樣又唔會cover左其他菜式嘅味道，又可以食到通菜本身嗰種新鮮同埋口感。
呢一間泰式餐廳有驚喜，可以有下次。
張貼
