loklok12378的個人專頁

五分鐘都不夠的梧桐樹酒店下榻，帶娃一家三口搵中菜食，就搵到呢間位於勵駿龐都廣場二樓的海上明珠。海鮮盛宴，在社交平台買了星廚鮑魚撈飯雙人套票。涼拌魚皮： 充滿多汁洋蔥，魚皮爽彈，調汁酸酸辣辣好開胃。鮑汁五頭鮑魚撈飯：鮑魚好嫩口、好有心思地提供很多鮑汁，絕對夠曬撈飯，但飯量不夠，平時一碗飯都無，食完有點空虛，諗住會有蠔油味，但吾太重。蔥芥撈明蝦🦐：走油做得非常好，整隻蝦都可以食用 香脆可口，份量十足，充滿芥末醬和醬香味，一吃上頭！黑松露蒸黃腳立：黃腳立肉多骨少，火喉蒸得剛剛好，唯黑松露味不特出，魚肉細嫩肉滑。濃湯魚腐娃娃菜：湯頭呈胡椒味，魚腐有咬口，娃娃菜超甜，仲有翠玉瓜，清甜得很。焦糖手工豆腐花：焦糖底調得太甜，但豆腐花木夠豆味 ，整體配合得相得益彰。另外加購脆皮乳鴿：今日MVP絕對是脆皮乳鴿，超脆皮！鎖緊肉汁、外脆內軟，熱辣辣，媲美脆皮乳豬，大推！總結：經開勵駿龐都廣場可以一試整體質素不錯 唯飯量有點少…查看更多

南谣逸境·沉浸式宫廷餐厅（深圳首店）📍南山区招商街道水湾1979商业广场3楼深圳兩大新引入的宮廷盛宴我都去過了，而今次第一次去呢間位於水灣1979廣場3 樓的「南謠逸境」，決意大快朵頤，感受一下着漢服化妝體驗。在K 字頭平台買南謠逸境·宮廷餐秀午餐票，共512 港元一人，不包化妝着漢服，可額外加$200港元加配化妝着漢服體驗。基本上是花錢買體驗的活動。化妝造型師的確功底深厚，畫得美美的。漢服可以自由揀，揀選後可直接更衣，揀選後不能反悔，每人只可揀一套，比較乾淨衛生不設試穿。用膳前NPC會同客人互動做小任務換禮物，氣氛不錯。用膳地方樓底高，舞台呈長方形，確保舞台兩側的客人都可以看到演員。演員用心演繹，絕無冷場，唯故事劇情不算太吸引，但觀眾與演員的互動性十足，舞台效果精緻。最後更加以蹦迪來結尾 ，有趣。午餐參考菜單：黃金滾沙： 芋頭鹹蛋黃酥，但係放得太久了，質感麻麻哋，唔夠鬆化。玲瓏糯米餈：特別假的人工味，不能形容。【前菜】凝香玉蹄：帶點豬臊味，即使用了醋遮蓋，但蘇臊味太濃。太白醉魚：魚肉肉質不錯，但不夠嫩滑！佛跳牆：鮑魚，海參花膠，但湯汁濃稠，調味麻麻哋，不是高湯味道。【湯品】金草玉膳雞：湯品不錯，夠熱，有蟲草花瘦肉豬展雞，湯底濃厚。【主菜】炙牛青韻盤：牛肉非常柴口，黑椒汁特濃帶點嗆口，整體一般。酥瓊御鮮蝦：炸粉太厚，上菜時已經凍咗，蝦唔夠爽彈清韻脆羽蔬：普通小白菜，用上主菜湯汁浸泡小白菜 🥬 好清淡。【甜品】金湯映雪蓮：雪蓮造型的奶凍沒有味道，這是基調用芒果汁，但竟然加上青豆好奇怪。總結：食物質素一般但化妝着漢服體驗不錯#深圳#南山#水灣1979#南謠逸境#漢服體驗#食物質素一般…查看更多

早前見K字頭旅遊平台推介深圳好去處，發現呢個以長安賦主題，可以俾客人身着漢服入宴，當然如需妝造服務，要額外收費。人均港幣350 左右，可以體驗味覺和視覺的享受，每一道菜呈上之前都會有故事或者禮樂演奏，代入感超強。仲會使用投射技術，認真不錯。記得買完之後要向店家直接預約座位，可以提早揀個靚位拍攝影相舞台中。整個表演+餐食總共80-90分鐘，大約由12點至兩點完場。長安賦主題餐單:【涼菜】櫻桃福祿俏鵝肝：呈上葫蘆造型，好特別，但吾夠鵝肝香氣和順滑。秋風斜日魚肚鄉：夠曬麻辣，魚肚爽脆。朱顏碧玉豌豆苗：豆苗加入麻油非常爽脆新鮮，絕對可以做每一道菜的間場。【主菜】仙橋瑤柱燉花膠：用蠟燭助熱，花膠雖然唔係用上好靚嘅花膠，但都算爽口有骨膠原、瑤柱燉至入味，仲有豬肉粒可以食到，湯頭比較清淡，但飲落好滋潤。涵虛映月蒸黃魚：黃花魚稍微有魚刺，店定要稍微注意，否則會哽到，底層竟然係馬蹄蒸肉餅，蒸魚豉油夠甜，不錯。竹煙拂日羊肚菌：羊肚菌口感爽脆，配搭有蝦滑釀入其中增加口感，配上一隻普通流心蛋。玄山素雪焗牛肉：牛肉呈現三角形恍如雪山一樣，甜酸醬包裹牛肉，牛肉呈一絲絲口感，不柴，都幾好味。碧玉凝波映鮮鮑：鮑魚手掌咁大隻，但咬起嚟很費勁，蒸得過火少少，但配搭着蒜蓉小米椒，整體味道香而不膩，好聰明地用芋絲放喺鮑魚底可以吸收醬汁鮮味。炊梁馬蹄悶蘆筍：蘆筍和馬蹄都很爽脆新鮮，仲保持汁水，很好的間場。蝦仁赤醬菜炒飯：口感做到好似糯米飯，但係有蝦粒蔥花醬油香，一定夠飽。瓊霜玲瓏凝雪露：紅棗雪耳百合糖水，甜度適中，非常清潤，養顏，非常好嘅作結。總結：整體食物有誠意串連整個故事有得食有得睇視覺和味覺享受…查看更多