AllyFC2425的個人專頁

第1次嚟呢間 原牛道潮汕打邊爐，卓悅中心分店裝修都幾靚，係新派，座位好寬落，好舒服。呢到D潮汕牛肉都幾好味, 牛味重, 新鮮, d肉無“梅”。除左牛肉, 仲有海鮮可以叫下, 試左份蜆, 冇沙, 正常，唔錯。呢到定價，我覺得比百合里貴少少。 但除左食牛, 佢比百合里多少少打邊爐食材, 好似海鮮, 菜, 同丸，d 種類都多過百合里。鋪頭現場一樣有師父係廚房入面切牛，睇住佢地切，好乾淨。呢到環境度，整潔度，服務同舒適度都高過百合里, 但價錢一定多少少。但我覺得好合理, 可以再幫襯。…查看更多

尋日星期六同老公北上，夜晚果餐去間佢之前食過一次，好想再encore既炭火串燒店。就係深圳灣口岸，坐幾個地鐵站既后海站。呢間唔係任食，係一串串咁計，5點幾已經可以入座，如果6pm先到就滿晒座，要等下一轉，可能排成粒鐘。餐廳入面中間位就放晒d串物自己揀，如果單丁一個人嚟食，坐係中間bar抬位多。爐火都集中係中間同後面，佢地係用炭燒，所以d串物係燒得幾香口，價錢有平有貴，你揀完一盆串物去收銀到入單，職員就開始燒，佢地毎燒好一款串物（eg.成堆菠蘿/成堆雞軟骨）就走埋嚟放係客人抬面到，第一round都燒得幾快，但老公食完再夾第2round就等得耐dd, 因為客都多。最後我地2條友大概食左2百蚊左右，性價都唔錯。…查看更多

有次weekend北上，老公話帶我去間海邊餐廳到chill坐大陸地鐵去，一出地面行左大約20mins南海玫瑰花園呢區，有少少似香港愉景灣條街常見到外國人同狗仔到左海邊餐廳後，有室內同戶外位戶位區坐位都大同寬落，樓下係海岸公眾花園，風景幾靚我地叫左tea 食 Latte RMB 32，雞翼RMB 48，cocktail RMB 78老公話佢杯cocktail勁難飲😂😂😂叫Fall in love一見鍾情，超伏🫠🤣其實戶外環境真係幾唔錯不過戶外位有人食煙，呢到洗手間又有D舊同埋位置嚟講有少少遠，夏天太辛苦，行唔到咁遠…查看更多

大陸間花廚幾正，餐廳就係商場入面正中心最高層，環境好靚，好少女花系，同男朋友2個人，點左4樣野食，份量同menu d相一樣，present得好靚📍焦糖豬肉配香梨 RMB 78呢個小食造型幾靚，雖然係焦糖，但唔會好甜，豬似五花腩位，好冧，好香口📍西班牙火腿番茄羅勒一口酥 RMB 48呢個開胃小食做得都唔錯，正常西式口味，size 一小件做得幾靚📍海鮮Pizza RMB 98呢個pizza就普通左少少，個pizza底既蕃薯醬唔夠味濃，同埋海鮮調味方面淡左少少，男朋友要加少少辣醬來食📍香草烤三黃雞(半隻) RMB 98呢隻三黃雞，雞油味好香濃，雞皮少少脆口，簡直冇得輸📍玫瑰花果茶 RMB 42花茶味道正正常常，比左少少男朋友試，佢都幾鍾意最後埋單RMB 364，呢餐食得好relax，好味同好滿足…查看更多

男朋友想試羅湖呢間飲茶好耐前排新年，我地終於去左試去到羅湖口岸邊行邊吹水，其實好快就行到因為我地遲左用App篤票排籌去到都等左25mins先入得我地叫左🥢蜜汁脆皮包 RMB 28呢個好味似大陸合桃酥咁香脆，mix香港脆皮叉燒包咁🥢蝦餃皇 RMB 38正常水準發輝，大大粒蝦肉🥢四色腸粉皇 RMB 38男朋友最鍾意叫d古靈精怪野不過呢個腸粉原來好普通😂🥢 干炒牛河 RMB 42我地去到邊都鍾意叫干炒牛河想試夠唔夠鍋氣呢碟合格，炒得乾身唔油膩👍🏻最後埋單RMB 162…查看更多