vivifaties的個人專頁

团购去食j既， 好似90蚊左右吧，2碟主食+一个小食+一个甜品-2杯嘢饮咖喱面包虾--呢个超大碟， 咖喱都几好味， 虾就唔多咯， 就得铺面果几粒！不过个人认为咁样浸住旧面包， 唔多好食咯！ d面包浸到发晒水咁，口感唔好 剁椒三文鱼头--都几大碟， 不过觉得咁样整系浪费咗d三文鱼头咯， 一d鲜味都食唔出！好似食川菜咁~~ 都唔知泰国菜系米真系有呢味咯1泰式春卷--无咩特别， 同粤式春卷就系d陷唔同咗， 我觉得粤式仲要好食d！泰式千层膏--冻冻地， 上面绿色果d唔知系咩，中间有d兰香子，下面有层椰汁膏吧，口感系有既， 不过我个人唔系咁中意食， 无乜特别~~椰汁冰--好普通既椰汁咯，卖相又唔多掂，一杯大一杯细。。。之前一直都听人地讲话好食， 但食过呢个团购之后，觉得好一般咯， 尤其系环境唔系咁好， d位太窄了，台与台之间既距离大概就得10-15厘米，简直就系同隔离台一齐食饭！毫无隐私， 连讲句话都唔想啊！！！！ 坐得一d都唔舒服！张台差d就放唔晒d嘢食噶啦， 食得好辛苦咯！ 唔推荐黎呢间~~唔知其他分店会唔会好d~~…查看更多

招牌港式茶餐厅， 价钱亦都很港式--贵！ 小炒类既话， 同茶楼真系差唔多， 咁比我拣既话当然去茶楼啦， 味道都系不过不失姐， 唔会有咩好特别既惊喜~~相对黎讲性价比唔高咯~~ 不过未去过的话， 可以试试佢果度d招牌菜既！表哥多士， 奶茶都几好味！ 最想试下个雪糕厚多士， 不过好似45-60~~太贵了， 唔值，所以一直都无试过~~…查看更多

不知不觉间原来海天堂已经进驻咗广州， 都有唔少分店， 不过每间分店嘅地址都唔多靓，好唔就脚！ 所以一直都未试过！！而且价钱都几贵~~适逢团购，因为实在太抵了， 所以买咗！ 每间门店都唔顺路， 附近又无咩街行！ 最终选择咗东华西分店， 因为算系最近有行街嘅地方---中华广场！本来系预约周五晚上去提货的, 结果唔记得咗， 然后马上打电话话推迟一日去，店员话无问题， 态度都几好！预约时要求提供券号， 所以第二日一去到告知姓名同电话号码， 店员就会马上拿货给我了！ 一个珍珠龟苓膏（原价30元）+一个龟灵胶（原价35元）+1瓶海底椰杏仁茶（原价8元）+1瓶柑橘蜜（原价5元）， 团购价才35元， 真系超值啊！珍珠龟苓膏味道唔会太苦， 有d微甘， 颜色是有点咖啡色的， 好似中药的颜色，唔系全黑色的！ 杏仁茶白白的，可以饮得出杏仁和海底椰的粉末， 算是真材实料的！ 柑橘蜜的味道有D似平时吃腌制过的柑橘，如果唔中意吃“咸湿嘢”的话， 呢个就唔系太适合了！总结： 出品真材实料， 不过原价太贵了！ 味道比龟正盅好d，无咁苦~~…查看更多

无预期中咁好食， 其实都系不过如此！ 成日经过都见好多人排队等位， 以为好好食，所以有d失望咯~~环境一般般吧， 因为比较嘈， 而且咁啱帮我地落单既“靓仔”态度唔多好，凶神恶煞咁~~食物其实就系以凉拌同面食既杂粮为主， 我地2个人， 点咗个小烙饼，酱骨架，排骨拉面，锅贴，加埋茶位费，咁就要74蚊啦， 其实有dd贵， 因为呢d都唔算系d咩菜式， 都系主食！虽然等咗超过20分钟有得打九折，但主食系无得打折噶！所以其实平唔得几多咯~~ 食物出品偏油腻， 感觉成餐都系油淋淋咁.....唔系咁啱我！d拉面手工好粗糙啊！好似食紧粉头咁！又系唔中意....最后要讲下， 一间有好几间分店既铺头，而且咁多人嚟食嘢，生意咁兴旺既饭店， 竟然唔支持刷卡！！！！然后亦都开唔到发票比我~~ 所以呢间店各方面都同我唔多夹咯！唔会再去咯！…查看更多

团购去嘅， 买咗2款， 1款系【仅需16.5元抢购原价28元『烘焙园丁』长条蛋糕1个！甜心芒果卷/伯爵芝士蛋糕/塞亚娜芝士蛋糕（3选1）】，另一款系【29.5元，享原价元48元『烘焙园丁』水果派：樱桃派/核桃派/四季水果(3选1)！6寸大，0.7磅重！】长条蛋糕选咗伯爵芝士蛋糕， 3层蛋糕，2层cream， 唔系好食得出芝士味， 不过cream嘅味道都唔错， 好幼滑，而蛋糕都食得出有小小红茶嘅味道~~派类选咗四季水果派， 都几大个噶， 有一个手掌咁大， 买相都唔错！饼底稍厚， 都几脆， 但感觉比较腻咯~~ 水果有提子同士多啤梨仲有黄桃， 前2者都系新鲜水果， 黄桃就当然系罐头水果啦！ 总结2款蛋糕味道都偏甜， 不过绝对系真材实料， 因为摞起手都几有分量噶！最后值得一赞嘅系服务员嘅态度， 因为我个水果派系堂食嘅， 见我地切唔开（因为几结实下）就帮我地摞第二种刀嚟切， 仲好贴心咁比埋手套我地用！最后食唔晒要打包易都唔会嫌我地麻烦！！！ 宜家好多蛋糕店嘅人都无咁好态度噶啦！…查看更多

第二次团购内容【仅售85元,价值321元双人套餐——牛仔肋排+孜然牛肉串+鳕鱼排+鲜果班戟+凯撒沙律+草莓布丁+浓汤2份+饮品2份】 马上去片，看图说话....罗宋汤——味道比较辣， 有d呛喉~~而且系斋汤， 半丁点肉都木有的！杂菌汤——无乜特别，比罗宋汤好喝一点吧！珍珠奶茶——味道同大卡司的差不多，珍珠是大粒果种，比较软嘅~~ （个人比较喜欢细细粒果种，比较有嚼头）柑橘柠檬蜜——卖相唔错！ 但味道唔系好多人可以接受咯，因为佢唔似RBT果d酸酸甜甜嘅味道， 而系咸柑橘咁味嘅！ 所以如果唔中意饮咸柑橘的话，慎点啊！杂果班戟—— 本来我以为呢个系属于甜品， 会系餐后上的， 结果饮完汤就摞上来啦， 估计算系小食挂！！ 卖相唔错，淋咗d士多啤梨汁刚好围成咗一个“心形”， 好有爱呀！ 不过味道一般般咋~~凯撒沙律——味道都系不过不失啦， 够新鲜！ 我系中意食沙律嘅，所以呢个味道我觉得还ok， 不过就少咗d培根肉咯~~果木烧香草牛仔肋排——呢个同网站上嘅图片有d出入， 之前见过好多人晒团都系一条条好似烧排骨咁嘅， 而我呢一盘就只有一条骨， 其他都系无骨嘅原肉！肉质非常鲜嫩， 每一口都食得到肉汁， 超级juicy啊！！！未食过咁新鲜嘅扒咯~~鳕鱼扒味道都唔错， 系可以食得出有d海水嘅味道~~~不过分量好小， 好细块噶咋！！！孜然牛肉串——实物如网站图片一样， 6串， 每串有4大粒牛肉！ 建议大家趁热吃！ 因为烧得好香，而且又系每一啖都吃到肉汁系牙齿间挤出来~~ 正啊！！！ 所以觉得原价30蚊6串都几值得嘅， 比上下九果d 10蚊3串嘅大肉串好食得多多声~~士多啤梨布丁——觉得呢个甜品唔太似布丁啊，有d像士多啤梨莫斯蛋糕， 因为口感几厚实，味道甜酸适中， 唔会好漏今次又系非常满足嘅一餐啊！！成餐"饭"完全无食过一粒饭落肚， 全靠食肉饱噶！！真系好食又抵食！ 可惜第三次开团就唔唔给力啦！所以无团咯~~ 期待第四次开团啦！哈哈~~~~…查看更多

这家店是专门做外卖的， 所以门店都好细！上网经过考查， 发现呢间门店已经系最多位嘅一间， 有3张4人台（卡座）， 3张2人台~~ 可想而知， 真系好细间！ 而且店面有d坑爹， d字系橙色， 个底系红色， 好唔容易睇得出！所以行过咗都唔知！！！团购餐都几抵， 59蚊有1个12寸pizza+2罐汽水+1对鸡翼+1份鸡米花，单系一个pizza原价都要80几蚊了！ Pizza口味好多， 我地选咗最多人选嘅口味---超级至尊pizza， 分量十足！超多肉！应该铺咗有3层肉！所以口感好好！我地2个人食咗半个pizza就已经饱到呕了！ 鸡翼比较多油，爆米花唔错， 好食过KFC！！ 唯一败笔就系本来打算要1罐可乐1罐QOO， 点知无晒QOO, 仲要系得翻d唔冻嘅可乐！ 最后奉上价目表一张， 价钱真心唔贵， 味道又ok！ 有会员卡仲可以打折， 或者加12蚊就可以有多一个同等size嘅piazz！真系抵到烂！总嘅来讲， 呢间店主要系做外送， 所以堂食的话， 餐具同外送嘅一样系一次性的！而且等得比较耐， 应该系现做现卖咯~ 好新鲜！ 食完呢个， 真系觉得pizzahut坑爹到爆咯！…查看更多

团购去嘅【芝士蛋糕（6选1红豆栗子/绿茶芝士/蓝莓芝士等）或休闲小食（4选2：鸡翅/蛋挞/煎饺/薯条）+特饮（柚子蜜/玫瑰红茶/港式奶茶等）！】店铺唔系好大， 大概有十张台左右，有卖爆米花的， 汽水，啤酒， 雪糕， 泡面....品种都几多元化， 而且正价的价格都唔贵，仲有特价嘢， 所以算系平民的消费！宜家天气唔算太冻， 所以坐系外面一边听着电台， 一边食下嘢，都几有“怀旧”feel~~2款套餐，一款是芝士蛋糕+饮品， 一款是休闲小吃+饮品的，我各要一份~~休闲小食我选咗饺子+鸡翅+茉莉花薰衣草茶饺子味道唔错哦， 一共6只， 食完先发现原来有3种口味：玉米，冬菇，大白菜~~ 每种口味2只！ 饺子上面估计系放咗d孜然粉， 味道几特别的！ 大家系屋企整饺子食嘅时候可以试试哦！鸡翅2只， 是传统嘅鼓油味， 但汁太多， 唔够干身， 稍微油腻咗d， 不过鸡翅就大只，算值回票价薰衣草茶味道ok，几香， 确实是真材实料！！呵呵！ 由于呢度并唔系天使简约嘅门店， 所以蛋糕的存货好少， 就只有那么几块放系雪柜度，所以只能拣咗个草莓芝士蛋糕同港式奶茶！ 蛋糕味道系有天使简约嘅一贯水准， 估计唔系流嘢， 呢点可以放心！就系选择唔多咯~~呢份团购我要求打包嘅， 奶茶唔记得“飞冰”，结果d冰融晒就搞到奶茶味好淡！ 不过的确系“港式”味道咯，估计系用“立顿”冲出来嘅！因为呢度太细啦，绝对唔具备厨房之类， 所以饮品应该都系用即溶嘅茶包冲出来嘅！ 而鸡翅和饺子都系用微波炉叮热， 因为我等食嘅时候， 听到“叮叮叮”嘅声音！最后来个2个套餐大合照啦！ 出品就普通咗d，但胜在价钱实惠，等睇电影前可以来食d嘢…查看更多

呢间店真系非常火爆， 超级多人啊！！！ 朋友6点钟去到就要等位了！而且系1号筹，要嘅6人台，但竟然等咗1个几钟先有得食！真系好夸张啊！ 等位期间一直听到叫号嘅服务员不停游说你去总店果边食， 仲话有专车接送来回! 不过一直都无人理佢咯…. （其实好似就系呢间环境好d，出品都一样噶！）今次6个人，打边炉， 埋单就要人均100多d了！ 感觉真系几贵！开得系万菱汇就预咗价钱会有翻咁上下噶啦！还算可以接受嘅范围内啦！逐一点评下茶位好似要8蚊一位，饮嘅系八宝茶，貌似外省人都叫呢d做功夫茶， 因为要服务员扎晒马部， 摆晒pose用一个壶嘴好长嘅茶壶倒水出来冲泡！ 每次斟水，都系一次做show！香辣田鸡食2斤送1斤， 感觉都几抵！ 我地再要多一斤香辣虾， 总共4斤嘅田鸡同虾用一个大铜盘上！睇到都觉得正啊！！ 香辣嘅味道未食就已经刺激紧味蕾啦， 不断流口水！ 唔食得辣嘅我都忍唔住食咗好多虾！ 呵呵呵~火锅，我地要咗鸳鸯锅底，外层红油， 内里清汤， 斋呢个锅底就已经好几十大洋了！然后油碟费又系另计， 茶位唔包括！ 值得一提嘅系火锅食嘅肥牛唔错！不过价钱都系偏贵，分量唔多啊！拍青瓜——都系细细碟， 唔算好辣， 几清脆炸牛奶——卖相唔系几靓， 感觉有d粗枝大叶咯！味道都系普通油炸嘢咯！ 唔推荐总结下：出品都唔错！唔食辣都会忍唔住开怀大吃！价钱中上啦， 关键系难等位啊！所以要食嘅同学们早d霸位啦！…查看更多

同事生日，帮佢团购咗个北海道芝士蛋糕， 59蚊6寸， 118蚊8寸！对于原价来讲6寸嘅折扣要高d！不过我地人多， 所以订8寸~~预约时发现呢间店嘅员工只耳仔有d撞聋噶！明明话咗要8寸， 会讲2个券号比佢知！点知佢就话我第一次讲嘅券号同第一次讲嘅唔一样， 唔正确….真系晕死！而且态度唔系几好！！ 到去摞蛋糕果阵又系咁！ 我明明话系来摞蛋糕， 佢就听咗系订蛋糕！我话我宜家就要摞啦， 佢就话要提前2日订….真系俾个店员激到当场晕低啊！！！！由于网上嘅图片太精美啦，实物比预想中药细个，而且无咁靓！ 不过摞上手都几重下！网站上对蛋糕嘅描述大致下咁嘅：最上层系白朱古力薄片，然后系一层厚厚嘅香滑牛乳，再来系一层重芝士蛋糕，最后系奶香曲奇嘅饼底！的确非常诱人！ 实物大致都系咁， 一打开个蛋糕盒就闻到香味啦！本来以为个蛋糕牛乳会比较多， 切落会系软身果种， 点知原来系非常重芝士蛋糕嘅比例比较多！所以好实！ 我地20个人， 每人一小块就已经好饱好满足啦！！今次嘅团购都几满意！！就系d店员服务唔太好咯~ 不过无得改进噶啦…查看更多

一直都去开中六店，味道唔错噶！ 见网上有团购， 就嚟呢度试下啦~~点知实在太失望啦！同中六店相差实在太远了吧！有被骗嘅感觉！分量严重缩水， 应该系得原价嘅一半分量！所以团购价格都系原价嘅一半！咁算咩团购呢？！一d都唔抵啦， 坑爹坑到爆！由于我地就坐系出菜位附近， 所以见到团购出品嘅分量同原价出品嘅分量系离天隔丈远咯！人地半只鸡同我地半只鸡都差得远了！个天麻川芎浸鱼头超细锅，同网站上、菜牌上嘅图都相差甚远！得半个鱼头都无啊！猪肚丝切到好幼好幼，薄薄咁铺一层系面~~ 菜心炒鸡杂就系得原价嘅半碟咯， 只碟本来就细， 仲要得好少！！个烧腊拼盘又系得果dd，薄薄咁铺咗一层仔~~仲要我地系差唔多第一围落单都话无烧排骨！摆明就系唔想比你食！ 薄撑味道都唔错， 不过又系相对于中六店细旧好多咯！ 中六店果d，一旧就够晒了， 呢度起码要食2旧先有果种感觉咯~~~ 总之一句讲晒， 无下次！就算系原价都唔会黎呢间度帮衬！150几蚊（我地仲加多咗个伊面），系中六店原价都食得到啦！而且会食得个心舒服d添！ 对呢次团购十分非常极度失望！！！！！！！…查看更多

呢间店真系差到唔识点形容啊！ 系出面睇觉得呢间酒楼都尚算大间啊，招牌又大， 都几光猛， 系大门口行入去就系海鲜池， 都几多海鲜几新鲜， 又有煲汤， 觉得应该都唔错吧！ 然后上咗2楼食饭， 点知悲剧开始发生啦！ 坐落都系觉得好热， 以为系自己行兴咗个人啦， 点知一直都好热！然后食饭食到汗流浃背！问d服务员有无开空调噶？！佢竟然对住我地摇头！顶~~咩餐厅啊！茶位 2.5/位， 饭 3蚊/碗， 都唔算贵！ 但菜牌上嘅菜其实都算几贵！ 3个人，人均50！鲜淮山果王浸农家鸡--特价菜38蚊， d汤几好味， 但鸡系咸鸡， 所以口味偏重！果王就系木瓜，生木瓜，唔好食！碌鹅 38蚊---个人觉得系卤水鹅咯， 唔似碌鹅~~蒜蓉粉丝蒸丝瓜 26蚊--呢个唔错， 不过都系太多油了， 而且蒸嘅丝瓜就要26蚊， 太贵了！酥皮汤圆 25蚊半打---呢个卖相都几特别，上面有层酥皮，下面用蛋哒皮垫住~~ 可惜啱我口味！总结嚟讲：出品非常一般，口味较重，2楼环境唔系几好， 好似好暗， 而且觉得d台布好污糟， 加上有一班“新广州人” 公司年会食饭， 所以嘈到爆啊~！！成餐饭又热又嘈， 真系食到我好痛苦！以后都唔会再嚟噶啦！…查看更多

又算系一间慕名而去嘅茶餐厅！！之前睇咗一d食评，话呢间餐厅出品唔错， 加上装修特别， 所以一直都好想去试试！咁啱见到某网站有下午茶餐团购， 咁就团2份，试试究竟，但最终都系失望而回~~之前见网友话唔需要预约，直接去就可以了， 点知事先打电话去问，回复系非预约不可！所以只能下次去了！预约还算顺利，但到店消费嘅过程有d奇怪！ 团购嘅餐单必须要由专人负责， 如果加点，要另外开多一张单！ 埋单又要将2张单一齐摞去埋！真系非常唔人性化咯！而且觉得d服务员好似唔多熟悉餐厅出品嘅价格同组合，所以印象分就已经大打折扣了！店里面都唔算细， 有小餐馆嘅规模！其中一个区域嘅装修加入咗当年九龙皇帝曾灶财嘅大字报， 显得餐厅港味十足！！ （我就系冲着呢个装修风格而来嘅！）讲翻食物啦， 出品真系好一般，甚至可以话唔正宗！！团购餐价钱系13.9有一杯咖啡/奶茶+一个菠萝油/猪仔包， 所以刚好就各样都试咗！奶茶——用咗黑白淡奶logo嘅杯碟， 显得非常专业！ 无配糖， 味道淡得嚟比较苦涩， 需要加糖饮用咖啡——同样都系用咗黑白淡奶logo嘅杯碟！ 个人觉得咖啡好饮过奶茶，但都系普通茶餐厅出品， 同café店嘅当然系有差别啦！菠萝油——超级唔正宗！个包就好大个，但d酥皮唔脆！而最重要一点系， 个包送来嘅时候已经唔见块牛油嘅踪影了！按道理，即使唔系用冰镇嘅形式装住块牛油， 好歹上台嘅时候都会见到块牛油羞答答咁躲系个菠萝包里面啊！！但呢个确实无咯！ 揭开个包睇下， 就见到有小小油渍， 估计系好小一pet牛油，然后溶咗挂~~ 所以呢个包唔合格！奶酱猪仔包——第一次食到系用法包整嘅！有一面系搽咗花生酱， 另一面搽炼奶！ 炼奶落得太少了，法包虽然脆口， 但太干身啦， 配花生酱来食， 食到个口好干！ 唔掂当！由于未食午餐， 加点咗个公仔面！ 味道都可以！落左麻油， 好香！ 正常茶餐厅出品啦！其实我地自己系屋企都可以整到呢个味道， 无难度嘅！值得一提嘅系，其实当时落单时间已经3点啦， 呢个公仔面系可以转做套餐， 送多杯嘢饮噶！但服务员落单时根本无提醒， 又无比下午茶嘅餐牌我地睇！ 我地都系最后临走先发现隔离台有下午茶餐牌！！！！亏咗啊！！！！ 使得我觉得呢间店d服务员太坑爹了！总结一下：出品太强差人意了！ 加上各种坑爹嘅因素， 估计唔会再来咯~~…查看更多

一间专门以＂鱼＂为主题的小型茶餐厅！出品比较单一，主要就系卖鱼汤米线，同埋一d同鱼类有关的小食，例如煎鱼饼~~所以一张细细的宣传单就可以囊括晒全店的出品了！店唔系好大间，一眼睇晒，大概就十一二张4人台吧！间隔都可以，唔会觉得挤逼。估计间店应该系新开张无耐，所以几干净噶！唔错！而且因为无咩人去，所以服务都几周到，但人客坐落唔会比水你饮，要同距讲先有得饮！呢点就有d无法接受咯~~出品都ok噶，我试左个三渔米线23蚊（星期一呢款系特价先15蚊咋！），原价感觉有d小贵，不过份量好足，好大碗，有几块鱼腐，脆鱼皮同埋四方型的鱼片，仲有半只卤水蛋！可谓丰盛啊！鱼汤汤底好清，而且无乜油，感觉几健康！米线系有d类似桂林人米粉的口感，软软地，唔系爽口果种口感！呢度仲有一种叫＂大碗饭＂的饭类，所以要左一碗金针菇肥牛饭！原来所谓的＂大碗＂就系用好传统的＂鸡公碗＂来装住饭！感觉系几有特色，不过我对呢d碗唔系好感冒，感觉好似＂咕哩＂... 味道方面无咩特别，胜在肥牛都几多，而且唔算好肥，豉油味道都适合~~最后：呢度都有唔少优惠！poco卡可以打九折，下午茶时间消费满15蚊以上就可以送一杯野饮！提前电话订餐都可以打九五折或者九折（视乎订餐时间而定），然后每日都有一款特价的鱼汤米线，比原价平6-8蚊噶！对于住附近的街坊来讲真系好唔错的选择！又有wifi，又有空调，价钱适中，干净卫生！…查看更多

呢间餐馆系北京路已经屹立咗好多年噶啦！第一次嚟呢度食饭可能要追溯到2-3年前啦！ 以前外国特色嘅餐馆唔多，所以呢间食印度菜嘅餐厅，可以话几特别嘅， 当时食亦都觉得出品唔错噶！ 但宜家选择多咗， 呢间餐厅就显得逊色咗好多啦！！！ 北京路一个人流密集嘅旺地， 好多餐厅都要排队食饭，而呢度基本上都唔需要排队！可想而知生意一般般啦！ 但就胜在口味够正宗吧！（因为真系有印度厨师坐镇，好多貌似中东嘅客人帮衬）所以做到宜家都仲未执粒！多年之后来翻呢度食， 感觉味道无咩特别了，而且价钱贵咗好多！环境仲系当年咁残旧， 无装修过！！2个人来食的话， 人均要80-100！咁嘅价格，性价比真系一d都唔高啊！ 而且食之前问可否开发票， 服务员斩钉截铁咁讲话可以！ 结果到埋单就游说你唔好开发票， 送2张现金券无使用期限嘅现金券比你！ 先睇下餐牌先讲翻d食物， 2个人点咗4样嘢，食唔晒逐一点评下：虾兵蟹将饭（68蚊）——价钱比印象中贵咗一个double，虾就几大只，有3-4只挂~~ 但d蟹就绝对唔新鲜！细只唔紧要，但d肉系霉嘅，根本无法落口！ 咖喱刚入口可以， 不过就越食越辣....马拉盏炒秋葵——呢个菜有惊喜， 第一次食， 觉得几特别， 查咗下资料， 秋葵又名羊角豆，原产于欧洲，20世纪初从印度传入来我国！从大小长度黎睇， 个样有d秋茄！ 我初初以为系成条咁整噶， 原来系切成一块块炒噶！ 口感几特别，里面有d豆豆， 口感好似蜜豆里面嘅豆豆，甜甜地，几特别！唔错！搭娜——睇个菜牌见个样以为系咖喱类嘅东西， 而且以为好大份！ 上来嘅时候分量原来就系比装饭个碗大小小而已， 上面有d干辣椒， 下面就系绿豆蓉，服务员介绍话呢个菜主要系用来送饭或者送薄饼食嘅， 适合中东人口味， 可能我地未必接受！事实上的确如此， 唔系咁啱我地口味！ 好奇怪油酥饼（12蚊）——因为点咗个搭娜，所以点多个薄饼配搭娜黎食！ 个人认为呢个应该最original嘅印度薄饼， 但又貌似平时去食什么东北人， 山东老家嘅草帽饼！ 几酥，用手撕来食，烟韧得黎又有小小脆口！咸咸地， 味道ok嘅出品一般，价钱唔平， 短期内唔会再有下次咯~~…查看更多