慕瞳的個人專頁

开过好多间，无几耐又装修再重新开业，今次名就叫客家王，但系鸽子系主角~环境方面就无 乜变化，都系咁，一个大厅，两个细厅，位置阔落，都几舒服嘅~服务方面都OK，但系5知点解叫佢加水仲系话D水未滚，我都坐左好耐啦~都未有茶饮~出品方面，鸽子嘅整法有好多种，有鸽子汤，味道都5错嘅，我要嘅系位上，15蚊一位，虫草花炖，花旗参炖，都OK，不过虫草花就无乜味囖~红烧乳鸽卖相5错，味道都几好，几香脆，嫩滑~好似仲有鸽子肉饭嘎~传统嘅客家菜，好似煎酿豆腐都几好味~其他就不过不失囖~…查看更多

之前过节，我订左位，但系有d迟到，点知嘅位就5见左了，一般酒楼都会打电话，佢地就5会囖~咁当初留电话有乜用呢？！好彩后来有一家无来，我地就坐左佢地个位~其实，一路行过去都见到其他地方叫号，就系佢依间仲有位。服务员都几勤力，好快就帮我地开茶了。但系点餸果时，我真系有d想走，个部长都5知急住去边，我问佢有乜招牌特色菜，佢居然同我讲你自己睇啦~我讲左你都5岩嘅啦~问佢有乜汤，58蚊一盅3个人饮5饮得晒~直情就5理我~都5知望左去边~真系火滚~人地隔离台写菜果个都会讲下不如试下我地嘅小炒啦~有虾毛，有韭菜花果D啦~咁样介绍下嘅~唉~跟住讲翻d餸，香茜捞猪肚5知点解会有d苦苦地；条海鲈就熟过头，依d都5滑，甚至有d韧了；系个生炒菜心最好食囖~唉~咁嘅服务同出品，我捻我5会再去了~…查看更多

同妈咪一齐，过来食午餐，听讲出品都5错，遇岩团购，性价比高哇~几时团购，都5会怠慢，印象满分~环境都几好，座位间都几阔落，虽然都睇到厨房，但系空气质量5错~睇左D食评做功课，牛排都系8成熟，所以都觉得好嫩好好食~而且保质保量哇~但系黑椒汁就真系辣得麻麻地囖~我都系中意传统茄汁多D~水果沙律好新鲜~都好甜~豆腐d酱好好味~就系绵绵冰麻麻地~5好食~…查看更多

同朋友行街，听讲果度嘅芝士番薯5错，就想去试下，点知系时尚天河搵左超耐先搵到~其实系个美食广场，仲有好多其他店，乜都有得食~有位坐，够晒大~服务态度都5错，会同你介绍招牌同特价~出品方面就还好~芝士番薯都几香口，几棉~但系饮品就同出面嘅其他饮品店差5多啦~无乜特色~如果系团购，性价比高D，咁都会选择嘅~…查看更多

在人流密集噶购物旺地，不失为一个歇脚噶地方，而且仲有wifi环境不算好，人多嘈杂，但胜在流动快，5会揾5到位服务生都好勤力，台面都会即时淸理5元就有热辣辣噶奶茶，奶茶几香滑而且比以前平左，肚饿仲可以食个批，我觉得芋头批同菠萝批都几好食。…查看更多

同同学冲住佢个下午茶免费续杯去嘅~我点左奶茶布丁+朱古力蛋糕同学点左冰红茶+鸡翼但系同学叫左续杯45分钟都无反应，后来同经理讲先比翻两杯比我地~出品方面就真系5错，我觉得奶茶布丁好好饮，奶茶好滑，布丁都好滑；朱古力蛋糕好棉，又5腻；我地后来直落，又点左海鲜意粉同鸡肉芝士饭，海鲜意粉海鲜5算多，但系味道几清新，有点辣，有点酸，好醒胃；鸡肉芝士饭芝士味好浓，不过对于我来讲就太大碟了，有点腻~总嘅来讲都5错~有机会再去试下其他菜色~PS：5点过后就要BOOK位叫号了~真系好旺人~…查看更多

团购嘅服务态度一般，系定位果时语气就有d晦气~现场嘅态度就还好~因为话已经订满左了，所以只可以同妈咪早D果去，5点20到，仲有好多位，但系坐落之后就好多人入来了~环境方面：空间又D细，有二楼，感觉的有D逼~出品方面：吞拿鱼鲜蔬墨西哥卷：有点冰了，味道其实还好，妈咪觉得D吞拿鱼老左D西瓜蜂蜜爽：系鲜榨西瓜哇~5会好甜，又5腻，D爽同西瓜汁好夹~鲜果三色雪糕球：好抵食嘅雪糕，3个大大嘅雪糕球，分别系啡色嘅朱古力味，绿色嘅绿茶味，同我食完都5知系乜嘅黄色芒果味，除左雪糕仲有水果，苹果，哈密瓜同芒果都好新鲜，芒果好甜哇~鸡排拼鱼排同鸡扒拼猪排：味道一般，鸡排同鱼排都还可以，但系就5中意猪排D味，不过我妈咪就觉得OK，超级推荐番茄汁，依度嘅番茄汁居然真系有番茄嘎~味道都调的好好哇~香滑冻奶茶：真系几香滑，就系甜左D燕窝榴莲蛋：不愧系招牌，榴莲味劲浓，搞到我妈咪即刻点多只，果只上面就5系燕窝，系3粒橙汁魔豆，我觉得仲好食果燕窝果只，而且便好多哇~百利朱古力蛋糕：中规中矩啦~…查看更多

间饭店好旺，好彩订左座位，6点半来果时就有人等位啦~环境方面：觉得好局促，台又细，但系d餸嘅碟又大只窝，搞都成日都要换碟，仲要搵地方放汤~服务方面：因为地方太细，所以成日都要服务员换碟，但系服务态度几好，5会5耐烦~出品方面：味道一如常来出品，都好大众口味，特别系碌鹅，味道足 ，芋头粉，可惜最后先上，都饱晒了~酸菜鹅杂就差d了，酸菜5酸了~成碟菜都无乜味~鱼就几新鲜嘅~红豆糕都5错~价格公道，不过就5适合人多来食啦~食完，都仲系有人等位~…查看更多

环境5错~装修阔落大气，比起门面真系别有洞天~停车都系市中心饭店嘅死穴，车好似都只可以停系门口~服务员态度一般~5够醒目，而且上菜速度有D慢~招牌系鸡同烧鹅，不过果日人少就未有机会试~不过见到隔离抬有叫，色水5错，望落几新鲜~香煎马交鱼，鱼都几新鲜，就系觉得咸左d，拿来送饭都可以嘅~有个乜虾胶萝卜丝，就系萝卜丝包住d虾胶炸~里面真材实料，真系虾胶哇~好香脆，好食，强烈推荐~叉烧包一般般~沙榄无花果炖猪展13.8一位就真系无得顶囖~好甘甜，我连汤渣猪展都食埋~…查看更多

听说装修后嘅得昌好食又抵食，环境好左好多~就去左开饭啦~停车系个问题，因为酒楼外面系敦和路，车都系停系马路边，所以有D逼!饭店有两层，都几大几阔落，特别系2楼~真系几大~都可以摆婚宴了~服务员都几勤力，随叫随到~出品方面：门口通常会有红牌写住特价菜，好似次次都5同嘅~我去嘅时候系鲈鱼同白灼虾，好似都系十几蚊斤，同出面市场都差5多了~ 鲈鱼真系5错，好新鲜，肉质好爽，酱油都几好味~ 菜心系好靓嘅干水菜心，好甜好嫩~ 两斤虾4个人都食5晒~新鲜仲肯定够秤~ 一品窝都5错，有好多材料系里面，豆腐，肉丸，虾，鱿鱼。。。 其实最出名系烧鹅，但系果日最差就系烧鹅，可能系午市买剩嘅，皮又黑仲5脆，酸梅酱仲5好味添~ 菜色种类都几多，有烧烤嘅，不过要再夜少少，两老都对烧烤麻麻地，而且晚餐食5得多，打算分开几次来试~…查看更多

我系比佢店外嘅芝麻杏仁糊海报吸引入去试嘅~店面5大，但系都几干净~服务态度方面就一般般啦~明明搜到wifi，就系5讲密码我知~出品方面：我食嘅系叉烧河粉，分量都算OK，但系性价比5高囖~ 劲推荐芝麻杏仁糊，真系好细滑，又香，个碗一般系芝麻糊，一般系杏仁糊，好似太极图案咁，好睇又好味~不过5知系咪果日已经到做点几钟了~隔离吖姨就话排骨饭D饭系冻嘅~所以总体影响5好囖~…查看更多

通常来依度食都系因为去图书馆，解决午餐~店面虽然5算大，但系环境好整洁~服务员好勤力，手脚好快，所以即使人多，都5会要等好耐~依度嘅饭5错，性价比算高了~十二，三蚊就有一个蒸饭，菜同餸都好足，特别系青菜，5系好似出面果D店咁，随便煮熟就算，都系有炒过嘅~分量有一小碗~最中意金针滑鸡饭同鸡翼卤水蛋饭。甜品方面，姜撞奶同双皮奶都好好食，不愧系招牌，而且双皮奶嘅品种有好多。不过芝麻糊汤圆就完全5得，D汤圆好似放左好耐咁~D粉一旧旧嘅~依度仲有炖汤，味道就5错，一盅盅，真材实料~…查看更多

亲戚结婚后回来宴客~环境一如既往的不错~灯火通明，座位够晒阔落，坐得舒服~果晚隔离就系婚宴，望左下，场景都OK~不过新郎新娘入场前就要借用我地个厅偏门~两个厅共用一个厕所~而且都会经过我地个厅~所以我地嘅厅总会有陌生人行来行去~出品方面对得住个价，材料新鲜，特别系清蒸多宝鱼，火候岩好，滑嫩哇~拼盘里面我最欣赏烧肉，D皮系脆嘎~而且又5肥~用咸蛋黄包裹住D虾来炸，好甘香，连壳都可以食埋~鸡就一般囖~玉米鱼肚羹都几好食~鸡汤白菜仔都好淋甜~叉烧包真系好好食，推荐~…查看更多

一次偶然的机会，来到凤厨，想不到这里真的不错~听说星期五，六，日都会有两轮~所以我一般都会订好先去~佢嘅会员卡各分店都可以用，而且比起打折，免茶介真系更实惠，办卡5洗钱~环境方面就5算阔落，特别人多嘅时候，就更嘈了~房会好好多嘅~出品方面真系好实惠，碟头好大~鱼肚羹细嘅都好似个面盘咁，而且味道5错，鱼肚都有好多；另一个菊花松子鱼大大条，酸甜松脆；鱼饼都几好几爽口，而且都有大细点拣，不过最少都有八块了。。。饭店主打顺德菜，所以口味都几适合我地。价格优势好大哇~缺点就系品种就5算多，停车有D难，同5可以刷卡~…查看更多

环境几好~5会好嘈，座位好多，5会觉得好多人，而且有分区域，咖啡区域嘅凳舒服D，而且咖啡5错，几香醇~最中意拿铁啦~蛋糕都有好几种，都几好食~而且因为万国都以行街为主， 所以好多人都会来歇脚~因为有wifi，所以都有好多人系度边食下午茶，边上网~…查看更多