柔柔V肉肉的個人專頁

上年去上海玩果时见识并食过正宗噶生煎包，而且响果边食到噶最低只要5毫纸一只，听群友话广州都有咗呢间正宗噶上海生煎包，梗系要去试下啦，下昼1点几去到，地点响西华路南海中学斜对面，排队噶人几多下噶，出品速度比较慢系导致人多排队噶重要原因，事关D生煎系现包现煎噶，而且店员人手好似唔多够，等咗半粒钟先轮到我。感到意外噶系原价2蚊一只噶生煎包仲有折打噶，不过下打完折都要个半银钱一只噶。只包大细同小笼汤包咁上下，算得上系皮薄肉大，形象D来讲就系一个面皮包住个肉丸，汤汁好多，但鲜甜味唔够，同上海果边噶味道差咗唔少。 排队果时听人讲嘢，唔少人都系听传闻来噶，睇来想响广州食正宗噶生煎包的确系几难啊。间铺细冇几张台，除咗收钱有人，其他都靠自己。…查看更多

各位吃货要注意呢间系下昼3点先开门营业噶，我地2点去到摸咗门钉啦，团购噶单人甜品金枝玉叶原价18蚊，6.9蚊团购好抵食噶，金枝玉叶D料系，芒果肉+龙眼+椰果同西米。芒果肉好大一旧，几甜下噶，龙眼都系新鲜龙眼肉唔系罐头果种。因为加咗西米，所以汤汁比较稠。味道几好。而且可以加料噶，不过要另外傍水，3-6蚊之间。 朋友果碗同我噶出品都差唔多。店里甜品价位都唔算贵。仲有唔少抵食噶小食，芝士薯仔6蚊就有交易，鸡翼凤爪都系10蚊咋，餐厅比较细间，环境一般，但老细服务态度几好。…查看更多

响中华广场陪表妹买完鞋跟住行来呢度食团购午餐，两笪地离得都几近下噶。几步行到啦。好彩来得算早，而且预约咗噶，唔使等位。后尾真好多人等位噶啦！团购噶系59蚊噶双人餐，包埋锅底茶位噶，酱料系自助。餐厅环境几好，都系沙发位来噶。验证后好快上齐嘢，锅底系高钙骨头汤锅，原价系18蚊一锅噶，骨头未见，有红枣，虫草花，枸杞子呢D嘢，荤菜有羊排卷，肥牛，鱿鱼，丸子拼盘得九粒，其中蟹子丸几好食，羊排卷同肥牛份量都比较少，鱿鱼同网站图片唔符，网上系成条噶，呢度系切到一条条咁。蔬菜不作评论，主食中噶水晶粉几好食，不过要煮耐D先得，而且捞起身等凉返少少口感更好，韧韧地。成个餐睇品种系唔少噶，但份量都唔系好多，觉得呢度噶特色主要系餐具，所有噶餐具造型奇异，而且都唔重复噶，几得意。用餐环境都几干净。呢个餐可以有！…查看更多

系群里噶吃货介绍呢间噶团购抵食先去噶，餐厅位置比较偏僻，服务员态度一般，不过食噶真系如群友话噶够份量，菜味够锅气，特别系洋葱头沙姜捞鸡，半只鸡好大碟，而且洋葱头沙姜呢D辅料好少，大部分都系鸡来噶！鸡肉好滑有鸡味！清蒸鲈鱼，鱼生前应该有斤两重啩，够新鲜。呢两味觉得系成个套餐中最好噶，其他如三杯鹅甜咗小小，酿豆腐：肉滑几好，唔会散，就系稍微淡左D。韮菜花炒烧腩：虽然依碟菜等左好耐先上，但真系好好食，好香，好够锅气，烧肉又多又唔肥。餐厅系普普通通噶大排档格局，我地去到差唔多晚上8点，客流仲系有一半上座率，都算旺噶，服务方面上菜有D慢，睇其他正价客点噶都系一样等噶时间较耐。。…查看更多

去到噶时候已经下昼两点半了，食完午餐噶一早走晒啦，所以全场就得我地两个人客，等于包场，环境真系靓到爆，俾人如置身高档别墅用餐噶感觉。食噶系68蚊噶商务套餐，套餐一个主食，一个甜点，一杯柠茶。主食两个都点噶系焗龙利柳及猪扒饭，好大一盘啊，D猪扒都几大块，肉几入味，龙利鱼柳同芝士响表面，焗到好香，味道都唔错~~~甜点系芒果布丁，等差唔多食完饭上噶，造型好靓，应该系雪柜入边摞出来噶，因为个盘都系冻冰冰噶~~距噶服务冇得弹，一路都有服务员响附近，而且上菜系睇住用餐程序上噶，从柠茶到主食到甜点，唔愧系五星级酒店噶态度同出品。…查看更多

见呢间出噶团购貌似都几抵下噶，39蚊有2磅噶千层蛋糕食。而且仲可以送到指定地铁口交收，都几方便.团咗之后打电话预约，电话入边接电话个女噶好似赶住出门咁好唔耐烦。而且口气唔系咁好。都冇问我手机号亦都冇俾我联系手机号。仲系我打多次电话过去主动同距讲噶，晕！事关冇手机号地铁口交收点联系到啊！选噶系榴莲千层，摞咗返来打开个盒，成个蛋糕样好猥琐。绿色绿得好唔自然，以为同芒果千层差唔多，中间有新鲜果肉噶，点知呢个系一D榴莲肉都见唔到，见到噶都系白雪雪噶奶油。不过能够闻到榴莲味。食落口都好甜，而且果层“绿皮”唔好食，一阵讲唔出噶味道。呢个只能话自己食就算把啦，如果谂住买来送人就千祈咪制啦！…查看更多

距开业果时来食过一次自助，前日去系第二次，非节假日系唔限时享用噶。呢间比较特别系唔似一D酒店自助餐去迟咗就冇乜靓嘢食噶啦，呢度冇乜靓唔靓噶嘢，都系比较常见常食噶食材。肥牛，肥羊，猪颈肉，虾系比较多人摞噶，不过唔使忧，随时补充噶，除咗呢D肉类亦都冇乜贵价嘢。畅饮D嘢都系化学粉末冲出来噶，雪糕唔错，好似系“雀巢”噶 抵赞噶系蔬菜都好新鲜，起码睇色水系咁噶。酱料选择都算唔少。甜咸辣都有。抵弹噶系炉具，果个铁板要不停落油先得，一唔落，D肉菜燶晒。而中间果个火锅太细，人多噶话根本唔够用。好多网站都能揾到距噶团购，所以正价去食就笨啦，店里免费WIFI速度几快。套餐可以即买即用噶。…查看更多

呢间邓留山开张冇几耐噶，位置响花城汇地下商场靠东，隔离往前D系商场洗手间同其他大部分店唔同噶系，呢间系开放式噶，比较简陋，一般商场铺咁噶款。 去食果时除咗店员得我一个客，好似包场咁。2个店员都几他条。点咗芒果捞20蚊。好快就送到来。玻璃碗好细，芒果肉应该加咗嘢处理过噶，虽然系新鲜芒果但味道有D唔同，新鲜噶系清甜，距呢个比较香甜，一D都唔酸。D汁好浓稠，下面系西米露来噶。几好食。成个花城汇商场人气都唔多旺，店员话距呢度就更加少人，所以环境系好静噶。距星期一到三每日消费满20蚊都可以再10蚊点份特价噶…查看更多

时尚天河噶美食美刻餐饮区到咗食饭时间真系人山人海啊，金大爷响中间位置，靠近洗手间果边，距街招上噶关东煮，汤锅好醒目，仲大过距金大爷噶招牌。搞到开始经过距噶门口都未发现！食噶系团购餐，选噶系肥牛寿喜锅，等咗十几分钟，呢度系要自己去摞餐噶，冇服务员送噶。 肥牛寿喜锅就系浮头有几片肥牛，下底系白菜油豆腐，2个肠仔同白萝卜，睇就好大份，其实主要系汤汁浸住显得多。味道有D淡。原价竟然要38蚊。团购十几蚊仲差唔多啫。原价系肯定唔会食噶，毕竟肉少菜少，得汤多咋。…查看更多

行经呢间店门口见到鲜花饼特价28蚊一盒，之前经常买距店里边蛋挞，事关距蛋挞平夹好食，而且都系当客人面现整出来，所以上落班时间门口始终都摆晒长龙，好多人等噶。 买噶系玫瑰鲜花饼，原价要35一盒噶，特级平咗7蚊到，10只，包装都几精美，每个饼都系独立包装来噶，饼皮同一般噶酥饼区别唔大，但入边噶馅料就特别啦，真系有玫瑰花噶，而且花香味好浓，个馅料甜度啱好。特价都要为到2.8蚊一个，斋睇价钱同其他类似噶饼比系唔平噶，可能距贵噶价值点就系玫瑰馅料啩，值得尝试。…查看更多

呢间餐厅逢生日买三送一，来呢度同朋友庆生，市区去到可谓系山长水远，我地响锦城花园坐129个半钟头先到，好彩唔使转车。间餐厅属于乡下地方来噶，偏僻到附近想揾间士多都冇。所以市区去都系食午餐自助把啦，晚餐安全唔多掂啊 团购都享受到3免一噶，80蚊一位来呢度食，主要系见网上口碑唔错。不过食咗事实上的而且确唔错，首先系唔限时，而且海鲜都比较新鲜，食得最多噶系三文鱼腩，够新鲜！而且补充都几及时，可能唔系节假日，中午人唔多，唔会出现市区自助餐厅抢食噶情形。服务员收碟都几快下噶。生蚝开始限量一人3只，但到后尾就唔限啦，放响度任摞。仲有生噶生蚝添，唔敢食！领班带几个服务员走来祝朋友生日快乐，并送咗蛋糕，几有气氛！远系远咗D，不过餐食不枉此行。…查看更多

去呢间食噶午餐，餐厅紧挨住广园新村公交站边噶过街天桥。餐厅响二楼。够大间。上到楼直到揾位坐低先有服务员埋来，不得不讲噶系，呢间餐厅最大噶特色系餐牌够大，够重量！起码去过咁多餐厅未见过有咁大噶餐牌噶，翻页都觉得几有份量，食噶嘢中觉得唔错噶系猪肉芹菜饺子，18蚊12只，配辣酱豉油上噶，可以点住来食，馅料几香，肉都几多下噶。椒盐多春鱼炸得外酥里嫩，几甘香。同服务员摞咗番茄酱来，点住食又多咗另一种味道。唔好食噶系东北拉皮，呢个30蚊认真唔值，主要系皮唔好食同街市噶凉粉差唔多，而且厚咗D，青瓜紫甘蓝果D丝都好食过距。茶位分乜茶乜价，我地点噶大麦茶系3蚊一位，唔同噶系距加咗红枣，所以大麦茶有小小甜味。餐厅服务员比较少，而且中意时不时就走来问加唔加菜，搞到有D唔多惯。…查看更多

貌似来呢度饮茶噶都系团购多，事关见到人地来到同我地一样俾埋验证码咁。上午人唔多，唔会吵。西式装修同传统茶楼比，环境好好多。 话就话越南点心，不过大部分都系中式噶，我地套餐中最好食噶系潮州粉果，好中意距外面果层皮，口感好Q。入边D香菇花生好香，而且唔会腻人。皮蛋瘦肉粥都几有锅气，肉大大片噶几滑。菜心灼得啱好，爽脆清甜。越南春卷感觉同我地中式春卷唔乜唔同，中间都系萝卜丝葱丝呢D嘢。总之食物味道来讲都几唔错，加之环境又好。团购系抵去噶。…查看更多

虽然响正佳广场呢个商业旺地，但可能位置偏僻咗D，经常经过都唔系咁多人，团购用咗5蚊噶抵扣券买咗距噶中午双人套餐，88-5=83蚊 团购去消费唔使预约噶，起码我地当日去到店员问都冇问预约呢家嘢，几好！而且各个态度几好，位又多，大把选择！开始我地果张台上噶IPAD系坏噶，后尾换咗张台。（IPAD系商家每张台配噶可以联网）双人套餐查实就得个焖锅，店员话正价似我地咁一围要差唔多两旧水，觉得好贵我地选噶系金针菇肥牛卷锅，成个锅味道有D甜，都比较鲜。红萝卜同番薯入口即化，肥牛切得唔算太薄，味道唔错。饮料柚子蜜好饮D。呢个套餐2个人食系绝对够噶，食到后尾用D汁捞饭，饭都好食好多。几抵食。…查看更多

好耐未去果间，前几日同朋友约好来呢度打边炉。中午正价58蚊一位，团购少10蚊，呢间乞人憎噶系唔预约就无得食噶。成个中午好多空位。 餐厅同以前冇乜太大变化，仍然系座位狭窄，光线唔够光，3种自助饮料中得2个桶有，菊花蜜好饮D。酱料十几种，好味噶系牛肉酱，香辣酱，酱料补充都比较及时。 自助因为系点餐形式，所以点咗等好晒时间，限时2粒钟，差唔多一半时间都用响等餐上啦。服务员几乎系随叫随到，但菜并唔系随叫随到，郁闷。 肥牛肥羊颜色睇落几新鲜，用噶碟够大，但肉片铺开来查实无几片，而且牛羊肉味道分唔出，中意猪颈肉，几爽口。鱿鱼须同鱼头都几新鲜。锅底方便其实我觉得冇咩区别，得个名唔同啫，我点噶骨汤锅同老友噶清补凉就系一个有红枣一个冇噶区别。团购价钱响附近来讲唔算比较平噶，同距噶环境服务衬得起。…查看更多