把口零舍为食的個人專頁

去呢度食噶团购，79蚊噶套餐主角系两个扒，一个鸡扒同牛扒。上到来我同我的小伙伴有点惊呆啦，第一个感觉就系大，份量真系好够。同我地上个月响天河九龙X岛食噶扒相比，呢度简直可以话系果边噶双份、味道方面，牛扒同鸡扒肉质够厚，特别系鸡扒一啖咬落去有汁出噶，好正。 甜品虽然材料比较普通，就系绿豆海带，但认真好味比较浓稠，煲得几林，甜度啱好。如果唔系团购，单点一个扒最低都要4，5十蚊到噶，所以呢餐食得几抵！餐厅灯光比较柔和，卡座都坐得几舒服，服务员态度都唔错，对团购无歧视！…查看更多

同细佬本来打算去楼下噶萨莉亚食噶，见到距门口鬼咁多人排紧队，于是上来呢度食，一入店门D服务员一个二个几咁热情，感觉唔错！带我地开台埋位斟茶几咁快手。呢度中午自助系55蚊一位，既可以烤肉亦都可以打边炉，蔬菜同点心系自己郁手摞，肉要落单点。我地点得最多噶系肥牛同鸡翼，肥牛偏肥咗D，鸡翼烤噶时间又比较耐，好在服务员会主动帮客人烤，其他如鸡脆骨，羊肉串冇眼睇，觉得色素好重。小食点心好食D噶觉得系南瓜饼，特别中意个馅，几香糯。酱料品种选择唔系咁多，得沙茶酱辣椒酱呢D。蔬菜部分算新鲜干净，起码我地冇食到沙系啦。呵呵，至于饮料我地宁愿饮茶好过。不敢饮勾兑野。总之，基本算满意。不过由于是限时2个钟噶，所以时时要睇住时间食，而且服务员会时不时来提醒，呢点唔够爽！提醒各位，来呢度食过咗12点都要排队噶。…查看更多

同朋友来呢度食午饭，食饭时间呢个美食广场就餐区人头涌涌，我地见缝查针咁揾到位，因为公共就餐区噶台凳系呢个美食广场商家共用噶，所以我同朋友必须留低一个hold个位先得，如果唔系买嘢返来就无得坐啦。选咗呢间罗节子，点咗两碗肥肠粉，16蚊一碗噶价钱唔算平。磅完水摞号等。等得时间唔长，叫到号要自己去摞，都算比较大碗，不过肥肠就切得好碎，粉系果种圆碌碌噶长米粉。肥肠味道唔错，唔会觉得好肥腻，加上香菜花生碎几咁香口，就系份量太少，汤有小小辣。咁样一碗汤汤水水都几饱肚噶。食完就急急脚走人，事关呢个环境真系好吵！…查看更多

记得呢间逢星期一买6寸三明治有买一送一噶优惠咖，点知去到店员话早都冇咗咯。而且睇餐牌唔少品种都升咗价，以前食开噶香肠三明治竟然由18蚊升到22蚊噶啦。贵咗就唔食距咯、买咗香葱照烧鸡排，18蚊加杯可乐7蚊。呢D三文治用噶蔬菜同肉都系摆响过度俾客人选噶，要咩酱料都系。店员完全按照客人噶要求来制作，呢点几唔错。距呢度噶鸡排唔系油炸噶，店员话系蒸噶。加咗D洋葱生菜。食落口味道好复杂，酱料酸甜蔬菜生脆，但肉就冇咩味道，呢个鸡排三文治唔系咁好食。服务同环境都OK，有免费WIFI叹。…查看更多

几中意来呢间食嘢，每次来必点芝麻糊杏仁糊双拼，12蚊一碗。杏仁糊同芝麻糊装同一个碗里泾渭分明，黄黑相间，靓得来仲好滑好香，芝麻同杏仁噶味道好浓郁。店里水牛奶同豆腐花都系招牌来噶，热噶甜品一碗基本都响十蚊左右。店里仲有各种拉肠同粥，价钱同甜品差唔多。今次来食，店员话家下有现金卡卖，85蚊买100蚊，各间分店都使得。而且全场通用冇限制，食嘢为到85折。反正经常来食所以我都买咗张券。平得几多系几多啊嘛！…查看更多

如果唔问一楼噶保安噶话间店真有排揾啦，店响四楼靠电梯左边埋去噶一个角落头，来呢度食团购双人餐，柜台上边分荤菜同素菜两类，荤菜系8.8蚊一两，素菜系3.8蚊一两。品种都唔少，荤菜有牛肉，牛肚，猪肚，鲜虾，鸭翅，肉丸......等。素菜除咗叶菜仲有几种菌类。反正系由得客人拣，按荤素两种价格称重计钱噶。无加工费。我地团购餐系规定好噶，当然冇得拣，不过都有5种荤菜，有我中意噶鲜虾同牛肚。中午食饭时间，人都比较多，我地都等咗差唔多半个钟先食到。所有菜都系摆埋一个锅度炒出来噶，好多芝麻，辣椒都唔少。入边噶菜花，薯片都只有7成熟，店员话系为咗口感，熟过头唔好食噶啦。牛肚，培根，鲜虾呢D平均一人2筷上下。味道还可以，可谓系麻辣鲜香，呢一锅两人食足够，茶水同饭系任饮任装噶。虽然睇距正价一两好似唔多贵，但材料都系湿立立噶，称重噶话价钱都几襟计噶！所以如果想似我地来试下味道噶都系团购好D。…查看更多

以前食过呢间店出噶团购，试过之后味道都几中意，而且发觉其实正价都唔多贵，选择余地比团购大好多，所以家下想食都系直头来买，今次买噶蜜汁烧鸡卷+芒果爽当下午茶。店唔大，服务员都系D靓仔靓妹来噶，一个二个招呼客人都几热情。烧鸡卷同KFC鸡肉卷差唔多款，不过料好似多过距，而且10蚊噶价钱相对来讲平，入边包裹噶番茄同生菜睇落都几新鲜，鸡肉有D甜，外面饼皮几韧。芒果爽6蚊价钱，味道一般，有D甜过龙。店里噶卷类一般都十蚊，紫菜包饭棒类噶12蚊一份，买来顶下肚都几唔错！…查看更多

今日下昼经过撞正店里边盒装轻芝士蛋糕同黄金枕蛋糕打特价，都系十蚊一盒，比正价平咗6蚊到，为到六折啦，来买噶人都唔少，果D师奶一买就系一大袋。距噶轻芝士蛋糕味道唔错，口感细腻，有浓浓噶芝士味。而黄金枕蛋糕就零舍松软，两种我都几中意！因为我住得唔远，周不时都会来帮衬，斋从价钱上来讲，距呢度响附近噶饼铺中算比较平噶，而且经常出唔少特价添。不过上昼一般好少会有特价，一般都系下昼近住傍晚时分多。唔好噶系店铺太细，特价果时人多经常排队。…查看更多

中午来食正价要138蚊一位噶，我同朋友系团购价来食，93蚊一位。真系为咗食三文鱼先山长水远搭完地铁搭公交来到呢度噶，好彩未令到我地失望。品种够多。自助餐主打的三文鱼都系唔限量噶，但三文鱼腩出的比较少，几乎一出到来就俾人摞晒，要手快先得，三文鱼柳就大把。其实除咗三文鱼仲有唔少嘢都好好食，花蟹够大只肥美，翡翠螺肉够爽。仲有好多海鲜类选择。成间餐厅好大，位置坐得好舒服，不过食嘢过程中服务员会不时过来提醒唔好浪费。都算几满意噶，就系市区去到返来太晒时间。…查看更多

呢间店近住客村公交站，我承认系门口买够30蚊可以减5蚊噶街招吸引到我入去噶，距呢度买都系用塑料盒装好一盒盒咁来卖噶，唔似其他店散称可以凑够30蚊就有得减啦，呢度想啱凑够30蚊几乎冇可能噶，我买噶一盒鸭腿加一盒鸭架过秤就35蚊啦。一盒鸭腿有2只咁多，肉好实，鸭腿加咗花椒同辣椒，食落口麻香味十足，小小辣同甜。鸭架唔够距好食而且肉比较少，所以下次如果买都系只买鸭腿好过啦。两个店员服务态度都过得去。…查看更多

同湖南籍噶同事来呢度食饭，距话响广州来讲呢间湘菜做得比较正宗。晚上来到餐厅都几多人下噶，但餐厅够阔够大间，环境都OK。虽然多人唔会觉得好吵！ 几味餸系同事点噶，果个剁椒鱼头上到来，我吓咗一惊，大大碟装住噶鱼头表面堆满新鲜红辣椒，连汤汁都系红色噶，点入到口啊。同事硬系要我试，试咗啖鱼肉又并唔多辣啵，而且十分之香鲜。我地完全可以接受得到。45蚊咁大份都算几抵噶。仲有果个肉沫薯粉都唔错，薯粉入口有阵浓浓噶番薯味道。几味餸中特别中意呢两味。临走埋单果时，服务员仲送咗优惠卡，下次持卡消费满一百蚊可以打8.5折。 …查看更多

今日跟住妈妈来呢间食嘢，虽然我对濑粉兴趣唔大，但妈妈中意食呢D，就住妈妈一齐来食。店铺唔大，但装修得够传统，而且睇墙上噶濑粉介绍用噶都系古法传统工艺。 餐厅食客好多都系中老年人，连服务员同厨房师傅都系，睇价钱加肉噶濑粉都系12蚊以上，但妈妈食素，所以点咗两碗斋粉。8蚊一碗。以为斋粉就系粉冇其他嘢，原来粉入边有猪油渣同萝卜碎仲有香葱芫荽呢D，好大碗。入口粉滑味香。好好食，而且嫌唔够味道仲可以免费加小菜噶。一碗食落肚几饱下噶，认真抵食啊！…查看更多

附近小食店唔少，但距间生意特别旺，皆因老字号噶魅力啊。傍完水摞到筹仲要等位，等咗差唔多2个字到先坐到落来，所以话中午来呢度食认真揾苦来辛啦。 点噶牛肉肠粉同滑鸡粥，肠粉比较厚，个人觉得冇以前好食，不过为数不多噶几片牛肉几好食，好滑爽，粥份量还可以，葱姜有D多，口感香滑。2样嘢差唔多二十蚊到，价钱略贵过其他小食铺噶。话到服务咯喔，自助就系咯！…查看更多

办事经过体育西，顺便团购咗呢间噶套餐去食。地点都唔算难揾，离天河城好近。新店来噶。餐厅认真细，台都系挨住墙面，食嘢块面都只有对住墙噶。觉得好逼。 选噶大阪牛肉饭+土豆泥，就得一个店员整咗十几分钟先得，好彩无其他客。土豆泥整到好似雪糕球咁样，2粒咁多，小小甜应该系加咗沙拉酱。算好食。牛肉饭份量少，牛肉好薄味道偏淡。讲真果句，咁样噶份量如果系当正餐来食估计大部分人会觉得唔够噶。以为19.5蚊噶呢个套餐团购会着数好多，但睇店里噶原价都不过系22蚊，少咗个二银钱。呵呵 …查看更多

我地星期六去距对面噶橙天嘉禾影院睇电影，下午场未够钟来呢度坐下顺便顶下肚。间店人气唔多旺，中午无几个客。 点噶酸辣培根意粉，海鲜披萨，仙草奶茶。加埋差唔多八十蚊上下。服务员服务几好，比较热情，而且笑口噬噬介绍呢样介绍果样。培根意粉味道唔错，粉系我中意噶口感，比较硬生D噶，酸辣微甜。朋友本身唔中意食披萨，大部分都系我食咗，披萨比较薄，食得到几只虾仁，边边稍为烤老咗D，味道都过得去。仙草奶茶个杯就几高，但太“瘦长”所以睇就好大杯，除去冰块并唔多。仙草几滑。环境几好，而且上到WIFI噶。…查看更多