7货1个的個人專頁

呢间餐厅仔虽然细，但都算干净奇离。而且店员态度几咁热情。卖噶嘢同KFC，麦当劳都差唔多，西式快餐来噶。唔同噶系店员介绍话呢度噶食物都系烤制出来噶。价钱方面同其他西式快餐都比较接轨，闲闲地都十几二十几蚊，我地食噶“北约客玉丁烤鱼”细细份就16蚊啦，烤鸡腿堡12蚊。烤鱼食起身觉得粉多咗D，而且外面果层香料味道好重，鱼味食唔出。虽然话唔系油炸噶，但里边噶油都几多下噶。汉堡可以点D芥末沙拉酱食（店员教噶）味道好特别。西式同日式噶结合。讲真果句，D嘢食得唔系好惯，而且份量都比较少。…查看更多

新市呢间黄记煌系我去过噶几间分店中算比较大间D噶，环境几好，同其他分店一样每张台面都有ipad俾客人玩，开始以为只系用来睇菜牌点菜用噶，殊不知上网都OK，而且网速几咁快。焖锅品种都好多，根据唔同食材价钱都唔同，不过最平噶都要一百二十蚊左右，贵噶就来二百蚊一锅。我地食噶鲶鱼锅都几好食，肉滑香鲜，汤底浓稠，下边D红萝卜同番薯好林入口即化，一煲嘢都几多下噶。食到最尾点多份扯面，店员当客人面将面扯好放入汤中，好似拉面咁样，口感几爽滑。店里自制噶酸果汁都几好饮。呢间店值得再来。…查看更多

来呢个细细噶铺头仔食嘢好有时光穿梭噶feel。带住微笑上咗年纪噶婆婆老细，简陋到几乎冇咩装饰噶环境。好实在噶价钱，一切好似返返到儿时咁。虽然餐台对住马路但台面并无咩尘，事关婆婆老细不时埋来摞抹布来抹。食咗碗双皮奶3蚊鸡，味道一D都唔输蚀其他糖水铺，奶味十足，够香够滑。而且呢个价钱可能行云广州市都好难揾噶。咪睇小呢个铺仔，各式糖水，粉面粥乜都齐晒噶。个个都好平添。非常值得帮衬！…查看更多

第一次食呢种麻辣香锅，睇好多辣椒干以为辣到死，点知入口只系有小小辣，更多噶系香，荤菜同素菜虽然系放埋一齐炒出来噶，但味道好均匀，唔会觉得边只咸边只淡。而且莲藕西兰花呢D都几爽脆，好清甜。肉食起身都好爽。睇师傅炒都几简单下噶，不过系将半熟噶蔬菜同肉放埋一齐同D酱料捞埋。所以出品几快速。唔使等几耐就有得食，而且食材全部摆响柜台度，食乜嘢自己夹到碟里边交俾店员过称就ok啦。店员一个二个服务都几热情。…查看更多

呢间生煎包生意都几旺下噶，好彩排队时间唔算太长，呢度卖都系4只一份咁来卖噶，唔似一般噶点心铺买一只都得。六蚊噶价钱为到个半银钱一个。几中意包噶味道，入边噶汤汁好饮有小小甜但甜得不过分，一半噶皮煎得几脆。肉馅成个肉团咁样大大粒噶。豆浆3蚊一杯，就住煎包来食几好。 D包都系师傅当面现包现煎，一锅煎好几乎都系即刻卖晒。冇轮到噶话就要等下一锅，冇D耐性真系唔得。…查看更多

典型噶一间港式茶餐厅来噶，无论装修风格定系食物出品都几港式，中午来呢度食噶几乎都系附近噶白领，所以店里仲搞出个白领套餐，价格都系二十几蚊。 我同朋友去食啱系中午食饭时间，所以好多食客，服务员服务有D乱，上餐都唔按先后顺序，搞到我地等咗好耐。 食噶油鸡饭，用噶系鸡腿部分。肉质几实几滑几好食。仲有只煎蛋同几条菜伴碟，蛋无味噶，本身肉噶汤汁又少。总体比较清谈。价高量少。…查看更多

食呢个纯属好奇，好耐就响电视上边睇到过介绍台湾噶美食就介绍过呢个大肠包小肠，觉得应该好好食先系。但响呢间点食咗之后觉得并唔多好食，唔知系距地整噶唔正宗唻？定系原先就系咁噶味道。不过外面果层糯米饭几好食，越嚼越香。唔多好食噶系入边噶馅，话就话系火腿，其实就系超市入边果种切片热狗肠，仲要加咗榨菜，一D鲜味都冇。15蚊噶价钱宁愿去食KFC噶鸡肉卷好过啰！就系个档口仔，冇咩服务就系俾钱摞嘢走人！一路走一路食！…查看更多

呢间环境好过中华广场果间好多，又大间座位又多，座位而且唔似果边逼鬼死，都几阔落。而且交通又几方便，楼上就系东站公交场，门口转右就系地铁站。 几中意食距噶披萨，价钱虽然贵过萨莉亚小小，但起码唔使排队等位。距地噶芝士披萨好食过萨莉亚，芝士落得多饼底薄。仲有奥尔良鸡肉披萨，入边噶鸡肉粒同粟米粒有埋汁，咬落去微甜中夹杂住肉香。非常好食。畅饮7蚊一位，有奶茶咖啡冻饮任意饮，而且唔限时限量。个人觉得响度食嘢性价比几高下噶。…查看更多

而家换咗呢个店名唔知系咪连老细都换埋啰，以前来呢度食过几次，出品都几唔错，不过来噶几次呢间一路都唔系咁多客。照讲挨住地铁口，生意应该几旺先系噶嘛。 今次来食又都系冇咩客，成间店得我同朋友2个人，靓女店员态度几好。点咗雪山孖宝，白雪黑糯米。呢个白雪黑糯米认真好食，软软噶糯米配搭甜奶味道好好。都试咗小小朋友噶雪山孖宝雪球几细腻，不过我唔多中意入边噶仙草，无咩味。同以前比，出品并无太大变化。两味甜品50+，价钱都唔平，不过度度甜品铺价钱都系咁上下啦。有wifi…查看更多

比较少来万达广场呢边，主要系朋友记买咗万达影城噶电影飞请我睇，所以去之前特登团购咗呢度噶套餐，睇完电影出来食啱顶下肚。2个主食加2杯饮料团购40蚊有找，我食噶地狱雪花牛肉拉面，拉面噶汤底白雪雪咁，好似落咗牛奶咁样，好大碗，而且汤味道几鲜，薄薄噶肥牛肉都好好食。睇朋友食噶什菌牛丼饭一般，饭同肉噶份量明显少过拉面，装饮料噶杯系日式酒樽果种，成个细口花樽咁几得意。味道麻麻地，青梅汁甜得滞。餐厅够大人又少，环境同服务都OK。值得帮衬。…查看更多

吃货老友以前推介过，又啱经过呢度。顺便都来试下。间铺响路口位置，一眼睇到晒，店入边认真细咗D。食噶原味小笼10蚊8只。落咗单后现蒸噶。老细份人几好倾。仲交代埋食果时注意包烫亲把口。小笼包皮都几薄下噶，筷子夹得大力小小，D汁就出晒来，所以尽量唔好去夹距，而系用筷子戳个洞先吸完入边噶汤汁再夹，饮汤食馅同皮。包入边噶汤汁噶味道比较甜鲜。肉系纯肉来噶，几实在。配埋杯冻噶橙汁。食得几满足。…查看更多

抑或响正佳广场呢个乜都贵齐噶地头啩，响度食嘢觉得贵过出边唔少，鱼香茄子煲睇落都几咁细煲，都30几蚊啦要！仲点咗干锅菜花，台味三拼。普梅冻饮，几样加埋就差唔多二百蚊啦。摆碟系够靓噶，但有姿势无咩实际，装茄子噶煲只有上半截三分一装噶茄子，下边系空噶。茄子加咗咸肉碎，味道都过得去。三拼其实系台式肠仔同盐酥鸡炸鱼丸放埋一个碟。肠仔甜过头啦，盐酥鸡块几香口。餐厅装饰的都几靓而且比较时尚，服务都基本满意。而且呢度噶WIFI上网几快，睇电影几流畅。…查看更多

作为广州老字号噶五星级宾馆都出咗团购，梗系要帮衬下噶啦，原价中午自助205蚊噶团购139蚊。毕竟系星级酒店环境认真够靓，处处显得高贵大气。服务员质素都唔错，几有礼貌。唔知点解，好似星级酒店噶自助餐品种都唔系咁多，呢度亦都唔例外，不过海鲜同一般噶自助餐厅比要多几种，除左三文鱼，西鲮鱼，仲有翡翠摞，象拔蚌。都新鲜切出来噶。我就零舍中意翡翠螺，肉够爽，虽然间中会食到D沙，但并唔影响我对距噶中意程度。甜点都算系亮点，有出边唔多见噶榴莲蛋糕同一D叫唔上名噶甜点。靓得来又好好食添。食得几招积，值返自助餐价噶。…查看更多

好耐未食自助餐啦，谂来谂去都系谂定咗来呢间食，事关以前来食过几次觉得都算OK。点知今次去衰鬼咗啦。食噶系自助午餐团购55蚊。11点半开市有服务员摞笔同纸仔出来要团购噶写好验证码先。入到去一睇就觉得变咗好多，中午人少全部将客人安排靠大门口呢边噶位置。咁就算啦，食噶就更加失望啦，本指望来食D烤肉，点知等到12点几先有服务员托住一D烤鸡心，烤玉米，烤麻雀呢D嘢出来，鸡翅鸡腿每人只俾一个，服务员摆出副要多免谈咁噶款。而且呢D服务员都好好记性，牛腩，鸡腿呢D送过噶客就唔送第二次啦。但送玉米，牛肉丸噶就会送多次。其他唔使派自己摞噶食物就更差啦，个虾系毛噶，非常不新鲜，用油炸来掩盖霉味，以前凉拌菜仲有肚丝噶，家下全部系凉瓜，青瓜呢D。呢个自助餐我食得最多噶系菜心，讲真了，就算呢个够清甜够嫩，其他包括派送噶烤嘢大部分都咸鬼死人。越谂越激气。。。再都唔去啦，拉入黑名单！…查看更多