shching 22的個人專頁

週末同屋企人去咗深圳前海壹方汇嘅「川筵」，店裏裝潢以愛馬仕橙為主調，仲有好多好可愛嘅熊貓公仔做點綴，啱晒打卡影相。而且，座位夠闊落，坐得好舒服。我地叫咗個鴛鴦太極鍋，鐘意辣嘅揀麻辣湯底，香料落足炒到香晒，麻得夠喉但唔嗆親，唔食辣就啱晒菠蘿番茄鍋——師傅每日新鮮剝皮切番茄，用黃油慢炒到起沙先做底，再落菠蘿同即開百香果一齊熬，湯底係天然果甜味，唔係用預製醬調嘅死甜，湯底鮮甜！ 我地叫嘅四人餐共$598，裡面有鮮切牛羊肉，當中有一米長嘅香菜牛肉，牛肉夠滑，香菜味夠出；雅安熊貓筍，好爽嫩；自製羊肉卷，肉質嫩，唔怕羶；仲有脆卜卜現炸酥肉等等。計返人均先港幣$150，好抵食～ …查看更多

週末同屋企人去咗呢度慶祝生日。餐廳走東方美學裝修風格，裝飾簡約而不失格調，屋企人都大讚環境又靚又舒服。 一去到，店員已經佈置咗生日主題嘅包間，佈置得好靚，打卡一流！我哋揀四人餐，團購價$698，人均只係$170左右，好抵食！ 餐廳主打川味融合菜，我哋叫咗少辣，辣度啱啱好。四人套餐非常豐富，當中嘅有機番茄煨牛腩炆得好腍，番茄嘅酸甜味完全滲入肉裡面；豆花水煮魚，魚肉新鮮，配料都好豐富；仲有碗清波擔擔面，喺香港好少食到，好有特色～ 最後上嘅手作紅糖糍粑，外脆內糯，蘸埋紅糖漿，好好味。成個聚餐過程好開心，服務都好周到，好適合家庭聚餐！ …查看更多