MINI243的个人专页

自从泰康路的总店搬左之后，比较挂住既点心，就转战左去北京路继续帮衬佢，北京路店既环境比较好，装修得几靓下，虽然价钱升左唔少，不过依家物价甘高，周围都系甘上下消费了。牛羊杂汤系我的最爱，虾饺都做得唔错，鲍鱼鸡粥D料好多，好好味。可惜冇夜茶饮了。…查看更多

之前睇晒团的人话唔错，于是再出团就团了份68元的四人下午茶，结果觉得出品唔错而且下午茶黎讲几抵食，而且服务都唔错，虽然订左位，但去到有D迟左，所以要等左一下先有位，好快就上菜了，套餐包括：豉汁蒸凤爪（都算几大碟）姜葱牛肉烧卖（依个我超爱的）玫瑰水晶球（感觉几特别，D馅甜甜地唔会好漏）飘香蜂巢糕（一般般试左一件最后打包）香煎萝卜糕（OK啦）豉油皇炒面（不过不失）老火皮蛋瘦肉粥（都几多下）高汤生菜（一般般）水果捞（感觉同饮茶唔多搭）总既黎讲感觉几抵食，因为D野份量都唔算好少，四个人下午茶的话足够了。…查看更多

讲起陶陶居，冇边几个广州人唔识，都系百年既老店了，好多人摆酒都选择依度，加上临近上下九步行街，旺的程度系有目共睹的，想饮早茶或者下午茶，除非好早去等位先有，通常等到既都要搭台。点心的出品都几好，通常我同屋企人去饮茶都会叫凤爪、虾饺、牛肉丸。…查看更多

之前因为团购网站还有抵用券未用，所以团左一份22元的外带寿司，结果杯具了。超难食，而且份量少，店面环境还是挺吸引的，看了会想食。团购的套餐包括：中华海草（份量很少，细细的盒只装了四分一，晕死）三文鱼刺身（这个更加经典，虽然跟网站介绍一样有六片，不过每片都很薄）蟹柳寿司+鳗鱼寿司+海草寿司+玉子寿司+芝八寿司（这些是饭很大旧，没什么味道很一般）最难食的是配的鼓油太咸了，柠蜜红/绿茶大杯（讲起这个更加火，根本没有问你要什么，直接配好了）下次都不会再帮衬…查看更多

虽然店面细细的，大概十几人就会坐满了，但生意一直都好好，店入面仲有明星到过的足迹。通常夜晚的时候会很多排队，晚点去，你想食的炖品都会冇晒的。出品都几好，一盅盅入面好多料，我比较]喜欢原只椰子炖竹丝鸡，味道很清甜.…查看更多

经常朋友聚会或者三五知己都会去食既一间店，由于价钱不贵，而且出品不错，所以经常好多人在门口等位，通常落班时间已经系逼到满晒人，最钟意咖喱牛腩煲、麻油鸡，做得好好味。通常两个人的话点了这两个送再点一个牛油焗西兰花就够晒啦。超好味…查看更多

团购去的86元双人午餐，虽然有限制只能中午食，不过环境比较舒适，地点也方便，附近有地铁站。套餐包括了：澳洲谷饲特级牛柳+ 澳洲谷饲牛肋条+ 盐烤牛舌（这三样是最喜欢的，可惜分量也不算多） 时蔬拼盘（份量比较少）葱盐味五花肉（这个味道不够好） 时令鲜果沙律（份量不多） 2碗味曾汤（一般不太喜欢） 2碗米饭，总的来说两个人够食的，都几好味，主要系因为D肉新鲜，酱料配得唔错…查看更多

好出名既一间店，每日都会好多人排队等位。所以我地过去食饭，订左位都要提早过到去霸位先得。以前价钱几抵食，依家太多人所以都升晒价了。不过佢D乳鸽都仲系好正，可惜只系每日限点一只，唔比打包走了。除左必点既乳鸽之外，我地仲点左烤羊腿、印尼炒饭，甜品就梗系拣椰汁木瓜炖雪蛤。食完坐系度望住江边吹吹风，觉得个人好放松好舒服…查看更多

由于比较近屋企，所以上网团左三张自助餐券同父母一齐食。可能因为佢以前既出品几好，所以开始既时候都几期待下。后来入到去食，发现D野一般般，因为系夜晚食，所以D野食品种好似唔太多，三文鱼一次罗三片，而且唔系冻住甘样，食落去好漏。寿司品类唔多，而且得番好少。一笼笼蒸既点心又系俾人罗得七七八八。扒类煎好放出黎任人罗，时间太耐冻左比较硬身，肉类系比较多，但系唔好食。点心品种唔太多，雪糕又系食完都冇人加。下次都唔想再去…查看更多

果次朋友约我去食饭，佢话上网见到人地介绍37º2几好，为左就我选择左去环市路果间分店，结果揾都揾左半个钟，指示又唔明确。原来就系路口，左边上左楼梯既住宅入面，而且唔系个个都知有间甘既野。上到去见到外面摆左几张台，不过冇咩台，好多人都选择楼上既位置，入面唔算好大，不过有几层，因为系改建既睇得出有D历史，服务员都好勤，成日帮我地加水。我地两个人点左烧春鸡、海鲜意粉、春卷、加个汤，仲有两个甜品。味道都几特别，虽然佢系写法式越南菜，但系同大头虾既感觉又好唔同，佢比较好味d。我好钟意依间餐厅既食物。果晚终于试左朋友推介既拿破仑苏饼，认真好食，不过太大件最后都冇食晒。…查看更多

好多人都会选择行完天河城上去七楼稻香饮茶，所以通常下午茶都比较多人要等位。我地果次去饮茶等左半个钟先有位，仲要同人搭台。不过为左饮餐茶就算了，次次都会点佢既虾饺，因为真系做得几好，皮比较薄里面仲有好大只虾。凤爪都做得唔错，味道几好。通常两个人点五六样野，大概百几蚊左右埋单。食得好满足…查看更多

位于惠福路果边，餐厅有二楼同三楼两层，平时好多人帮衬，晏少少去都好人等位，出品几好可以用大件夹抵食黎形容，次次去亲都会点白灼牛肉，牛肉好滑，点既汁加左芥辣，食落去好特别，价钱都唔贵。仲有佢既脆皮猪手同沙拉猪扒都系招牌，如果人多就会点黎食，因为太大碟了，人少会食唔晒打包左番到就冇甘好食了。至于好多人都话既红豆沙因为系送既，睇下你好唔好彩先食到罗，我都系试过一次咋，料都几多味道几好食得出煲左好耐。…查看更多

好钟意佢既牛三星粉，牛三星煮得好嫩滑，汁既味道好浓，虽然只系普通既小店但配埋河粉食感觉一流，帮衬开都会点，除左三星好味之外，牛腩、牛杂都几好，煮得好入味，老人家都可以咬到。可惜点萝卜牛腩既时候，牛腩既份量都好少。…查看更多

小虫位于上下九，好多学生仔女选择佢，因为价钱比较平，店内灯光比较暗环境一般般，令人讨厌既系吸烟既人比较多，选择卡坐就有低销。扒类大概20-30蚊左右，肉的份量都几多，味道嘛一般般甘啦。店面服务员唔多，所以上菜有D慢。…查看更多

店铺分上下两层，下面感觉坐得比较舒服，上面就比较安静，天气甘热好适合情侣或者朋友，行完天河城，再去吹下空调点杯饮品点D小食，同朋友倾下计，小资一下感觉好舒服。朋友比较钟意中午食完饭，饮野上网坐到下午。…查看更多