yingcharry's Profile

来到北京路诳街，于是就团购了牛桥泰菜的双人餐，菜式包括酸辣椰汁鸡汤、原只面包咖喱虾、香茅田鸡、泰式炒什菜同泰式双层糕。 整个套餐的分量好足，个人觉得三个人去都食唔晒，可惜味道唔多好，个咖喱同大头虾的无得比，唔够惹味，泰式双层糕更加似啫喱，无乜特别，唯一比较好的系酸辣椰汁鸡汤，感觉味道好浓郁，好足料的感觉。…Read More

大头虾餐厅，一如既往咁多人，等左十几分钟先有位，虽然有好多选择，不过我都系中意传统的菜式，所以今次点左咖喱田鸡同香茅鸡，d咖喱拌饭食一流，不过d田鸡唔系好入味，下次都系点翻咖喱鸡算了，不过个香茅鸡就保持水准，香茅刚好去左鸡的腥味，配合得刚刚好，推荐大家食呢味菜呢 点菜的时候记得留肚，因为仲有饭后糖水送的，可惜我次次都食得太饱，个糖水次次都食无落:(…Read More

黄埔的寿司正的半价活动正系越来越多，原来依家每晚都有部分寿司半价，貌似系单双周分别有唔同的寿司半价，然后8点半之后所有的寿司都半价，所以都几抵食！不过去之前要有心理准备，要花一段时间等位！ 个人最中意的就系里面的吞拿鱼寿司同海草寿司啦，价钱唔贵但好好食，当然里面的鳗鱼寿司都好好食的，不过里面的芒果类寿司就成日无货要拿黄桃代替，唔通芒果真系咁好卖？另外里面的服务员严重不足，要做好自己动手拿寿司的准备！ …Read More

黄埔的周记茗点居虽然比起之前刚开业的时候客人已经少好多，不过到左用餐时间依然要等位，今日同朋友一起来到食午饭，发觉原来出左d新品，所以就尝尝鲜啦！ 新品包括清蒸日式烧饼，家乡糯米糍，个日式烧饼有d似钵仔糕，几有口感，值得推荐！另外个家乡糯米糍都好香，大家下次去可以试下！ 不过都发生件唔系几愉快的事，就系我的朋友唔想饮茶，见到个介绍话可以将茶位改成咖啡，于是就改左，点知原来茶位系5蚊，咖啡系8蚊的，不过个说明好有误导成分，就话可以换，又唔讲要加钱，果3蚊给得非常唔顺气，大家以后去到要小心，换咖啡或者果汁、奶茶都系要加钱的:(…Read More

专程去到McCafe试咖啡，点左杯Espresso同Cappuccino，杯Espresso真系好细，摆系Cappuccino旁边更加明显，不过杯Cappuccino的拉花好特别，系麦当劳的M字，真系卖广告的创意啊！其实味道就同辛巴克差唔多，不过环境就同人地差好远，周围好多食汉堡包的人，不过可以睇得出McCafe好注重细节位，例如个拉花，仲有饮完个杯里面原来仲还有图案的，都几有惊喜的！…Read More

朋友推荐的云南风味餐厅，里面的布置非常有特色，连餐具都好特别，忍唔住影左好多相，当然菜式都无令我失望。 最难忘的系景颇鬼鸡，名字好古怪，不过味道好好，有青柠的清新同鸡肉的香味，可惜分量比较少，不过呢个系招牌菜一定要试，另外驴打滚都好特别，有玫瑰花的味道，甜而不腻。如果想试云南菜，推荐尝试呢间餐厅！…Read More

面店位于北京路附近的食街，以为系好有特色的老西关面店，服务态度还可以，都算热情，不过食物品种唔系好多，而且感觉睇紧兰州拉面馆的餐单。点左个兰州拉面、红烧牛肉拌面同拍黄瓜，分量还算比较多，不过味道不好，红烧牛肉拌面太稠，感觉汁都没煮开，拍黄瓜不够味道，反正没什么特色，下次不会去了！…Read More

班克咖啡整体环境非常有小资的风格，有时仲会有人过来表演下唱歌咁，得闲的时候过来一边叹咖啡，一边睇书都几有情调的！ 我比较中意里面的卡布基诺咖啡，感觉非常香浓幼滑，另外再配合双层巧克力郝小妹格子Q ，巧克力味配合咖啡的香浓，一个令人非常满足的下午茶就应该系咁的，住附近的朋友可以去试下哦！…Read More

泰丰酒家算系黄埔比较大众的酒家了，所以我经常都会来食的，今晚我地又去到呢间酒楼食饭了，点左酸菜鱼，铁板竹肠，咸猪骨淋菜叶，生炒水东芥菜同芒果绿茶薄餐。 今晚的菜比较失望，酸菜鱼辣味和酸菜都很足，不过d鱼唔够咸，所以唔多好食；铁板竹肠非常韧，好难咬烂；咸猪骨淋菜叶里面的猪骨好大块，所以味道都未煮出来，最差的系个芒果绿茶薄餐，居然同菜单的图片非常唔同，而且个芒果好酸，完全唔似甜品，反而似开胃菜啦！ 虽然平时我都比较中意去泰丰酒家，但今晚的菜实在太失水准，希望只系个别事件，唔系真系下次都唔来啦！…Read More

今年机构的年会系广东商学院博雅轩召开，第一次去到，感觉同出面的酒楼差唔多，不过旁边就系广商的饭堂，感觉档次立即低左:( 整个地方唔系好大，估计都系得十几围枱，当日食的菜式都系普通的卤水拼盘，烧鸭，白切鸡之类的宴会菜式，老实讲味道真的好差，甚至比不上外面的酒楼，唯一比较有新意的应该就系个虾啦，唔系白灼，而系将只虾分开两半，系上面放姜蓉然后铺系d粉丝上面，好新奇的煮法，不过d虾本来唔系好新鲜，所以味道都要减半:(另外仲有个值得介绍的菜就系铁板牛仔骨啦，食落都几惹味，而且我个人比较中意牛仔骨，所以都算ok啦！整体感觉就系d菜都好普通，无咩特别，如果自己去我系唔会选择呢间酒楼的！ …Read More

山东老家系黄埔算系比较高档的食府了，所以平时真系无乜机会去食，但居然有团购，仲要98蚊4人餐，咁着数紧系要去啦 打电话去预约，客服小姐居然话唔使预约的，到时直接去到出示团购密码就可以，咁都得，唔同无咩人去食饭？于是星期一就直接去了，去到果然真系无咩人，可以拣到个窗口位，团购的食物有啫啫乡土鸡、酸菜鱼、合菜炒龙大粉丝、蒜茸炒时蔬同葱油饼，基本上4个人都够食，最中意里面的酸菜鱼，个菜真系无添加色素的，因为完全唔觉有红色，唔系好辣但味道好足，而且d鱼片好滑，用来配饭一流啊！另外葱油饼都几好味，又香又松脆，而且分量好够，唔系平时的圆饼再分4份，而系上足一盘，起码有7、8份哦！ 餐厅整体环境好高档，请客一流，而且d服务员的服务都好好，用98蚊真系超值，好成功的一次团购…Read More

餐厅环境好有德国feel，一入门就有啤酒大木头，木头组成的吧台，黑色沙发同木质的枱，配搭得都几好啦！ 当日去食的系我觉得几特别的朱古力火锅，将d朱古力煮融，然后放d食物入去煮，外面系朱古力，里面系食物，之前一直都未试过哦！我点左法式面包、蒜香土司、苹果仲有d芝士，d朱古力系锅里面系液体状的，一将d食物拿出来，朱古力又变翻固体，真系好过瘾，不过味道无想象中咁好，好快就觉得好甜，唔可以食好多，好在我地都无点好多野食！想试新鲜的可以去试下咯。 …Read More

一入餐厅就见到全部的凳都系蓝色的，非常壮观，感觉非常高档，不过d食物的价钱都跟住高左:(中午去到都唔系好多人，果日就系点左个意粉、焦糖炖蛋同个蘑菇汤就已经百几蚊，真系认真贵哦:( 肉酱意粉75蚊，都唔系好大碟，而且味道都无咩特别，好似绿茵阁的都差唔多，焦糖炖蛋卖相唔似其他店铺有d焦糖系面，不过味道都ok，算系我比较满意的菜式啦，最后蘑菇汤都只系勉强过关。 总之就系一般的西餐厅味道，但价钱就去到高档西餐厅的档次，非常唔值！…Read More

好早就听过呢间店，一直都想试下素食，所以就同朋友去试下了！店铺环境古色古香，中国风的路线，去的时候唔系周末，所以人唔系好多，非常安静，环境真系唔错！ 跟住就系菜式啦，印象最深的菜分别系：赛螃蟹，蛋白同牛奶的组合， 估唔到真系有食蟹的感觉，好奇个厨师点做到的；苜蓿芽手卷，睇落好似寿司，卖相好精致，介绍写里面有海苔片、青瓜、苜蓿芽、雪梨等几种绿色蔬果，虽然唔系好分得出，不过真系几好食，相当花心思的菜式；五谷五仁饭有齐5种杂粮，够健康！ 其实我最中意里面的氛围，有种宁静的感觉，推荐大家去感受下哦！…Read More

天河的轻食洋菓子店经常系微薄度见到，d食物的卖相都几吸引，所以今日经过天河就去试下了。店铺装修非常有英伦的感觉，靠墙的一边全部都系沙发，仲提供免费wifi，环境好唔错！由于去到只系3点几，所以无叫好多野食，就只系点左个原味列日格子Q同营养紫薯胚芽，其实食完之后都唔知原味列日格子Q究竟系乜嘢食材，不过同雪糕配搭得都几好，口感好Q，好特别的感觉，另外的饮品营养紫薯胚芽据讲热量好低，但又唔会影响口感，虽然我就唔知系麦真系热量低，不过又真系好好饮，而且好浓，一杯都比较饱肚！ 成间店铺感觉比较舒服，d食物都几新鲜，起码之前未试过，大家可以带上notebook一边上网一边叹下午茶哦！…Read More