jf6559的個人專頁

呢间尚点就点新开唔系好长时间，装修都系靓，环境比较干净卫生，店里面有WIFI，可以饮茶同食饭，适合同朋友聚会。尚点就点出品嘅食物价格唔算好平，碟头亦都唔算大，性价比一般。点做一份秘制碌鹅，卖相唔错，但鹅嘅分量唔多。碌鹅做得都几入味，味道带少少甜，相当可口。鹅肉亦都几嫩滑，口感唔错。…查看更多

呢间开记甜品开响楼盘嘅一楼商铺里面，因为面向内街，所以无其它开记甜品咁多客人。店面亦都唔算好大，但里面放咗好多台凳，所以感觉有D逼。点咗一碗芝麻糊，唔系好大一碗，但价格都唔平，要10蚊一碗，性价比唔高。芝麻糊嘅口感都唔错，质地都几香滑，味道够香浓，都值得一试嘅。…查看更多

呢间茗记甜品响负一层嘅美食广场里面，但本身美食广场嘅人流唔大，所以帮衬茗记甜品嘅客人亦都唔多。店里面只有两个服务员，但好似都好忙咁，所以落单都要去收银台。点咗份红豆沙拼芝麻糊，等候嘅时间唔会好长。但出品嘅卖相真系麻麻，造型好求其。红豆沙都系香滑，红豆好甜；芝麻糊都好香，但唔够滑，口感有D粗。出品价格唔算平，性价比唔高。…查看更多

呢间螺师傅柳州螺蛳粉响美食城里面，虽然美食城里面嘅店铺好多，但呢间算系人气最旺嘅一间嘞。我哋都系因为听讲呢到嘅螺蛳粉好好味，所以嚟试试嘅。螺蛳粉嘅卖相都系吸引，颜色好靓，里面嘅配料亦都够多。粉嘅质地唔错，够爽滑，而汤底亦都好香螺蛳味。小食品种选择亦好多，但分量都有D少。出品价格唔算贵，性价比都合理。…查看更多

呢间恭囍好细间，但环境都几干净卫生，店铺嘅座位都几多，但就有D逼。店铺里面就一个店员，收银同整出品都系得一个，所以等得比较耐。而且店员态度一般，问饮品里面系咩材料，都唔多愿搭理。点咗一杯叫天蝎座嘅饮料，都几特别，下面系热咖啡，上面系雪糕，冷热混合，口感都系特别。不过咖啡本身偏甜，咖啡味唔够浓，只系试试都无妨嘅。…查看更多

呢间清心鸡沙田乳鸽店嘅装修比较大排档，但可能价格比较实惠，所以好多街坊帮衬。即使系平日，订位都要5点前去到，否则只能等位嘞。呢到嘅红烧乳鸽同白切鸡都系招牌，基本每张台都会点。依家红烧乳鸽仲有特价，都系实惠。乳鸽嘅个头都唔细只，外皮烧得够香脆，肉质鲜嫩，的确唔错。…查看更多

呢间米市饺子其实系时尚天河里面嘅美食城里面其中嘅一个店铺，店面唔系好大，但帮衬嘅客人都几多。买咗份团购，验证都几迅速。但店员比较少，煮饺子嘅时间比较长，所以等得比较耐。点嘅系白菜猪肉饺，分量相当足，而且饺子大大一只，里面嘅馅料好够，味道都几好味。价格即使原价都唔算贵，性价比都几高，值得尝试。…查看更多

呢间迷恋披萨其实只系一个店面，唔系好大，座位亦都唔多。买咗份团购嚟试试呢到嘅披萨，验证过程都比较顺利，店员态度都唔错。榴莲披萨分量都几足，味道比较香，但榴莲嘅量唔系好多，不过披萨质地都系松软，口感唔错。蜂蜜柚子茶味道就一般，似香精调校出嚟嘅，颜色比较浓，唔似柚子茶。…查看更多

呢间家乐缘响动物园南门附近，旁边有地铁站同公交车站，交通都几方便。早餐嚟到呢到，客人都唔算太多，基本唔使点排队。但早餐可以选择嘅品种相当有D少，而且座位响2楼，埋单之后堂食嘅话要上去，比较唔方便。点咗一份炒米粉，分量都几足，虽然里面嘅配料唔多，但价格够抵，所以性价比都几高。米粉炒得都几干身，唔会好多油，味道亦都调得几可口，值得尝试。…查看更多

呢间伙计面馆开咗唔系好长时间，装修都几新，环境比较干净卫生。中午去到客人并唔多，店员居然只有一个，收银同煮面都系同一个人，不过店员都几有效率，而且服务唔错，主动上茶水。点咗一碟炸酱面，卖相都唔错，但就唔系广州传统嘅炸酱面风味，比较似北方嘅口味，偏辣偏咸，毫无酸甜嘅口感，而面嘅质地亦都比较软，唔够爽口，觉得性价比唔高。…查看更多

琶洲本身好少人会行，谂住呢间皇室宴会嘅地点咁偏，都唔会有好多人光顾，但原来嚟到，先发现好多人等位。皇室宴会嘅装修都几高档，布置得好有欧陆氛围，所以好多客人都一边食饭，一边影相。不过餐厅嘅服务员真系有D少，等咗好耐先有人嚟落单。而且特价嘅菜式好快沽清，嚟迟咗基本点唔到。点咗一份红米肠，卖相一般，但味道唔错，拉肠嘅质地都几爽滑；小笼包出品唔错，里面嘅汤汁好多好鲜甜，皮够薄，值得尝试。…查看更多

呢间汉堡王响太阳新天地负一层比较边嘅地方，但都唔算难揾嘅。餐厅店面唔算好大，餐台凳数目比起其它店要少。不过服务员都动作都几迅速，清理餐厅比较有效率。点咗一个火炬雪糕，感觉比其它快餐店嘅雪糕要大只，分量够足，而且质地更加香滑，有好香嘅奶味，而外皮亦都够松脆，口感都几有层次。…查看更多

周末嚟到呢间哈根达斯，客人真系好多，好唔容易先揾到座位。不过哈根达斯室内嘅座位实在太密集勒，所以私密性相当低，倾偈唔方便。服务员虽然好多，但唔知点解都去晒门口，里面基本无服务员。后尾有个服务员上柠檬水，明明我哋两位，都只係俾咗一杯水。点咗一个雪糕三文治，系牛奶太妃味嘅。三文治嘅外包装就够大，但里面分量唔大。可能系太妃味嘅原因，雪糕味道偏甜，不过质地的确好香滑，外面嘅皮够脆，口感都几有层次。…查看更多

呢间果C益佰响太阳新天地负一层，都几容易揾。但帮衬嘅客人唔系好多，即使系节假日去到，仍然好多餐台可以选择，包括卡座。而店里面嘅服务员都好少，好似点单上餐都系得一个人，所以上餐唔系好迅速。点咗份椰汁红豆糕，卖相唔错，造型比较靓，但分量真系好少，椰汁味都几香浓，但红豆唔多；双皮奶同样都系细细一碗，质地唔够滑，奶味亦都唔突出，觉得性价比唔高。…查看更多

呢间华丽宫中餐厅系响酒店里面嘅，装修都几高档，带D欧洲风格，环境比较舒服。但服务员相对有D少，服务唔太到位。呢到饮茶嘅价格唔算平，但餐厅响平日会有打折或特价点心，价格都可以接受嘅。点咗一份叉烧拉肠，卖相唔错，拉肠嘅质地够爽滑，豉油味道够香，整体口感唔错；特价嘅牛肉丸分量都几足，里面有六粒，而且都大大一粒，亦都几真材实料，唔会因为特价而出品打折。…查看更多