啊年仔的個人專頁

难道有日休息，同屋企人享受下家庭乐。一早就嚟到依度饮早茶，环境唔错，小桥流水，好幽静，无其他酒楼咁喧哗。不过呢度啲服务就麻麻，上菜慢，有时要叫几次先应你。出品尚算可以，价钱偏贵。水牛奶蛋挞，有淡淡嘅牛奶味道，个皮都算酥松，口感都几滑。虾饺，分量都可以，皮薄馅靓，鲜虾好爽口弹牙。叉烧酥，感觉有点腻。最主要呢度环境唔错，下次会再嚟。…查看更多

成日都去大酒楼食饭，耐唔耐都会去食下农家菜，亲近一下大自然。呢度装修无大酒楼嘅豪华，不过胜在都生态。地方有啲偏僻，有点难搵，唔系好就脚。嚟到依度梗系要试下大闸蟹啦，味道够鲜美，都几多蟹膏。客家豆腐煲，基本食农家菜都会点呢个餸，味道都可以，煎到金黄色。再加个碌鹅，味道有啲淡，肉质都几结实，总体都可以。…查看更多

团购去的，唔系嘅话价钱好贵。环境都可以，见到有好多外国朋友嚟帮衬。服务员态度都几好，气氛唔错。58蚊团购有四样嘢，一个前菜+一个主食+一个小食+一杯嘢饮。前菜要左个意式多彩沙拉，卖相就唔错啦，不过味道麻麻。辣番茄汁双尖通心粉，酸酸辣辣，通心粉口感都几好，唔中意太过淋。酥炸鱿鱼，爽口唔韧。总体都可以。…查看更多

一家大细嚟依度食泰国菜，呢度地方唔算太大，感觉有啲逼。菜睇起身唔系好多，因为有细路系度，点嘅菜都唔会太辣。餐前仲有虾片送，有啲胡椒味，辣辣哋好松脆，小朋友好中意食。香兰叶包鸡，味道都几特别，肉质嫩滑多汁，再点啲泰式甜辣酱，唔错。冬阴功，份量唔系好多，不过料都几丰富，味道比较辣。虾头油炒饭，睇上去都几好油水，份量都唔算太多，有几只虾，味道都算唔错。…查看更多

下午茶嘅好去处，环境一般般啦，普通嘅茶餐厅，地方唔系好大，不过睇上去都几卫生。帮衬左几次，感觉还可以。越式炸春卷，呢个比粤式嘅春卷更加松化，个皮好薄，味道都唔错。第一次试左个猪扒，味道一般般，而且煎得有点过火，肉质有点韧，食烤鸡翅比较好啲。木瓜鲜奶冰，口感都几嫩滑，不过味道唔系好浓。…查看更多

朋友请吃饭去的，以前未黎过依度，呢度环境唔错，人非常多，有点嘈杂，不过服务员好热情。见到好多人都点左冬瓜火锅，我地又点左个试下，确实系唔错，汤底好鲜甜，啲冬瓜都好淋好入味。肥牛都唔错，切得好薄，渌几下就食得，口感好嫩滑。唔洗自己比钱，总体感觉都几好…查看更多

呢度都唔错啵，出品都几好。就系价钱有啲贵，不过呢度环境好好，装修好高档，服务员辛勤服务，性价比都几高下。特别系啫啫黄鳝煲，好野味，份量都ok多，口感爽口弹牙。椒盐濑尿虾都好正，食材好新鲜，味道啱好，唔会太咸。蟹黄豆腐，里面真系有新鲜嘅蟹肉，而且有好多蟹膏，好鲜味加口感嫩滑。下次会带屋企人嚟食翻餐。…查看更多

一睇个名就知道系食潮州菜，呢度地方比较远，不过都几顺车。呢度环境真系一般般啦，地方好似唔多卫生，类似D大排档。点左煲虾蟹粥，味道咸左啲，不过啲虾同蟹都几多下，粥底都还可以。炒米粉，锅气好似差咁啲，味道唔够咸。煎蚝仔烙，呢个整得唔错，蚝仔好鲜味。总体一般，性价比一般。…查看更多

朋友生日，放工之后同佢嚟左依度庆祝生日。呢度环境都唔错，好多半圆嘅枱，坐得比较舒服。服务员态度都几好，上菜都几快。不过价钱贵左啲，人均要一百以上。点左个肉酱意粉，份量都几多下，特别系啲酱汁同肉碎，味道唔错，意粉软硬度适中。酥皮海皇汤，好中意食个酥皮，脆脆哋，汤嘅味道还可以。烤鸡翅，味道唔错，而且肉质嫩滑多汁。…查看更多

自己好中意食泰国菜，依家见到有团购，就约埋班朋友一齐嚟食。呢度环境唔错，有好多大象同埋一D代表泰国嘅摆设，彷如去左泰国餐馆。团左一个158蚊嘅四人套餐，份量都ok多，唔会因为团购而缩水，四个人足够食啦。原只面包咖喱虾，啲虾都几新鲜，面包索晒啲咖喱汁，味道好好。酸甜龙利鱼柳，泰式酱汁味道好好，炸到外酥内软，肉质嫩滑。其他菜式都唔错，呢餐好满意，下次再去。…查看更多

同朋友行万国广场，行到咁上下个朋友就话肚饿，经过呢间，见到人少少就入去医肚了。呢度环境有啲似茶餐厅，坐得都几舒服嘅，起码无酒楼咁嘈，可以同朋友倾计。不过呢度啲出品就麻麻哋，价钱都比较贵。咖喱八爪鱼炒饭，个饭炒得比较干身，味道一般般，配料都唔系好多。个冰镇原味奶茶几有特色，中间有个窿比你装冰，味道还可以。…查看更多

之前听朋友话呢度D水蛇粥好好食，今日就约左班小学同学出黎聚旧，随便嚟试下呢个水蛇粥。呢度环境都唔错，坐得比较舒适，不过服务员嘅态度就一般般了，可能人多，服务员又唔系好多，要叫多几次先有人过嚟。点左呢度最出名嘅水蛇粥，份量好多，粥底好绵，料好丰富，味道都几好，怪唔知得咁多人点啦。同埋干蒸，虾饺都唔错，爽口弹牙。…查看更多

周末同屋企人去流花公园呼吸新鲜空气，行完公园就嚟依度饮翻个早茶。呢度环境相当好，可以坐窗边，一路叹茶一路欣赏出面嘅景色，不过茶位就贵D咯。服务员态度都几好嘅，出品都唔错，四个人食左一百五十几。最中意呢度嘅绿茶香芒糯米糍，一嚟自己好中意食芒果，而且糯米糍口感烟烟韧韧，唔错。其次马蹄糕同流沙包都可以。…查看更多

第一次嚟依度饮茶，人非常多，等左差唔多成个钟先有位。依度环境都可以，但系人好多，变得有啲嘈杂。而且服务员比较少，上菜好慢。点左个牛肉煎饼，味道一般般吧，唔知系米等得耐，个皮唔脆有啲韧。干炒牛河，牛肉得几片，少得可怜，味道比较淡。酥皮流沙汤丸，呢个就整得唔错啦，外面个皮好酥松，里面烟烟韧韧，味道唔会太甜，最满意就系呢个。…查看更多

中午来到这里人客不是很多..环境比较舒适..布置挺温馨的..服务态度很好..吉利五花猪扒..份量有点少..很香黑椒的味道..肉质比较鲜嫩多汁..牛仔骨扒..味道和刚才的猪扒差不多..这个有点肥糕..菠菜面..挺香菠菜的味道..面条比较爽滑..手磨杏仁露..很香杏仁的味道..喝到最后..能吃到有点杏仁碎..…查看更多