Eggish的個人專頁

今日上到嚟深圳覓食，噃啅呢個我念念不忘既羊排手抓飯，店舖由先前叫既卓記米粉，改名叫做卓姫米粉，雖然改咗名，但d野食一樣咁出色。午餐時段到店，已經坐滿7成食客，我就好容易揾到張二人空枱，坐低掃碼睇下個餐牌，最後點咗呢個双羊排手抓飯同埋一罐奶啤，好快就有得食，份量好大，手抓飯好多，唔太油好入味好好食，羊排有兩大舊，夠腍好好味，係我食咁多羊排中最好味嗰間，奶啤似益力多，整體非常滿意。[米饭]口味：🥚🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

食完荷葉飯，就行到嚟第二站汕頭輝記牛肉店，午餐時段到店，已經坐滿7成食客，我就預先買了個双人牛肉火鍋團餐，¥78蚊，同店員掃碼後就安排我入座，老闆娘友善親切，懂廣東話，一碟一碟食物送到枱上，可能有點誤會，兩碟牛肉遲遲未上，幸好提醒了老闆娘轉頭兩碟牛肉就送到。两碟牛肉新鮮又嫰滑，蘸了沙茶蒜醬食更加有一番風味，實在太多野食，除咗兩碟牛肉，仲有豆腐，牛杂，牛丸，菜，冬瓜，食得好飽。整體十分滿意。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚🥚[糖果]性价比：🥚🥚🥚…查看更多

今日上嚟深圳覓食，第一站就嚟到大劇院站附近既72街荷葉飯原盅湯食個午飯。午飯時段到店，時間尚早關係，冇乜食客，我就預先買了個團餐，扣哂優惠實價¥7.9蚊，有一籠荷葉雞飯同埋一盅燉湯，實在抵食。個荷葉飯有濃郁既荷葉味道，食慾大增，雞頗嫰滑，香菇味道十分之香，成個蒸飯十分出色，燉滑係菜乾豬骨湯，清清淡淡有菜乾既香味，唔錯。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚🥚…查看更多

食完淮南牛肉湯，就嚟到呢間係附近既居里餐屋食個飯。午餐時段到店，得两位食客，但全店得7個座位，我又係預先購買了團餐，到店後給店長掃碼落單，廚師即炒，等咗一陣就有得食，先上碗蓮藕湯，好好飲，睇下個主菜，有三杯雞之外，仲有粉絲大白菜，紅蘿蔔炒翠肉瓜，個三杯雞除咗雞既部位比較差之外，炒出嚟個汁非常好食，十分之下飯，加上其餘兩個餸，干哂成碟飯了。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

今日上到嚟深圳覓食，第一站就嚟到紅岭北站附近既徽韵正宗安徽板面食個午餐。之前係香港都食過淮南牛肉湯，究竟有咩分別呢？午餐時段到店，已經有很多食客食緊午飯，我預先買了個團購淮南牛肉湯，到收銀掃碼落單後就去揾個位坐低等食，等咗一陣油酥餅同牛肉湯就嚟到，飲啖湯先，大家都係中辣既話佢就比香港辣d，但香港有很濃味既牛骨湯底，呢度就飲唔到呢種味道，湯裡面有粉絲同埋好似麵既物體，索哂個湯汁，幾好食，牛肉幾片，牛肉湯配個油酥餅又幾夾。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

食完牛腱肉麵，就向梅村站方向行，沿途路經呢間紅城飄香貴州遵義羊肉粉，就係我既第二站。店內都有6成食客食緊午餐，我就揾個位坐低，掃碼睇下個餐牌有d咩好食，嚟得呢間等係食番碗羊肉粉啦！最後我就點咗呢個貴d既秘制羊肉粉，¥22蚊，一陣就有得食，紅油湯底，配上個貴州粗粉，十分之好食，我第一次食呢個粗粉，十分之印賞佢個口感，加上個湯底就更加出色，羊肉係細小既羊肉粒，陪襯而已。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚🥚…查看更多

飲完個羊肉湯，第二站就行遠少少嚟到呢間李記化州香油雞食個雞飯。店舖細細，座位唔多，預先購買了團餐，一份招牌白切香油雞飯，¥18，我就坐店舖外面，一陣店員婆婆就送個飯上嚟，更加貼心地攞埋對即棄筷子比我。奇怪地冇匙羹既？點食飯？我望入裡面，個個食客都係用筷子食飯的，咁又考唔起我噃，一於用筷子食飯，最尾要拎起碟飯係口中爬飯。香油雞，肉嫰，加上香油既味道，餸飯係最好既，連d菜加上香油既味道都可以食哂d飯。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚[糖果]性价比：🥚🥚🥚🥚🥚…查看更多

今日上嚟深圳覓食，第一站就嚟到水圍呢間愛家味蒙古羊排，午餐時段到店，因剛開舖不久，食客就唔多，入內見到要到前台點餐，所以我就係前台點了一個羊肉蒸餃同理一碗羊肉湯。點完餐就去揾個位坐低，隔咗一陣碗羊肉湯就嚟到，份量算適中，湯料又多，有粉絲，羊肉同埋芫荽，味道適中，冇膻味，幾啱口味，今日寒流吹襲，飲完羊肉湯就暖笠笠。羊肉蒸餃好抵食，味道又唔錯，又少少爆汁，食得十分滿足。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

飲完蹄花湯，第二站就到附近呢間灃稼莊食第二餐。店舖位於大街上，好容易就揾到。一人到店，點知比張4人大枱我坐，真是受寵若驚。我預先團購咗一隻脆皮烤雞，店員同我講現烤既要等30分鐘，我話冇問題，咁就一路等一路玩手機。大慨等咗50分鐘隻雞先上餐，大大隻，皮脆肉嫰，隨餐附3種醬，第一種係籽然粉，第二種係辣椒粉，第三種係黑椒醬，我就喜歡就咁食，每啖都爆哂汁，好好味。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多

今日上到嚟深圳覓食，第一站就嚟到石厦站附近既丰味川渝面館，先嚟就飲個蹄花湯先。午餐時段到店，人山人海，好不容易先揾到個位坐低，掃碼睇下個餐牌有咩好食。佢個蹄花湯，半隻蹄花賣¥29，預算之內，咁就一於点個招牌老媽耙蹄花湯。一陣碗湯同埋碟红油一齊嚟到，碗湯都幾大下，豬蹄腍糯，食落滿滿骨膠原，蘸红油食更加突出蹄花既味道，湯好飲，裡面仲有雪豆，食落口感豐富味道十足。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

今日父親生日，上嚟深圳打包鹵水外賣番香港慶祝，嚟到呢間頗遠既陸記鵝庄，順道食個午飯。午餐時段到店，搵張二人空枱坐低睇下個餐牌，可以掃碼落單，最後點咗一個鵝肉粉肝飯，¥51，一場嚟到，身水身汗，加多支啤酒。鵝肉好入味，唔太咸，好味，粉肝軟糯食落粉粉的，好味道，仲有一碟蛙蛙菜同咸酸菜，十分下飯，加多一個鵝八珍外賣，十分滿足。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚🥚[糖果]性价比：🥚🥚🥚…查看更多

食完豬肘飯，就行過對面馬路，就嚟到今日既第二站和盛記汕頭牛肉粿条。午餐時段到店，已經坐滿7成食客，揾到個門口位二人格坐低，掃碼睇下個餐牌，有好多食品都十分吸引，但我今日想試下佢地個濕炒牛河，最後就點咗個濕炒牛河，¥25，大大碟份量十足幾抵食。薄切牛肉食唔出d牛肉味，個汁就推得唔錯，每條粿条都掛上d汁食，味道頗唔錯，要咗中辣，見到有d紅辣係碟粿条度，但唔係十分辣。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚[糖果]性价比：🥚🥚🥚🥚…查看更多

今日上嚟深圳整眼鏡，回程去咗係新秀呢間壹只鹵鵝，潮汕菜食個遲午餐先番香港。預先係美團買咗個¥39蚊套餐，要咗鵝肉拼鵝肝飯，烏雞石斛湯。個飯份量都多，鹵水鵝鵝肉肉嫰入味，起咗骨既啖啖肉，鵝肝比較乾咗少少，但味道唔差，飯上面仲有咸酸菜，好開胃，仲有煎雞蛋同埋半隻鹵水蛋，好味又好餸飯。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

今日要上深圳幫父母配眼鏡，回程就係蓮塘口岸呢間啫火啫啫煲食個遲午餐。店舖位於商場內，好易搵，經店員帶位坐下，掃碼落單，睇下個餐牌有咩好食。就比呢個生啫牛舌吸引住，咁就一於落單，不一會就送上，熱辣辣，香噴噴，有濃烈既黑椒味道，食落去十分惹味，用蔥，蒜同洋蔥去爆呢個牛舌，份外好味，口感豐富。整體滿意。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多

深圳呢間位於黃貝岭附近既賴記喬旺燒腊店，都有幾多街坊幫襯，午餐時段到店，已坐滿大半食客。預先購買了團購燒鴨半隻，到前台掃碼確認落單，買多一罐烏蘇啤酒就揾個位坐低，不一會半隻燒鴨就送上，份量好多，師傅刀功好，件件大細一樣，味道唔錯，毫無半點異味，口感唔錯，餸啤酒一流。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多