fwx819的個人專頁

呢间腾元生煎真系好多人帮衬，甚至有客人特意开车过嚟购买，所以我都专登嚟尝试一下。腾元生煎嘅店面好系，店铺只能容纳几张台凳，所以加台到人行道上。生煎系现煎嘅，但等候嘅时间都唔会好长。红豆冰系做好放雪柜嘅，所以摞出嚟时已经雪到硬晒。生煎卖相有D似包，但皮比较薄，而且里面有汁，味道偏甜。但生煎煎得比较燶，需要改进一下。…查看更多

呢间十八道顺德凤城美食菜馆响广州体育馆附近，有时行白云山之后，都会过嚟食饭。餐厅嘅装修比较大排档，环境亦都有D嘈杂，服务员态度亦都一般，不过呢到出品嘅食物真系好有风味，所以帮衬嘅客人都好多。煎鱼饼基本系每次都必点嘅菜式，鱼饼卖相唔错，煎得金黄但唔会好燶，外脆内软，口感唔错，鱼肉又够爽口弹牙，值得尝试。…查看更多

呢间海南羊庄虽然唔系响市区，但都好多客人冒名过嚟尝试。海南羊庄嘅装修比较大排档，环境一般，有D嘈杂，但都算干净卫生。服务员唔多，但态度都几热情嘅。点咗份招牌嘅羊肉火锅，大大一煲，里面嘅羊肉都炆得好软滑。而且锅底里面嘅配料亦都好足，有玉米、红枣等，所有汤底好鲜甜。呢到食羊肉都算几实惠，性价比算高。…查看更多

呢间忙果乐响潮楼附近，都比较容易揾到。买咗份团购去忙果乐兑换，但店员好似唔多清楚团购可以兑换边样饮品，反而问番我。不过验证过程都比较顺利，店员制作亦都几迅速。点咗一杯港式奶茶，大大一杯，都几实惠。奶茶嘅口感亦都比较香滑，茶味够浓，但奶味好似淡咗少少。…查看更多

呢间老西关美食城嘅门面唔大，但里面嘅座位都几多，不过用餐嘅繁忙时间，都需要搭台。店员都几充足，但制作出品有D慢，而且收银落单同传菜都会有出错。点咗份葱油饼，已经讲明要蒸嘅，但收银都系问咗几次。而传菜员送上，居然送咗煎嘅，原来系上错咗。蒸嘅葱油饼都几好味，比较香，但质地偏韧，有D难咬。艇仔粥可以选择艇仔装，卖相唔错，但价格比普通嘅贵，而材料一样，唔建议选择。…查看更多

早上行街打算试下呢间食糊，点知到早上11点都未开门，唯有下午再嚟过。食糊嘅门面唔系好大，但里面嘅座位都几多，而且装修相当特别。唔知系咪由西关嘅打铜铺开嘅，里面嘅布置，都系铜器，感觉好古色古香，好有西关氛围。点咗一份芝麻糊，店员介绍系手磨嘅，亦都见到店员真系用个铜煲嚟煮芝麻糊，觉得呢份芝麻糊真系做得好有诚意。最后嘅出品仲会加上D芝麻粒，令到芝麻糊更加香。而本身芝麻糊嘅质地亦都好香滑，虽然价格唔平，但都值得尝试。…查看更多

呢间荣兴潮州风味馆响上下九，但门面比较细，唔系咁突出，但帮衬嘅客人都几多，可能因为出品够传统，价格比较实惠。店员亦都好积极，见到客人就即刻招呼客人入店坐，并且帮手点单，响咁细嘅铺头都能做到唔使客人去收银俾钱，都几难得。点咗一份什会鱼蛋粉，里面嘅材料都几齐，鱼蛋同牛丸都好弹牙，河粉够爽滑，口感相当唔错。…查看更多

呢间女神界休闲餐厅系响一个培训中心里面，而培训中心仲有桌游等，门口又无注明餐厅名，所以去到2楼都唔知餐厅响边。问前台先知道几个地方系一齐嘅。前台服务员态度都唔错，比较有礼貌。但有人会响靠近门口嘅室内吸烟，但无人阻止，唔系咁好。金桔青柠都几好味，味道清新，酸酸甜甜，分量大大一杯，感觉几爽。招牌花枝丸都几爽口弹牙，陪嘅酱汁好特别，味道唔错。…查看更多

呢间味之素火锅响永汉电影院二楼，交通都几方便。餐厅店面都几大，而且比较干净卫生。因为火锅料系自选形式嘅，所以可以自己到冰柜挑选。但排队埋单嘅队伍比较长，收银较少。火锅料选择都几多，虽然都系细细一份，但价格唔贵，可以选择多D款式。买好火锅料之后，就可以自己整火锅勒。觉得呢到嘅肥牛，肥羊出品都几新鲜，肉质嫩滑，唔会太肥；手工饺子亦都值得尝试，馅料够足，味道鲜美。…查看更多

呢间幸运楼都几大，座位够多，但每次去饮茶都要排队等位，人气相当旺。而最唔方便嘅系，幸运楼位于8楼，每次上酒楼等电梯都要等好耐，而且相当逼，比较唔方便。呢到茶点嘅款式都几多，同时出品都唔错。小笼包够大只，里面嘅馅料鲜甜，汤汁够多；咸甜薄撑都煎得好香，质地比较香脆，唔会好肥腻；鲮鱼球够爽口弹牙，鱼肉新鲜，味道可口。…查看更多

呢间鱼乡轩海鲜酒家响冰花酒店里面，开始以为都系食东北菜嘅，原来系顺德菜。呢到除咗饭市，仲有茶市，而且依家有优惠活动，饮茶可以打折，价格都几实惠。红米肠嘅卖相都几靓，拉肠够爽滑，里面嘅配料够足；椰汁糕相当香甜，椰子味够浓郁，糕嘅质地好清爽；炒粉亦系大大一碟，唔会好肥腻，味道可口。…查看更多

呢间大卡司嘅店面唔系好大，但装修都几时尚，环境卫生唔错。收银员对业务好似唔多熟悉，但做出品嘅店员就唔错，比较热情有礼。点咗一杯吉祥三宝，唔需要等好耐，都几迅速。吉祥三宝其实里面系仙草，珍珠同红豆，材料都几多，珍珠够Q弹，红豆香绵，仙草够滑。口感都几丰富。奶茶嘅味道亦都唔错，唔会太甜，感觉都几香滑。…查看更多

呢间鲜芋仙有两层，但店面唔算好大，而且布局有D唔合理，收银响一个门口入，用餐区要行楼梯响另一个门口入，感觉都几麻烦。不过呢间鲜芋仙唔使自取食物，服务员会送到你餐台。点咗一杯QQ冬瓜茶，都几大一杯，分量够足。里面有粉条同小芋园，口感都相当Q弹。茶味本身嘅冬瓜味唔突出，主要系甜，不过都几好饮嘅。…查看更多

呢间仁信双皮奶嘅装修比起其它门店嘅，好似略为简陋，环境一般，卫生麻麻。不过帮衬嘅客人都几多，有时仲要等位。店员态度亦都一般，清洁台面唔系好及时，不过上餐速度都几快。点咗一份红豆双皮奶，只系细细一碗，分量唔系好多。红豆只系铺咗一层响双皮奶上面，比较少，但红豆都几香绵，味道唔错。双皮奶就几好，口感相当香滑，而且好香奶味，值得尝试。依家出品好似都升咗价，无以前性价比咁高嘞。…查看更多

平时都好中意同屋企人嚟西关人家饮茶，因为里面嘅出品选择够多，味道亦都唔错。西关人家嘅装修真系好有西关特色，里面有仿真荔枝树、小桥，坐嘅台凳都充满怀旧风味。但由于客人较多，所以嚟饮茶，好多时候都有搭台，私密性唔系咁高。最中意食呢到嘅云吞面，里面嘅云吞大大一粒，馅料好足好新鲜；面嘅质地亦都够爽滑，口感好有弹性；汤底亦都好鲜甜，应该系落足料熬制嘅，值得尝试。…查看更多