喂！今日下晝三、四點幾偷雞溜咗出嚟寶安壹方城B2層，終於唔使排長龍試到呢間成日大排長龍嘅「肉肉大米」喇！平時聽講閒閒地等半粒鐘以上，今次真係執到寶！間鋪頭仔細細，但成個裝修係好舒服嘅木系風格，暖色調，坐低即刻有種放鬆嘅感覺。.講到主角，梗係佢哋嘅牛肉漢堡排啦！我今次貪心，揀咗「兩件原味 + 一件芝士」。嘩！個芝士漢堡排嘅登場真係有晒儀式感！職員會先放塊芝士片喺塊扒上面，等佢喺鐵板慢慢融化，再拎到你面前嘅熱辣辣鐵板度！第三件牛肉漢堡排佢哋會拎住一大舊芝士，即場喺你面前 「唰唰唰」刨落去！睇住啲芝士碎好似落雪咁鋪滿成塊扒，仲要遇到熱鐵板即刻半融化... 未食已經流晒口水！.忍唔住一啖隊落去！「嘩！超級熱！超級邪惡！」啲芝士多到黐線，鹹香濃郁，包住嗰件厚實又多汁嘅漢堡扒，口感超正！記得要戳穿嗰隻溫泉蛋，啲蛋漿混埋啲熱芝士同肉汁，撈埋啲飯一齊食... 嘩，真係罪惡感爆棚但滿足感仲爆棚！佢哋仲有幾款醬汁可以點，我今次專心對付芝士，下次要試勻佢！.最抵讚係，佢哋嘅味噌湯、白飯同西蘭花係免費任添㗎！食漢堡扒配飯真係一流，啲西蘭花解膩又健康。重點係啲職員好醒目，成日主動行過嚟問：「需要加湯/飯/菜嗎？」服務態度真係好好，加分！總結：「肉肉大米」個芝士漢堡排視覺同味覺都超有衝擊力，熱辣辣、芝味爆燈真係好過癮！免費任添嘅湯飯菜絕對係大胃王福音，服務又貼心。溫馨提示：真係 強烈建議避開飯市，好似我今次下晝茶時間嚟就爽YY，唔使排隊直接開餐！為咗呢份邪惡嘅芝士快樂，值得嚟試吓！記住預留個胃啊！…查看更多
