好好彩的個人專頁

虽然永和最出名既应该系豆浆，但系其实饭品都唔错的，虽然系快餐，但系地方都好阔落下，而且干净卫生。好快就可以有野食的了。雪菜肉丝面，卖相一般，但系只煎蛋蛋味道唔错，好嫩滑，雪菜量好多下，但系唔会太咸，肉丝虽然切系好细粒，但系唔会觉得鞋，面条有韧性，汤底比较清淡，还可以。卤肉饭，卤肉碎好正，特别系个酱汁，咸味同甜味调教得好夹，米饭好香，有嚼头，唔会觉得好似肥子米甘。…查看更多

环境唔错，好小资既装修，价钱系天河来讲，都唔算好贵了，而且外面既风景都好正，店员服务态度好，店里既台凳都唔会好逼涩甘。草莓忌廉华夫饼，卖相好靓，岩好一人可以一粒草莓甘样切走，草莓酸酸甜甜甘，上面既奶油比较好，但系唔会觉得腻，因为有草莓既酸甜中和左，个饼好松软，底部有少少蕉，所以好香脆。肉酱意粉，碟头还算可以，肉酱比较多，而且甜甜地甘，系我喜欢既口味，意粉软硬适中，值得推荐。…查看更多

度小月系一间台湾好出名既餐厅，虽然未去过台湾，但系觉得呢度既装修好贴近渔港既感觉，好特别。但系呢度既价钱相对来讲唔系好抵食，因为分量唔系好多，但系大家都中意佢既味道。肉燥饭，真系唔系好大碗，一个人起码可以食两碗，肉燥碎好浓既酱香味，猪肉粒好有嚼头，米饭好香既饭味。台湾特色三拼，包括炸排骨、香肠、虾卷，炸排骨味道唔错，排骨肉好嫩，虾卷里面就虾肉好弹牙，香肠就卜卜脆甘。…查看更多

家阵d大酒店啊，五星餐厅啊都好中意搞下团购甘，填补下平日既空档期，但系都好既，我地可以趁住平价可以试下。一个下午茶套餐，品种唔系好多，但系分量都几够下，一杯咖啡，咖啡味都好香下，仲有小食薯条，炸得够香脆，仲会配埋番茄酱，考虑周到，生果方面有切好既西瓜，哈密瓜，都好清甜，仲有蛋糕甘，好丰富下。…查看更多

坚记面店真系好老字号的了，虽然都无点装修过，但系价钱都唔会好贵下，就系热辣辣无空调甘食热辣辣既面甘，但系为左美食都系值得的。一碗简单既牛腩伊面，牛腩好大旧下，而且焖得好霖，基本唔会痴牙甘，个伊面好烟韧，汤底好香既大地鱼味。同样云吞面都好正，云吞大大粒甘，里面既猪肉馅好鲜嫩，无肉臊味，咬落去好弹牙，性价比好高。…查看更多

呢间店唔会好难揾，比较近地铁站，而且门口个招牌好醒目，睇落去个价钱好似唔平，但系食落就知道，其实物有所值的，好多海鲜下。首先上个锅底，黄亲亲甘，原来系粟米煲的，而且有冬瓜粒，味道比较淡，就唔会抢走海鲜既鲜味了。海鲜大拼盘，分量真系几多下，里边有墨鱼仔、花枝片、九节虾、带子、北极贝、鲍鱼贝、生蚝、元贝、象拔蚌等等，而且店员会主动帮手碌，服务好周到下，海鲜都好新鲜，好多肉汁流出来的。…查看更多

呢间店既店名好过瘾咯，甘系咪一定要稳个靓仔去买单咯，哈哈。里面既环境还可以，系开放厨房，系见到厨师系客人面前炒菜，当然都可以选择外面既露天位置，风景都唔错。烧排骨，排骨就一条直骨甘，肉质好烟韧，而且有猪肉鲜味，个酱汁好甜。芝士云吞，见到大家都推荐呢个，的确系唔错既，不过就热气左少少，因为外面系炸的，里面有多少芝士，一咬开就会食到好香甜既芝士，口感好丰富。…查看更多

农家鸡既出品除左有白切鸡好食之外，其实一些客家小菜都好好食噶，铺头环境还可以，唔会太逼涩，请朋友食饭，朋友都话味道唔错。煎酿乡下豆腐，卖相好靓，豆腐煎到好金黄，里面醸左好多肉末下，基本系猪肉，但系猪肉好鲜甜，个豆腐汁好岩送饭。铁板鱼肠金针菇土鸡蛋，呢味菜比较特别，煎到好似薄饼甘，食起身好脆口，鱼肠唔腥，而且好滑，鸡蛋系用土鸡蛋，所以鸡蛋香味特别香。…查看更多

虽然呢度无地铁站近，但系依然阻止唔到大家对佢既喜爱，依然好多人等位，而且里面既装修好有特色，价钱中等，都比较容易接受。泰国菜一定要试，海鲜冬荫功汤，分量就一般般啦，但系材料都好足下，有虾，蚬肉，青口，金针菇，个汤酸酸辣辣甘，好开胃。泰靓咖喱皇大虾，个咖喱汁唔会好辣，但系好岩送饭，大虾肉质好结实，索晒咖喱味，就连虾头都好入味。…查看更多

呢间酒楼都比较旧了，但系饮茶仲系唔错既，虽然地方唔系好大，胜在点心价钱够抵食，而且碟头都几多下。香煎萝卜糕，三件大大旧萝卜糕甘，萝卜糕里面仲有少少腊肉调味甘，食起身好香口。淮山薏米粥，好养生既搭配，里面仲有少少芋头，淮山够霖，薏米唔会话无味，啖粥水，好香，浓稠度岩岩好。牛仔骨，上面有几多辣椒圈，但系唔会好辣，牛仔骨好嚼头，牛肉味好浓。…查看更多

西游记原来有糖水食的，真系唔去过都唔知，佢系一间细细间既店，墙上都好多食物介绍甘，卖相都好吸引人。喜欢食榴莲既朋友吾可以错过，榴莲芝士蛋糕，个蛋糕虽然唔系好大块，但系造型睇得出好花心思甘，好靓，个蛋糕榴莲味比较适中，芝士都唔会太盖过榴莲味，好夹。木瓜雪蛤捞，二十几蚊就有一大碗了，木瓜好霖甜，煮到好软滑，雪蛤口感就系滑漏漏甘，吸收左木瓜既甜味，好清润。…查看更多

呢间甜品店甜品品种貌似几多下，有好受欢迎既芒果绵绵冰，同埋紫葡之恋等等，卖相都好靓，但系价钱唔平，虽然佢既分量都唔少下。抹茶之舞，其实就系上面抹茶雪糕，下面有红豆粒，丸子，同埋椰果粒甘，个抹茶雪糕抹茶味好浓，但系下面丸子好似无咩味道甘。芒果绵绵冰，好有层次感，芒果粒都好多下，但系好似唔系好够甜，食到最后既椰果都唔系好够甜甘。…查看更多

又一间所谓既农家菜饭馆，环境一般，好似大排档甘，而且服务态度一般般，上菜催左几次先上。马拉糕，好大一旧糕，发得几好食下，好香既鸡蛋味。三杯鸡，卖相一般，但系鸡肉唔会太屑。鹅肠，好够锅气，鹅肠炒到好卜卜脆既口感。炒豆角，用猪肉碎炒豆角，豆角唔系好够入味，但系卖相唔错，青青绿绿甘。…查看更多

呢间火锅店同一般既唔系好同，因为生果，比如西瓜，番茄仔可以自己随便落，环境唔错，地方好大，而且火锅味唔会好浓甘。鸳鸯火锅，每次火锅都系叫鸳鸯的，要照顾唔食得辣的朋友，辣过边见到好多辣椒漂浮，好麻好辣，清汤过边见到有少少肉甘，同埋药材，味道都几清下。蜀味午餐肉，估唔到会有午餐肉，就不过不失甘，肥羊都唔会臊，稍微涮一下就可以食了，嘴里充满羊肉既鲜甜味。…查看更多

去开电脑城，需要解决中午饭，就去试下话好正宗台式卤肉饭既台湾龙门客栈啦，人唔系好多，但系食物既品种就有好多选择。当然首选卤肉饭，但系呢碗卤肉饭，同我想象既唔系好一样，想象既系一大块五花肉甘既卤肉，就会觉得好肥腻，但系呢碗系肉碎既卤肉饭，感觉唔会甘漏，而且青青绿绿甘，放左青瓜条，红萝卜粒，粟米粒，鸡蛋。中会送一杯仙草蜜，味道甘甘甜甜甘，蜜糖味道几浓下。…查看更多