65586559的個人專頁

呢间金记湛江鸡海鲜食府嘅装修都比较新，但环境有D嘈杂，卫生一般。客人都几多，服务员好似忙唔过嚟。白切猪杂嘅分量都几足，大大一碟，里面有猪肚、猪脷同粉肠，口感都好新鲜，味道够鲜甜。铁板珍珠蚝卖相唔错，但里面嘅蚝比较少，配菜较多，味道好香，送饭相当唔错。…查看更多

呢间亚庭云吞面专家嘅店面唔系好大，但装修都系新，环境比较干净卫生，帮衬嘅客人都几多。点咗一碗菜肉云吞面，面嘅分量都几足，馅料唔少，但菜比肉多，口感同传统嘅云吞相比，更加似饺子。面嘅质地都几爽滑，比较弹牙，但汤底略为失色，似味精水。…查看更多

呢间向群饭店嘅外观都几古色古香，同周边荔湾嘅景色好搭配，但室内装修就一般，台与台之间比较密，而且客人好多，好嘈杂。另外亦都有部分客人食烟，服务员亦都无阻止，空气比较浑浊。呢到嘅白切鸡出品唔错，肉质够爽滑；酸甜排骨亦都好够味，酸酸甜甜相当可口。而我觉得主食葱油饼亦都唔错，唔会煎得好燶，但几甘香，葱同芝麻嘅配搭令饼相当可口。…查看更多

呢间先到先等茶餐厅嘅店面都几大，环境比较干净卫生，装修都几时尚。但服务员态度一般，唔多同客人讲解菜式。出品价格唔算平，但有时会打折。烧肉拼叉烧嘅卖相真系好普通，不过烧肉唔会好肥，算系肥瘦适中，口感唔错。叉烧亦都好香，但肉质有D老。猪手分量都几多，但炆得唔够软滑，味道还可以。…查看更多

买咗一份有口福马蹄粉嘅团购，所以嚟试试。店铺嘅门面的确几细，但按地址揾，都几容易揾到。店里面都几干净，主要都系卖泮塘嘅马蹄粉同马蹄糕。店里面只有一个阿姨睇铺，团购验证都几迅速，而且仲提醒我可以先用微波炉加热一下马蹄糕先再食。马蹄糕一盒里面有好几种味道，但我都系中意原味嘅，里面真系有马蹄粒，口感好爽，味道香甜，相当唔错。…查看更多

呢间宇治和茶响时尚天河里面，都唔难揾。店铺都系大间，装修风格比较简约，台凳都系木质嘅，感觉几清新。呢到主要提供饮料，但我每次嚟到，都系食软雪糕。樱花雪糕比较特别，分量比较足，要比麦当劳出品嘅大只。但口感无麦当劳出品嘅香滑，里面带D冰沙，而且味道有D似香精。不过雪糕价格都几实惠，3蚊一个，符合性价比。…查看更多

呢间香岛酒家响中山四路，比较接近步行街，饮茶都几方便。酒家平时都有得打折，价格算实惠，所以好多街坊帮衬。但香岛酒家嘅环境就真系相当差，好多人食烟，空气劲浑浊，而且服务员根本唔理茶客食烟，无视禁止吸烟的要求。酒家出品嘅点心分量都几足，虾饺同烧卖都系大大一粒嘅。不过虾饺皮好厚，唔够爽滑，味道一般。下午茶一共用咗163蚊，都几抵，仲打包咗添。…查看更多

呢间COCO TEA港市茶餐厅响天字码头附近，所以去珠江夜游前，先嚟食D嘢。茶餐厅嘅唔系好大间，但装修都几时尚。而且出品价格相对表哥、表叔之类要平。上餐速度亦都够快，服务员态度亦都唔错。冰火菠萝油系其中一款招牌，面包好新鲜，质地松软，酥皮够香脆，热辣辣嘅面包陪上冻牛油，口感相当有层次。…查看更多

呢间绿茶餐厅系新开嘅，装修都几靓，而且地方够大，座位多，基本唔使等位。但系呢到嘅服务员比较唔给力，经常都落错单，而且茶水要自己去门口斟，服务唔系太到位。点咗一份面包诱惑，其实就系一个大方包上面放一个雪糕球，但方包本身无咩味，所以口感唔多好，而且包本身比较干，感觉出品一般。…查看更多

响荔湾风情美食街里面，真系有好多有特色嘅西关美食，而凌记就系其中一间，呢到嘅濑粉相当出名。店铺嘅店面唔大，但因为客人比较多，所以台凳都摆到行人道上，感觉环境一般。点咗一份腩汁猪肠粉，4.5元一碟，分量都几多，腩汁好鲜甜，有好香嘅牛腩味，猪肠粉就够爽滑，亦都系唔错嘅出品。…查看更多

呢间林林牛杂真系好旺，虽然旁边都有卖牛杂嘅店铺，但大家通常都系帮衬林林牛杂嘅。林林牛杂嘅店面唔大，但环境都几干净卫生，而店员售卖亦都好爽手，好快手就剪好牛杂勒。牛杂唔系好大一碗，而且下面铺咗好多萝卜，不过胜在牛杂炆得好软滑，好入味。另外配搭嘅咸酸萝卜亦都值得尝试，酸酸甜甜，相当开胃。…查看更多

呢间老西关濑粉人气真系好旺，虽然铺头里面已经有两层，街上亦都摆咗台，但仍然要搭台甚至等位。铺头环境一般，就系普通嘅小食肆，而且要自己取餐，但出品的确唔错，价格实惠，性价比高。点咗一份水菱角，卖相都几靓，口感其实同濑粉差唔多，但造型系菱角样，所以都几特别。水菱角嘅口感亦都唔错，相当软滑，值得尝试。…查看更多

呢间老刘家嘅装修同其它老刘家嘅都好相似，布置都好有陕西氛围。铺头里面都比较干净卫生，服务员上餐亦都几快。点咗一份小笼包，分量都几足，里面有好多只，小笼包嘅个头无大，但皮都几薄，里面嘅馅料比较新鲜，又又肉汁嘅鲜甜，出品唔错。…查看更多

呢间点心皇子嘅门面比较细，而餐厅里面嘅装修亦都唔新，感觉有D似大排档式嘅酒楼，卫生一般，环境都几嘈杂。帮衬嘅街坊都唔少，因为价格比较实惠，好多时候仲有特价菜，相当大众化。我比较仲有食呢到嘅凤爪，分量虽然唔系好多，但炆得好软好入味，味道带少少辣，相当可口。而干炒牛河亦都唔错，河粉炒得比较干爽，牛肉够嫩滑，整体唔会好肥腻，仲系特价添，值得尝试。…查看更多

呢间皇后饼店嘅店面都几大，店面比较干净整洁，橙色嘅色调，令人感觉用餐环境好舒服，而且仲有座位提供。但呢到早上开门得比较迟，好似成7:30定8:00先开门，所以平时赶上班，都唔可以响到买早餐。服务员态度都唔错，客人唔多嘅时候，仲会主动帮你夹面包。最中意食呢到嘅蛋挞，里面嘅馅料够鲜甜，蛋味够浓郁，质地香滑。蛋挞皮有D似曲奇，相当香脆。虽然价格相对有D贵，但性价比都几高嘅。…查看更多