海琦的個人專頁

      长假后第一日上班，下午茶时间有D肚饿，打算买糖水吃，点知同事话时间太晏，差唔多落班，无买。于是落班嘅时候，我经过附近，睇下铺头有无开先。有，入到去，坐好，睇下菜单，店员话有黑色点嘅至有。咁就来个椰汁西米露了，6元。几分钟后，店员就将西米露拿来了，用胶碗装住，西米细细粒，又唔会好细果种，中午SIZE了。YIYI韧韧，几有口感，椰汁适度适中。      环境：墙上贴住好多纸仔，係D留言来嘅。…查看更多

      中午唔想系饭堂吃饭，于是过来吃个粿条。 位置：杨桃公园（美林湖畔）公交总站，B19、53、218、503皆可到达，往南面行大概200米就到了。 环境：店内系长条凳，长方台，面积唔大。 点咗个10元嘅猪肉丸粿条，有8粒猪肉丸咁多，有生菜、爆香嘅蒜蓉粒等，猪肉丸吃起身觉得几新鲜，粿条都几好，之前有段时间送餐过来嘅会比较容易断。汤够清，几好。 店员将粿条拿过来嘅时候会问你要辣椒酱第係沙茶酱，我次次都係点沙茶酱。粿条配上沙茶酱一齐吃会浓味D。…查看更多

           同表妹过来吃晩餐第吃宵夜，都唔係好记得了。点咗养生桃胶姜撞奶，之前未吃过桃胶，试下新嘢。透明状，好似啫喱咁，可能放咗小小黄糖呱，味道几清甜。白灼菜心，碧绿嘅颜色，菜心几淋甜。麦基红枣，原本谂住红枣就红枣了，点解叫麦基嘅？原来红枣表面有麦片包裹住，甜度适中，同表妹一人一块。蟹柳卷，好大卷啊，有玉米粒、红萝卜粒、蟹柳等，够晒份量啊。乌鸡粥，有乌鸡、红枣、生菜丝等，粥一如常往，够绵。乌鸡肉份量都几足下，鸡肉唔会好滑。表妹点咗鲜虾净云吞，我吃咗一次，觉得依家D云吞整到好似沙县小吃果D咁。…查看更多

      中午唔想系饭堂吃饭，于是过来哩度吃个粉，第三次来家了，哩次试下砂锅粉。鸡肉砂锅薯粉，10元，粉面同价。原本以为薯粉係酸辣粉果种扁条，其实係圆形状，半透明，唔至有鸡肉，仲有鹌鹑蛋、虾同菜，几好哦。可能有咁多材料嘅原因，薯粉吃起身几鲜甜，虾几大只下，肉质都可以，菜嘅卖相唔係几好，味道都麻麻。我成日唔记得同人讲飞葱，面头有葱，唯有吃之前自己整走它了。…查看更多

      哩间店开咗好多年了，有粥粉面饭、糖水、炖汤等。来过几次，都係吃粉、三星汤咁，寻日下就系附近行街，见有点肚饿，于是过来吃个牛三星汤，8元。比咗钱，拿纸字比厨房，煮好后要自己拿去座位。 碗汤面头有好多韭菜粒，开头仲以为係葱，好彩唔係啫，皆因我唔吃葱。牛三星嘅材料好足下，牛肝比较多，入面仲有酸萝卜，搭配一齐吃，无咁滞，后来觉得酸萝卜唔够，台面上有，拿咗小小来吃，台面果D比较爽口。…查看更多

      之前在拉X某网团购了一份小吃，价值9元，不知道什么原因，既然返还9元，很久没看它的网站了。看点评说是这家店的木瓜牛奶很好喝，于是自己补1元团购了木瓜牛奶。昨天下午过来附近，于是过来喝了。女店员问我要加冰，不加。橙色的木瓜牛奶装在一次性胶杯里面，自己拿吸管。在座位上看到说是15分钟内喝完，木瓜牛奶喝起来，是甜甜的，很浓郁的木瓜味，喝到底还能喝到果肉，挺好的。位置：就在较场西路，大大的招牌，很容易看见。食物：有卤肉饭、小吃、饮料等，价格也不贵。环境：一条小巷子里面经营，有桌子和椅子，可以坐在那里吃吃喝喝。服务：一般了，看到有小吃，正值肚子有点饿，于是问女店员鸡排有多大，她说不好说，过了一会，又指着店面上的图片说大概那么大。…查看更多

      寻日中午吃得唔多，下午茶时间就肚饿了。原本打算吃个鱼蛋乌东套餐，10元。店员话无鱼蛋，问他几时有了，他就话无入到货。好了，都唔想再行了。于是点个乌东、蜂蜜蝴蝶鸡翅，店员问係唔係套餐，菜单上都无，好了，一于就套餐，14元。再点杯蓝莓果肉绿茶，13元。      两只鸡翅，表面金黄色，几香脆，肉质都几嫩滑。店员拿来嘅时候，我见係面来嘅。于是就问他了，他就问收银果个，知道煮错咗。就问我要唔要换，我话算了。蓝莓果肉绿茶，有蓝莓果粒，酸酸哋，仲有几片柠檬片，成杯茶偏酸。…查看更多

      上上个星期五，停电，饭堂煮唔到饭，于是部门过来哩度聚餐。      门口有大红灯笼同小红灯笼，门面比较古色古香。店内陈列住12年嘅野生北芪同15年嘅野生党参，哇，第一次见到咁大支家。      坐电梯上去，走廊位置放住D家具，可以坐系度休息，墙上有挂画。     入到包间，入面一张圆台同一张饮茶嘅台，台上有D小吃同月饼。有独立嘅洗手间，不过门锁坏咗，锁唔到门。      哩度係无菜单嘅，服务员话要落去楼下点菜，于是又坐电梯返落去。只见一楼位置好多海鲜、潮汕小吃、凉拌菜等。原本想点D小吃，不过见到有乌蝇飞来飞去，唔点了。同事点咗个花螺，88元一斤，我哋有10个人，点咗一斤半。服务员问要白灼第係盐焗，因为之前吃过白灼，觉得无乜味，于是要盐焗。用竹签督开来吃，有D盐味好吃D，肉质爽口弹牙。      卤水拼盘，可以自由选择配搭，点知三只鸡蛋、鹅肾、鹅翼等，好大一盘。吃咗鹅肾，几入味下。豆干都可以。      赖尿虾，颜色睇起身唔係几好睇，不过味道就几鲜甜。     半斤鱼肚，用来滚汤，几爽口，话咗胡椒，汤几鲜味。    系我度准备坐电梯返上去嘅时候，发现侧边有免费嘅酸梅汁、奶茶、布丁同雪糕，果断拿了。    仲有其它鎹，不过无影相了。个蒜蓉炒蕃薯叶都我哋吃饱至来，期间催咗一两次。最后，服务员仲拿住杯装杨枝甘露入来推销，我哋点咗几杯。…查看更多

      前晚D鎹唔係好啱胃口，于是同表妹过来饮茶。来到嘅时候已经8点半有多，店内顾客唔係好多，我哋坐卡座，服务员话收8元茶位，我话唔係5元咩？她就话卡座係4人坐，我哋就转去普通座啰，卡座旁边只不过係走廊啫。      服务员问饮咩茶，有5元嘅铁观音同红茶，8元嘅有菊花茶，拣咗红茶。打开菜单，有好多新嘢哦，仔细一睇，係9月1号开始推出嘅。点咗个芝士牛肉丸、金沙墨鱼饼、见到有个冰湖海藻饺（第一次见哦，试下先）、白灼有机菜心，表妹点咗个网烧鲜虾红米肠。      芝士牛肉丸，好大只啊，表面係炸过嘅，好多牛肉啊，芝士略为少咗D，表妹话牛肉少D，芝士多D就好了。最后係吃唔晒啊！      金沙墨鱼饼，有三块，四方形，金黄色嘅表面包住雪白嘅墨鱼肉，爽口弹牙，香滑。      冰湖海藻饺，有四只，碧绿的饺身，小小蟹籽铺系面头。晶莹嘅饺皮包住切丝嘅海藻同海草，清新嘅感觉。      白灼有机菜心，平时饮茶果D菜心都係将豉油淋上菜心，哩度係将豉油装系个细碟度。吃得出菜心有放芝麻油，表妹就话有花生酱嘅味道。      网烧鲜虾红米肠，配有两条菜心，红米肠嘅颜色唔係几好睇，我吃第一块嘅时候无虾嘅，吃第二块嘅时候，觉得虾肉几好，味道尚算可以。茶具环境，哩度嘅水晶灯几靓。喜字装饰灯      见某团有代金券，于是团咗一张，点知结帐嘅时候，服务员话有得打折，仲平过团购，她建议我退咗团购券。原来周一至周四晚8点半后有得打折，最后结帐76元。位置：黄埔区大沙地潮楼4楼，五号线大沙地站即可到达，附近有公交车站，43、431等。环境：室内有卡座、四人座同圆形台，成间店以米色为主打颜色。水晶灯几靓下。食物：有饮品，不过就只限于早上11点到晚上8点供应。粥粉面饭、肠粉、包点、点心几齐全。服务：一坐好，服务员就会过来开茶位。结帐嘅时候会提示有折扣，几好。…查看更多

      9月6号下就下午茶时段，睇下附近有咩吃，见到哩间店，应该新开张无几耐，之前都唔见有。有D肚饿，于是点咗个蜜汁鸡扒，12元。鸡扒睇图片係两大块，其实有好多块，係放系纸盒入面，鸡扒肉质几嫩滑，甜甜哋，够香口。同事唔饮嘢，就吃咗几块鸡扒。榛果拉茶，15元，有热同冻选择，拣咗热，其实算係常温咁上下了。榛果拉茶有香味，但就唔清楚係唔係棒果味了。      我想洗下手，同店员讲，店员比我系店内洗手，哩个几好。      店内有乌蝇飞来飞去，哩样唔係几好。…查看更多

位置：位于杨桃公园（美林湖畔公交车总站）往南行约200米环境：长方台，胶凳，店内只有风扇。食物：有桂林米粉、蕃薯粉、炒饭、面、凉拌菜、粥同汤等。服务：点好餐，坐好，服务员会拿比你。      第二次来哩间店，哩次试猪肚桂林米粉，有8-10元，拣咗10元，中午吃饱D。有酸豆角、生菜、葱同花生，猪肚都几多块，桂林米粉不过不失，猪肚几爽口，唔会有异味。花生几香脆，酸豆角都可以，生菜爽口。…查看更多

      知道哩间店，都係系网上见到至知原来广州都有传统砵仔糕卖，好开心啊。以前睇TVB嘅连续剧，见到哩种传统嘅砵仔糕，就系度谂点解广州唔卖哩种嘅？广州卖果D都係加咗硼砂嘅，大家都知加入硼砂嘅食物，吃起身会爽口，但係对身体唔好家了。      上个周日，去北京路行街，吃完雪糕，谂起间店就系附近，一于过去吃个砵仔糕。凭记忆（点评人有写大概位置）行，系条巷嘅左手边。门口左手边挂住块白板，上面有写住砵仔糕嘅各种口味，仲有糖水、蛋卷等。右侧窗口贴住“步步糕升”，就係哩间店了。      入到去，店内面积好小下。店内有两个女店员，其中一个同紧一个顾客倾紧计，貌似係熟客。原本想试榴梿味，女店员告知无，于是转松子了，又无。睇来睇去，拣咗个红豆，3元。      店员问我系度吃第系打包，我选择系度吃，她就拿一支竹签比我。面头可以见到粒状嘅红豆，吃落有小小红糖味，砵仔糕软糯得来几香甜，唔会好似外面卖果D係爽口嘅。…查看更多

      以前间店系旁边，好耐无来，搬咗来隔离哩度。      店内係煮食物嘅地方，有出售汽水、花生等。      店外搭帐逢比食店吃嘢，就系铁路轨，当然依家无火车经过家了。      哩一晚肚饿，又唔想行远，于是过来哩度睇下有咩吃，点知个肉片炒河粉，8元。打包走，装係一次性泡沫饭盒入面。装到满晒，吃到最后到吃唔晒。用咗葱同芽菜一齐炒，肉片口感一般，河粉几有锅气。…查看更多

位置：位于鱼珠北街123号，261车站鱼珠总站附近。服务：两夫妻经营，话订奶的话无得送货上门，要自己拿。食物：有酸奶、牛奶、饮料等。环境：小小嘅一间店，门口位置就有冰柜，自己拿完牛奶（酸奶）去比钱。应该算係最新出品吧，乐悠风味酸乳，180克。有原味、草莓味同红枣味，拣咗红枣味。撕开表面嘅包装纸，用吸管饮，酸奶几浓稠下，又唔会好难至吸到，酸酸甜甜，几好。…查看更多

      又有团购了，1元1个雪糕，用咗红包，相当于免费。上个周日下就过去北京路行街，行到有小小肚饿嘅时候就过来吃个甜筒了。     入到店内，店员拿出笔同笔记本比我自己登记号码。他话要等一阵，可能台机器要启动吧。我就稳个位坐好，他整好拿比我嘅时候，话要打直来拿，。影好相就吃了，雪糕好香嘅牛奶味，雪糕好多圈啊，个筒好脆。…查看更多