rainyip的個人專頁

咁啱嚟呢边食饭，等开饭之际，寒风阵阵，于是过嚟坐下兼食下嘢。翻嚟先知，原来呢间咁出名噶。净系试咗凤凰炖蛋。正，好香奶味，而且唔稀。个碗同屋企食饭嗰啲差唔多大。4蚊，有咁大碗，咁好食嘅炖蛋，广州市区真喺搵唔到啦。可惜之后仲要去食饭，呢间晚黑就关门啦，想打包都无机会啦。有一样嘢唔喺咁好，食嗰时唔喺好热，好明显之前就整定咗咯。希望攞出嚟俾个客食嗰时，可以稍微加热下啦。…查看更多

6.5一碗大嘅汤粉已经可以好饱。比起其他什么老字号粉面店，呢间嘅味道唔会差好远，份量更加有优势。一开始钟意佢五彩鱼蛋粉，鱼皮、鱼蛋、肉丸、鱼皮饺样样有啲，杂锦，正。粉面就好一般，都喺市场货。鱼皮唔算大块，偏硬，鱼蛋嗰啲ok啦，最钟意喺鱼皮饺嘅味道，又滑又好味。所以之后都喺要鱼皮饺粉啦。另外，呢间啲辣椒酱好劲，食得辣嘅人记得试下。…查看更多

老字号，人气旺。就算铺位扩大到2间，有时依然难稳位。以前行去搭13号，经过都心思思想入去食。招牌四色鱼蛋粉，细4.5，大5蚊，紧系要大啦。份量好足，种种料都有啲，喺我最钟意嘅杂锦。而家物价上涨，呢间嘢都升咗价，可以理解，不过相信出品唔会缩水咯。…查看更多

亲戚喺外面翻嚟探亲，跟住嚟呢度请早茶。呢度地方好阔落，周中过嚟根本唔使等位，成个厅好多大台任拣，等我以为啲嘢食好难添。食落之后，觉得点心中规中矩，唔会好差，但喺又唔会令人惊艳。唔使等位嘅原因，可能就系佢价钱太贵挂。。推荐桂花糕同流沙包。桂花糕真喺好香，唔排除落咗香精，不过我唔识分。流沙包啲陷真喺饱满到流出嚟噶，热辣辣，好正。其他吃过之后无嗮记忆，不过不失咯。…查看更多

嚟呢度都喺为咗食碗翅，之前听落好似好出名，实质嚟到又唔喺好旺场。碗翅叫做多料啦，各种丝+人造翅，打个欠，就咁一煲就可以卖足成日啦。味道ok，价钱平，偶尔经过发牙痕的话，可以入嚟试试。如果专登过嚟就无谓啦。…查看更多

同朋友聚会，刚好见到某网有优惠券，于是决定来这家。那天是2月9号，朋友比较早到，根本不用等位，但是被告知只能吃到7点半。那时候不到6点，而且我们这帮人要7点才到齐，怎么可能7点半就走呢。我们问了很久，神马时候可以攞筹等7点半的位。然后扰攘很久，终于服务员说，经理同意我们可以一直吃，不用被“赶”。我们坐下不久，我就问服务员关于优惠券的事，因为太多奸商把优惠券当绰头，根本没优惠。果然，越茗苑同样是奸商。优惠券上明明只写着2/2和2/14不能用，服务员回来却告诉我们，过年期间，一直到2/9，都不用打折。拜托，2/9已经是正常翻工日子了。只是区区9折都给不起，做虚假广告，这家店就算怎样好吃我也不会再来的了。点菜：麻油鸡：份量比大头虾小，而且底层的太太太咸了。酸辣虾汤：这个味道好，很香，酸中带点微辣，很开胃。春卷：热腾腾，很新鲜，而且入口不会很干。18大元有5条，其实性价比不高。奶油焗西兰花：朋友觉得很好吃，我觉得一般，只可以说过得去。咖喱杂菜：名字不知道有无有记错，卖相很一般，一大盘咖喱汁浸着稀稀疏疏的几根菜，其中也有西兰花。如果是送饭就ok的。芝麻酱肉排：35元5大块肉骨头，骨头是先炖烂再稍稍炸一下啊，然后淋上芝麻酱。我觉得口感可以，蛮香哒，不过食过一次，下次不会再考虑。…查看更多

出咗名好耐嘅玫瑰甜品，廿几岁女先嚟试，好似有啲夸张！！！不过迟到好过无到！专门同朋友嚟食嘢，试咗芒果杏仁豆腐，好鬼骨纸，啲豆腐好滑，芒果味道好浓，可能因为咁就kum咗杏仁啲味啦！仲有南北芪冰糖炖雪梨，料好足，抵食啊！…查看更多

几次经过都忍不住进去吃一碗鱼蛋粉。份量不是很大，对于女孩子来说，可以是6分饱。重点是他家的鱼蛋很弹牙，鱼皮也很脆。位置有点挤，吃的时候下意识加快速度，吃完就不用挤得这么辛苦了。偶尔牙痒过来吃吃还可以。…查看更多

其实嚟过呢度几次啦，只系贪佢方便，环境好，唔使等位，绝对够静。每次点嘅餸都唔一样，事关唔喺次次都好食。试咗咁多次，好似无边样特别好食嘅，记得次次都食嗮嘅就系炒菜。呢度啲炒菜都会加入虾糕或者其他东南亚嘅味料，所以吃起身，几野味。其他啲餸真喺好一般咯，又唔喺平。…查看更多

喺岗顶，呢间餐厅性价比几高下。10+一个饭，20+一个意粉，唔够30就有套餐啦，有得饮有得食，掂！而且佢环境都好干净，隔住玻璃望出面嘅夜景，几有feel噶。同老表去，点咗个107套餐，42蚊，有汤，鸳鸯扒，小份肉酱意粉，仲有杯冲出嚟嘅橙汁。另外我哋点多个咩椰芥薯蓉意粉，先23。2个女仔食到顶喉顶肺。鸳鸯扒可以猪，牛，鸡，三选二，牛扒好薄，而且韧，鸡扒就煎得非常香脆。肉酱意粉品质显得好求其，比较酸，无咩肉。另外单点嘅意粉，好香椰汁味，同wasabi配合得天衣无缝。但喺好奇怪喺，唔见薯仔，净系得茄子粒。我食完翻到屋企先谂起呢样嘢。有卡，个意粉可以9折。抵到烂啊！！！呢间服务就有少少差。工仔分工好明确。负责收钱就绝对唔会理你加水攞嘢，唔喺找数就当你透明。好似自己个grade高到无人有咁。。。…查看更多

咁啱经过就顺便入去领迷你筒啦。真喺好迷你，粉红色，好q，但喺就3淡食完咯。啲经理好好人，听到我话领就俾我啦，无咩刁难。门口派优惠券，见到5.5有2个菠萝批喎。就咁我又洗钱鸟，啲批都喺10年如1日，香脆，热腾腾，果酱好丰盛。YUMMY!…查看更多

讲真，传统甜品店嚟讲，呢间算大算干净嘎啦。但喺由于物价高涨，呢间啲嘢都跟住升价，细细碗都5.6蚊，其实都够食个饭盒啦。讲到出品，只可以讲喺ok咁啦。料佢喺有嘅，不过比以前缩水好多咯，味道呢，除咗甜仲喺甜。如果喺简单嘅甜品，比如芝麻糊啊嗰啲，我建议自己煮好多嚟呢度食啦~~~…查看更多

一间老店，从上初中到出来工作，佢都一直做紧，而且从一件店面，做到食埋隔离嗰啲铺位。食过一次，上菜好得意。好多碟都有个蜡烛喺下面加温。味道唔错，但喺碟头不大，价钱不不算便宜，所以有闲钱可以来吃吃。想经济点就要另选一间了。…查看更多

同个f行过，条友仔肚饿，but我又唔饿，于是喺度坐低。佢点咗个椰子炖乌鸡，真材实料噶，而且喺慢慢的一个椰子上台。很香椰子味，汤味浓郁，冬天喝汤最合适了。我点咗个龟苓膏，非常之反季节。没想到这家炖汤做得好之外，龟苓膏也很不错。看上去似乎不大一碗，谁知道，碗很深，似乎怎么也吃不完。膏体弹牙，也闻到有药材味。价钱很划算，才3.5。虽然这家店出品很不错，但是位置太小，坐得很辛苦。建议以后都打包翻屋企慢慢叹。…查看更多

广州比较少卖濑粉喺出名嘅，特别喺文明路。而家突然开咗间，而且听讲都好唔错喎，素要嗰日同个f专程去试下。呢度啲价钱真喺唔算平，普通濑粉细嘅已经要6蚊，大嘅喺8蚊。另外有其他传统西关小食，比如话斋烧鹅，炸鱼片。细细碟嘅双拼已经成10蚊鸟，真喺唔抵食。有种叫水菱角，老板娘介绍话用粉会比濑粉靓啲，所以我个f就试嗰样，我就试普通濑粉啦。上到嚟，发觉水菱角嗰碗啲料特别丰盛，不过应该嘅贵成半。比较濑粉同水菱角嘅口感，濑粉偏实，比较“鞋”，水菱角可能同形状有关，比较薄，所以咬落无咁实，口感比较滑。2碗都算作濑粉汤底，所以味道都差唔多。净系评价碗濑粉，我觉得贵得嚟又口味一般，配料无江南西嗰间咁多，咁好味。100分满分，呢碗只系值60分。…查看更多