oba系乜水的個人專頁

呢度噶套餐基本同KFC都差唔多款，不过价钱就平做一半有多，距香辣鸡腿堡先卖8蚊一只，D料都足噶，大大块噶鸡腿肉加上生菜番茄沙拉酱，个人觉得味道绝对唔输蚀KFC噶。D饮料都系3蚊，5蚊就有交易噶啦，我地食紧果阵，见到唔少应该系对面广外噶学生走埋来食。D店员都时不时抹台拖地清理卫生，成间餐厅都几干净。几好。…查看更多

挨住地铁出口噶铺仔，行经门口就闻到玉米香味，本身唔打算买噶，但店员几落力噶边介绍边俾咗杯仔我试饮，觉得都几好饮食，大杯12蚊，细杯8蚊。买咗大杯，开始我以为有冻噶，点知道店员话玉米系新鲜榨出来打碎跟住煮滚距，所以只有热噶，只有热噶先够香。冻咗就唔好食啦； 个杯真好大杯噶，D玉米汁好似煮噶米浆咁样，好粘稠，口感好似奶糊噶FEEL。甜甜地，基本都系玉米香甜味。几好饮。觉得起码好饮过果D冲兑噶奶茶好多。呢个话晒都系健康饮品噶啦。值得帮衬。…查看更多

呢间晚市去迟D基本都系要等位噶，我地去果晚等得唔系好耐，餐厅一入到去就有好大阵烟味，虽然个餐厅分吸烟区同非吸烟区，但几乎系冇乜用噶，因为两个区都系相连噶。餐厅熙熙攘攘，成个街市咁，人气旺到爆。 点咗餸之后等菜都等咗好耐，见D服务员来来去去送菜但都唔系我地呢围噶，真系有D嫐！食噶菜中我自己中意食噶系距干烧伊面同蒜子焖钳鱼。伊面好爽滑鲜香，好弹牙。钳鱼系油炸过后再加酱汁来焖噶，几如味。最紧要系鱼刺好少，啖啖肉。价钱来讲就得个茶位2蚊平，菜钱都二三十蚊起噶。胜在味道都几满意。…查看更多

呢间环境几屈质，D嘢好难食 响呢间买咗距噶招牌韩式年糕，10蚊一份，见个女店员将D雪柜入边噶年糕倒到锅入边煮熟一锅捞埋酱料配料，一锅韩式年糕就出炉啦。然之后用胶碗仔忽D就算一份，几条年糕，其他系椰菜同鱼豆腐片。年糕加咗辣酱糖等，味道甜得腻人，觉得10蚊认真唔值。但冇解，买都买咗冇啦，应该冇下次噶啦。…查看更多

呢间环境几中意，够i晒阔落而且装修明亮整洁噶，来呢度食噶牦牛肉韭菜饺，正价18蚊，团购5蚊12只。因为未来过，虽然团购价钱平但唔知仲有无其他隐形消费，所以只团咗一份来试下。 服务员态度还可以，很快帮我验证好团购券，饺子上得都算快噶。仲斟埋茶添。 饺子12只都几大只，原先以为平嘢冇靓嘢，点知有D判断失误，饺子个馅好饱满，皮几薄下噶，韭菜同肉肉都好多，而且好多汁，十分之香鲜。呢个团购几咁超值，而且唔使茶位，一份饺子落肚饮埋茶都饱到七七八啦。几好。…查看更多

餐厅睇落去有D旧，冇咩装修，啱撞正食晚饭时间，因为入边经已坐满晒，只有坐门前摆放噶加台。仲要同人地孖台添。呢度钵仔蒸菜素噶4蚊左右，荤菜6-15蚊，蒸饭1蚊一钵够平。食噶蒸梅菜扣肉加饭例汤先12蚊，扣肉切得几厚下噶，蒸得几林，加咗豆豉肉同梅菜都好香，钵仔饭里面加咗几粒新鲜粟米，纯属扮靓！不过丝苗米饭都几香。食客多，服务员少。出边噶台就得一个阿姨走来走去送饭送菜。台都未执就哟客即刻坐低霸位，睇来主要系价位同选择性较多，加之出品都唔错，所以先咁多人来帮衬啩。查实距附近食肆都几多，但就得距最多人。…查看更多

系呢间食噶中午饭，店里有几款午市特惠套餐，选咗38蚊噶，例汤+特调咖啡+卤肉饭+小份沙拉例汤系红萝卜粟米，比较清爽微甜。卤肉饭噶猪肉碎都几多下噶，肉酱香味浓，咖啡系加咗鲜奶味道几好。呢个地头咁噶价钱唔算多贵，虽然以台式便当为主，但环境搞到好似酒店咁样，几干净，而且人唔系咁多，系火车东站附近来讲算得唔错噶快捷餐厅。…查看更多

QQ群入边D人话呢间好过天河东果间，啱有机会同朋友一齐去，我地共团咗5张券，都系提前预约噶。呢间唔预约直头去系肯定消费唔到噶。 环境唔见得大间过天河东果间，但装修同设备就靓好多，同天河东唔同噶系，呢度要现场加收10蚊噶房费同2蚊一位噶物品消耗费。加埋呢D钱就贵过市区总店添啦。 3个钟头噶唱K+自助，我地食咗差唔多食咗1粒钟左右，因为人唔多，食噶嘢都几丰富，求其摞，食得几他条，蔬菜中我中意西兰花同荷兰豆，都比较青脆清甜。鸡翼同叉烧，焖青口都几惹味。饮料差D，我地试过后个个都唔饮第二杯啦，以食生果代替饮料。 服务员周不时会敲门入来问哟乜需要，而且就来够钟前15分钟会来提醒需唔需呀续时咁。而且都会及时收咗空碟，服务几好。团购喜剧收场。…查看更多

凭招商银行信用卡有7折优惠去食噶，万达果笪地有D偏僻，晚上就餐噶人好少。门口大把停车位，店员都几有礼貌。个部长推荐噶金牌马来咖喱牛肉锅几唔错，D锅好似火锅咁噶款，食得出加咗好多香料，配埋牛肉，味道微辣中带甜，入口相当惹味。菠萝咕噜肉同我地粤菜差唔多口味，酸甜酥香，入边噶红椒肉几咁厚，一D都唔辣。距果个茶系香茅来噶，味道有小小唔惯，食噶几味味道都算唔错，份量就唔系咁多。家下泰式餐厅都唔少，商家如果唔搞多D优惠俾人客，系好难吸引到人来噶。 …查看更多

店位置响江南西同宝岗大道转角位。店铺好细，都系打包即刻斜无碇坐噶。号称系湖南正宗噶臭豆腐店，买咗10蚊噶，有12片咁多。辣椒酱系可以摆响台度，自己求其忽噶。店员都系睇住几多客落几多来炸，所以要等阵先有得食。臭豆腐新鲜热辣炸出来味道唔多臭，而臭豆腐一定要加酱料先觉得有返味道，豆腐本身比较淡味。豆腐系可以交代店员炸老D定嫩D噶，个人喜好！有D油腻，但加咗酱料来食都几香口，唔错噶小食，地头唔错，所以来帮衬噶人客都唔少。…查看更多

呢间2个人就可以开到房，同其他团购券起码4张先至开到，要好唔少，其实店里正价都只系3粒钟55蚊，团购虽然少10蚊到，但限制只有下昼4点40到7点40果场使得。星期五到日又唔用得。搞到只有订星期三下昼噶去。提醒团购去噶朋友一定要去早，事关果场人几咁多，起码我地去果日系咁噶，话4点40噶场，到5点先入到房，晒咗噶20分钟系无得补噶。 音效都过得去，无线咪来噶。但自助餐就差好多，笼仔基本都系馒头i，包点之类噶，网友话噶蒸排骨，凤爪呢D未见，果个鸭系烟熏味噶，好难食。寿司都比较一般，主要都系车轮卷同小卷，唔值得几个银噶。环境来讲，间房都算大，而且设备比较新，但商家所谓噶变装派对并未见到.....…查看更多

上年去呢度食过蛋糕自助餐，39蚊噶价钱觉得好抵，今日响楼上睇完电影落来想再返寻味，点知店员话取消自助餐好耐啦，咁只有点啦，点咗2件金芒芝士1P切件9.9蚊，2件大理石芝士14.9蚊1P切件，2杯罗汉果茶10蚊一杯。金芒芝士朋友几中意，但我觉得芒果粒有小小酸，而且可能系天气关系，慕斯部分有D硬。大理石芝士系重芝士，芝士味道浓厚好多。罗汉果茶解甜腻，几好！！单点真贵过以前自助太多，毕竟店里最平噶切件都9.9蚊啦，求其食几件就唔见咗几十蚊啦，万恶噶物价 逛北京路或去楼上睇电影来呢度坐下都OK噶。有免费WIFI…查看更多

同朋友去噶，有得食有得玩，而且食噶嘢好平，饭套餐加饮料大部分都系十零蚊上下。而且饮料续杯有半价优惠，饮料价钱都系10蚊以下，距地挂住玩三国杀，我净系挂住食 鸡扒饭个鸡扒几大块，鸡扒唔系煎炸出来果种，而系酱汁焖烧噶，鸡肉好实。酱香味好浓。见有D客唔识玩，老板仲会亲自走埋来教，几好，朋友小聚来呢度几唔错。…查看更多

下昼来呢间食，环境就系老城区噶粥粉面铺噶环境，比较旧，D台台凳凳抹得唔够干净，特别系台面泛住油光，叫咗碗鲜虾净云吞，12蚊一碗，都系傍水摞筹坐住等咁噶程序。净云吞有细碗噶，平3蚊到。云吞馅料都i冇花冇假，有虾仁，笋粒，肉等。汤底事头婆话系猪骨熬出来噶，味道好鲜，较清甜。呢D咁噶街坊食肆出品都几唔错噶。值得返寻味。…查看更多

间店位置响 体育西路A出口出到来左转行前小小，餐厅几新净冇乜人，写住系香港连锁店来噶，不过之前未听过，中午食饭时间都见唔到几位客。 2蚊团购距噶原味奶冻，来之前谂咁噶价钱出噶团购，肯定质素唔会好到去边噶，但见到后有小小出乎意料，首先系够大杯，而且茶味奶味都比较浓，稍为欠缺D噶系黑珍珠唔系一粒粒散开噶，而系粘成一旧咁，都几弹牙。2蚊系几抵饮噶，毕竟要正价20蚊一杯噶。响度食个饭饮杯嘢闲闲地5，6十蚊噶，要。偏贵！…查看更多