猪萌萌爱发呆的個人專頁

前日朋友生日去尚味坊食自助，团购噶，199蚊4人午餐自助，唔限时，呢点超级好！系时尚天河入面，非周末嘛，人真系唔多，得十几个人，大家都食到热火朝天哈！有火锅同烤肉一齐噶，配料都好多，而且补充配料都好快噶！有新鲜噶虾同鱿鱼，真系食得超多啊！烤肉入面最好食系黑椒牛肉啦，不过真系好大块，要烤比较耐先得。雪糕系雀巢噶，好大桶，要好用力挖先挖得出来。搭配D水果来食，食完烤肉再食可以去味哈！食咗差唔多3个钟，饱到第二日都唔使食饭！…查看更多

每逢周五都好多人排队，就系因为用广发卡买一送一哈，只系得呢个时候舍得去饮。今次试咗新出噶海盐焦糖摩卡，店员推荐噶。新品喔，梗系要试试先得噶！第一次饮有咸味噶咖啡，感觉有D怪怪地！咖啡入面有咸噶海盐，混合埋奶油，真系唔系咁岩喔口味咯...有D似落糖落错成盐噶感觉，都系觉得星冰乐噶最好饮！…查看更多

时尚天河入面，个人觉得最萌的店，D店员都系着女仆装噶，感觉好SWEET！！！比较适合情侣拍拖之类噶，仲好适合来拍照，因为个餐厅噶环境真系好好，布置得好好睇！不过D食物就差D啦，D水果茶、松饼之类噶就系个样超级好睇，味道就真系一般咯。不过有个叫做巧克力狂想曲噶，味道同个样都唔错。价格唔平，不过经常有团购，都算OK噶。…查看更多

大新路上类似大排档噶食肆，都算系老店啦。冬天就主打各种煲，而家天寒地冻，来返个羊肉煲就最好啦。系用个炭炉仔一直咁焖住羊肉噶，一打开个煲就超级香，令人好有食欲噶。不过羊肉要成百几蚊一斤，稍微有D贵咯，但系两个人食一斤就够啦。再加D面筋、青菜，吸晒D羊肉汁来食，食完个身好热好舒服噶。当宵夜来食，好赞！…查看更多

花城汇噶寿司皇，同样系环境好好，不过人流量唔大，好安静。午餐套餐有番茄牛肉拉面同煎饺噶套餐，试咗下，都几好。拉面大大碗，岩晒我。都几多番茄噶，汤底酸酸地，几开胃。肥牛就唔多唔少咁啦，拉面都好爽口噶，饮一半汤底都好饱下噶啦。煎饺得三只，稍微有D油腻咗D咯，不过都唔错。…查看更多

几乎一入中华广场就见到寿司皇噶招牌啦，大大个，好吸引人。入到去店入面，都系传统噶日本装修，环境好好。价钱都唔系好贵咁，比广州噶连锁寿司店贵少少咯，不过出品就好好多啦。点咗一个鱼生饭，48蚊，大大一碗，上面堆满鱼生，话D鱼生系用“角切”噶切法切噶，显得真系又大又厚身！上面仲有少少鱼子噶。仲要咗特上海鳗，长长条噶鳗鱼，饭团好细，不过鳗鱼汁酱真系超好味咯！…查看更多