hj880705的個人專頁

刚刚係王府井百货行去东山口途中见到有黄振龙凉茶，正好我又感冒未清除，就买咗一杯斑沙饮下，而家升晒价以前都係3蚊一杯而家4蚊一杯，药味反而觉得淡咗~！仲有买咗一碗原味龟苓膏食，你可以选择加蜜糖或者炼奶，我有时都会选择唔加，咁样觉得个功效或者味道会好D咯，虽然有点苦，正所谓“苦口良药”，食完仲带有甘甘味道都唔错丫~！店面虽然唔大但都可以入去里面食用或者饮用...…查看更多

一向都係地铁上的美食係最多最吸引人嘅，係客村地铁站有好多美食超市同商场~！我谂呢间许留山都係开咗冇几内，之前都唔觉眼有咁~！团购咗夏日新品甜蜜套餐多芒雪山同朱古力流心~！个香芒雪山其实得好小嘢，一个碟围边装住粒粒芒果同D汁，然后有一块大嘅芒果肉上面有个雪球，同D芒果汁融入冰冰冻冻，都几好味~！朱古力流心外表係布丁，里面就係流心，好香朱古力味，但系好细只...朱古力流心好多~！…查看更多

好小嚟到万达广场食饭，团购咗2人餐就试试~！环境唔错，感觉好似夏威夷，因为见到比较多D椰树嘅摆设，同埋D卡座几特别坐得几舒服，门店都几大....咖喱鸡扒饭，翻同鸡扒係分开装比你，鸡扒都嫩，好想咖喱味，但就欠缺D汁冇得捞饭食，仲有西兰花青瓜拌菜~！芝士鲜茄肉酱烩意粉，番茄开胃，有D肉碎，芝士唔够多，味道都还可以~！香烤鸡中翅，鸡翼有4只，咬开有烤汁漏出，鸡肉嫩滑，食落有点点辣辣唔错~！巧克力冰爽，巧克力粉同冰搞伴，上面铺上忌廉，同D巧克力搞匀口感唔错~！ 抹茶冰爽，有红豆做底，抹茶好香，上面都係铺上忌廉，饮落好百搭，几好~！ …查看更多

和平馆属于一间港式嘅餐厅，位置好搵都几多人嚟食，地方都几大但2人台嘅位置有点窄~！粟米鱼肚羹，鱼肚有D腥个羹就做得唔错，粟米嘅甜味~！原只酱汁烧鲜鱿筒，成只鱿鱼切成圈圈，鱿鱼好烟韧，加上烧汁口感唔错~！石锅沙爹肥牛豆腐煲，肥牛都几多仲有D金针菇，豆腐係下面垫底，索取肥牛汁嘅精华好入味唔错~！食咁多肉食翻D菜啦，点咗蝦米粉丝杂菜煲，杂菜有菜心、西兰花、粉丝，汤底比较清淡，虾米好大粒好香口，D菜都好淋好嫩~！…查看更多

中午嚟咗北京路五月花广场隔离芝仕堡意粉餐厅食饭，餐厅都几大，我哋早到咗所以唔多人，刚好可以坐到窗口位，唔错...幸好有卡可以打8.8折还是8.5折唔记得啦两个人点咗芝士烘焗鸡中翅，鸡翼铺上芝士再放入焗炉，鸡肉多汁，仲有芝士嘅浓香味道~！牛油清炒西兰花，好香嘅牛油味，西兰花刚刚好熟，爽脆嫩~！番茄酱芝士焗海鲜，番茄开胃有营养，加上有芝士嘅搭配唔错，海鲜有虾、鱿鱼、蟹柳~！…查看更多

呢排许留山都有团购，今次有紫薯西米捞同香芒流心~！开开心心行完北京路嚟到青宫电影城隔离许留山食个团购，登记完就搵位置坐，地方浅窄但都坐得舒服~！ 上甜品啦...师傅将紫薯整融加入D西米露，唔错，上面仲有两旧圆圆嘅冰沙球，一只奶味一只芒果味，唔错几好食~！香芒流心，外表係软软滑滑嘅布丁，切开一小口D芒果流心渐渐流出嚟，好正~！…查看更多

都係第一次食顺德菜唔知会係点样，係团购网团购咗4人餐，饭店环境一般啦，比大排档高档小小吧，服务员好似爱理不理感觉~！:(凤厨豉香鹅，D鹅肉长期浸过D酱汁好入味，肉质好嫩，下边伴碟嘅係薯仔~！脆皮圆蹄，就係猪蹄位置，感觉有D似食紧烧猪，表皮脆卜卜，再点D芥末是油都有另一番风味~！ 鱼腐竹笙浸胜瓜，鱼腐有鱼嘅香味，都几爽口，竹笙怕腥嘅可能食唔到，我觉得几鲜味，底汤我谂似係鱼汤~！ 韭菜花炒啜鱼片，韭菜多过啜鱼，煎香后再同韭菜一齐炒，味道还可以，肉质唔错~！蒜头豆豉炒长豆角，一碟普通嘅菜~!上汤伊面，汤底几鲜味，配料有菜有冬菇有萝卜丝有韭王，伊面浸过汤水唔错几爽~！总体都算可以...其实都係觉得似广东粤菜咁~！ …查看更多

团购见到恒宝广场有2人餐黄记煌就嚟食，之前都食过，今次试另外一款...店面好大好靓，最巴闭嘅係用I PAD嚟点餐又可以比你玩游戏~！犀利吧。。。锅底含蕃薯、胡萝卜、蕃茄、洋葱、西芹、枸杞、红枣、蒜头、青椒、红椒共10种蔬果，要咗双拼锅金针菇肥牛卷同牛蛙，酱汁要咸鲜海鲜酱，蔬菜为生菜~！服务员全程会帮你整好晒所有食材同配料，煮晒就会叫你享用~！真係好唔错D牛蛙，肉质弹牙，都几大只下，金针菇肥牛索晒D海鲜汁好入味，一口肥牛一口金针菇好正~！唔好嘅一点觉得盆底蔬菜太多啦，占一大半，肉类小咗D...总体还可以~！但系食完搏命饮水...咸丫…查看更多

大快活餐厅香港制造，店铺好多位坐，入到里面仲有上隔层，有时行完北京路都会嚟食个下午茶，通常我都唔会去食饭，因为贵又觉得冇咩嘢食，最中意食西多士加红豆冰或者绿茶（套餐）又或者西多士鸡翼加杯绿茶，同埋食榨菜肉丝米粉都唔错~！呢度D服务员几好，一见到你坐低栋住个牌有张纸就会即刻嚟收纸，仲会同你讲声~！上菜啦...西多士都大块几厚身好金黄，首先涂上牛油等个多士香D，再用刀刀叉叉切小小点D蜜糖进食，嗯...yumyum~！杯红豆冰好正，好多红豆~！绿茶都唔错...淡淡嘅绿茶清香味，饮完仲会留下香口~！…查看更多

经常都有黄鳝世家嘅团购餐，今次团购咗3人餐，嚟到纸行路，就係路面好容易搵，我谂间饭店係重新装修，环境唔错几靓下，坐得几舒服~！食物有菠萝包，未食之前我谂包里面肯定唔会有陷，点知咬落口，E...原来係有菠萝陷架，包面个皮都唔错，几好食~！黄鳝饭细煲嘅，好想嘅黄鳝味，但系黄鳝小咗D同有D漏，饭焦好脆卜卜好金香~！杏汁白肺汤，未饮就已经闻到好香嘅杏仁味，饮咗一口，好正喔...我都係第一次饮，觉得好清心润肺~！仲有其他菜都无食晒就打包...…查看更多

屋企就係附近，有时冇饭食就会落楼食福建沙县小吃，经济又实惠，又可以食饱肚~！每间沙县店面都係好细，都係得那么的4-5张台~！要咗个酸菜肉丝米粉同一个静云吞~！都几大碗下架个米粉，肉丝又几条酸菜味道唔错，汤底都可以~！云吞好爽口，老板话用手打鱼肉整喔，唔知係咪啦，皮好薄，唔错...…查看更多

好多人都会嚟古港食猫记艇仔粥，便，大件，多嘢食~！当然啦店面唔大係自己屋开嘅...自己搵个位坐低慢慢点咗食~！当然点个艇仔粥啦，好大碗，好多料~！煎饺好多韭菜，都係老板自己亲力亲为包嘅，皮煎得香脆~！再要个炒螺肉，好惹味，有小小微辣~！炸云吞都唔错，D皮卜卜脆，云吞肉馅都几多，再点辣酱或者番茄酱，正~！几蚊鸡嘅小食可以食到你饱晒...抵丫…查看更多

去完万国广场家乐福去坐车嘅时候顺便嚟双良记食下糖水，店面係装修过，靓咗好多，但系依然位置唔够坐要坐街，仲好啦凉爽D，里面好闷焗~！都几多人嚟食糖水同食饭...点咗个杨枝甘露同芒果西米露~！杨枝甘露配料有西柚芒果椰奶西米露，味道唔错，好想椰奶味道，芒果同西柚就小咗D，西米煲得好淋~！芒果肉都几多椰汁唔错....…查看更多

好多时夜晚都会嚟天成川菜馆食酸菜鱼同水煮牛肉，幸好有人住係附近方便摞位，唔係等到你8点都唔知有冇得食咯，晚饭超级多人咯，等位可以等到百几位嘅~！环境比较嘈杂，店面都好大，坐得都可以，但要行路就要小心~！坐落好快就有人嚟同我哋点餸，要咗酸菜鱼、水煮牛肉微辣同豆苗~！上菜都好快，先上酸菜鱼，鱼肉滑，D酸菜都好味，唔会太辣，条鱼都几大下~！水煮牛肉唔好见佢红红一篇，其实唔会好辣，牛肉落粉多咗，所以有时会食到一旧旧滑滑，下面仲会有点菜，食呢D菜仲正，因为已经浸透D辣水~！豆苗唔使讲啦...我谂佢应该用咗鱼汤嚟煮，觉得特别鲜甜，仲有几粒纪子点缀~！…查看更多

行完地王广场，走翻嚟中华广场楼上美食城睇下有咩嘢食先，望晒成条街都谂唔到食咩好，反正有优惠劵就食真功夫啦~！点咗金鼎肥牛饭+菊花山楂清饮，冬菇鸡腿饭+玉米冰豆浆，加多一份西兰花~！个肥牛饭好香口，好多肥牛，唔知加咗D咩汁，但系食到最后觉得好漏，杯清饮唔错，菊花香味，山楂刚好可以缓解到我食完油腻嘢，帮助消化唔错~！冬瓜鸡腿饭，冬菇同鸡肉比较小，但肉质都嫩滑，玉米冰豆浆唔错，豆浆同玉米好浓郁饮到豆同玉米嘅揸，但甜咗些少个人觉得~！阴功咯...个碟西兰花10旧都唔知有冇咯，真係超级小咯~！…查看更多