来魅力酒店海鲜自助餐

營業中

休息中

第一次用非香港既搜索，就諗起上年9月同朋友請我去左旅行，3日2夜珠海遊。而我地住既酒店就係呢間對正拱北口岸既來魅力酒店。雖然去個日係星期一平日，之前幾次去珠海既感覺，都係日抖車多人多，關口附近好繁忙，而家有港珠澳大橋之後，感覺就好左少少。而酒店同港珠澳珠海關口大約40-50蚊的士左右，都好近好方便。所以黎到後既第一餐晚餐就選擇酒店既自助餐，安頓好休息好原地食完就可以夜晚去玩。由於係平日同埋之後有下場，我地又極準時6點左右就去到餐廳，所以餐廳個刻未算太多人，但好多食物都已經係準備好晒，因為呢間好似係6點就可以開始用餐。埋位放好野後先去睇下有咩飲品，嘩，真係夠晒多款式，雪碧芬達可樂維他奶都係支裝另外仲有青島啤，紅白酒，亦都有三種果汁咖啡奶茶紅茶玫瑰花茶之類一應俱全。之就開始30分鐘之後再黎睇下就發現bartender待應係度調較特飲，有薄荷梳打同橙汁特飲，我最後冇飲其他嘢飲而飲左3杯橙汁特飲同1杯薄荷特飲，因為真係好好飲，薄荷特飲有嗰種薄荷味但係唔會過於太重，而橙汁特飲更加係甜度適中又唔會過甜嗰種👍🏻刺身有數款，有醋鯖魚，仿鮑魚，希靈魚，立魚，三文魚，亦都有海膽，不過我唔食，我朋友就話仿鮑魚同海膽都好好食。三文魚同醋鯖魚味道唔錯，亦都夠新鮮，冇異味👍🏻之後冷盤火腿蟹腳等正常發揮，熱盤就相對差少少，選擇唔多，試左少少意粉都偏硬左唔夠淋。🥲但唔緊要，呢度自助餐既主角，係海鮮火鍋一入到餐廳轉右入去，一望入去就係呢個同街市海鮮檔一樣既海鮮池。對於我呢個水上人家族黎講，見到可以咁樣任食既海鮮一定唔會手軟，特別係之後開始人多了，大家都鋒擁去不停撈海鮮。我最後食左8隻大花甲，4隻鮑魚，同4隻蝦。我建議各位湯底可以拎黎煮海鮮用，但絕對唔好飲用。當晚有兩款湯底，一款係麻辣湯底，我不食辣，所以唔啱我，結果我就要咗另一款紅棗湯底。撈起既海鮮亦都好似餐廳棟咗個牌仔，建議先喺佢個池旁邊有侍應幫你用熱水煮30秒，特別係甲殼類等佢啲花甲開咗口，之後先至去慢慢返去自己位嗰度灼熟食用。由於本身就係鹹水既海鮮，所以湯底最好唔好飲埋啦。鮑魚，蝦同花甲都極之新鮮，特別係花甲，鮮甜味突出最後呢次自助餐本身有送每位半隻芝士焗龍蝦，味道不過不失啦，主要係芝士影響左。但係係見到佢即刻整嘅，另外仲有燒廣島蠔都係即整。最後，嗰一晚亦都有其他香港人嚟食呢間自助餐，一行共12個女仕，連埋其他本地嘅顧客，成晚大概差唔多一百人，好在我哋早去，食到中途大花甲池已經冇曬花甲，亦都唔知有冇refill，但鮑魚同蝦等呢就極之多。PS：由於我去嘅時候係舊年九月所以有好多嘢唔知有冇更改。味道比4星既原因就係唯一佢熱盤食物相對一般，甜品亦都有選擇，有雪糕，蛋糕，布甸等等。 繼續閱讀