呢个系参加试食活动既，简单讲下当日品尝既食品~
第一道西关美食系红豆糯米糍，椰丝、红豆唔会太甜，馅料足，糯米糍既皮厚度适中，咬落去软啉啉。
荔湾艇仔粥定系水乡艇仔粥，用一个艇型既器皿盛装，卖相同味道都差唔多，可能最近清淡野食多左，觉得D粥有少少偏咸。
马蹄糕几乎是最受欢迎的，老细话整果阵需要炒糖，所以味道同出面既有D唔同。糕够弹牙，马蹄爽口，又唔觉得甜到漏。不过萝卜糕就差DD喇。水分多，腊味少，好难夹。
炸鱼皮拼鱼皮角，可以话系最热气既一个菜式，鱼皮脆卜卜，有少少硬，用黎送粥应该唔错；鱼皮角仔外脆内嫩，咸咸地，size啱啱好，一啖一只。
水菱角。睇落去真系菱角形状，但食落觉得好淡，好似升级版濑粉咯，上面既配菜有蛋皮、肉碎、青椒等，要捞晕晒先好食~水菱角作为西关既名小食，老细除左介绍水菱角既背景外，仲安排左个师傅现场教学，每围枱都派左一名精英上去~
小息期间，继续试下西关美食——水牛奶蛋挞，水牛系佢地自养既，应该无添加既。老细话今次既蛋挞做得比较好，手工野唔一定次次都可以整到咁靓噶。明明已经凝固喇，但拎起蛋挞果阵觉得上面D水牛奶就快要溏泻咁，咬一啖，甜而不漏，仲好滑添。
食完水牛奶之后再试下其他点心。南乳咸煎饼，切好一件件，脆且硬，南乳味淡。五香软饼、红豆软饼，外面既皮烟韧，里面馅料多，一咸一甜，个人比较喜欢红豆软饼。
