哈根达斯 (已結業)

经过正佳广场嘅时候都会见到，就系临街铺面，所以位置都唔错。里面嘅环境都几舒服，雪糕专门店好似一间餐厅咁，可能都非哈根达斯莫属啦。系美国哈根达斯系便宜货，来到中国居然就升价百倍，真系舶来品就矜贵D？不过国人似乎对呢样嘢颇为卖帐，所以无办法，钱就系咁样比人赚架啦，哈。比较中意太妃三文治，其实觉得好似雪条咁，不过口感都几好，雪糕的确几滑，但系个人觉得偏甜，唔知系咪因为太妃嘅关系呢？所以有时都系宁愿拣抹茶雪糕，口感较为清新D，而且绿茶比较适合夏天食。价钱就真系几贵啦，而且好细一个单球咋，只系偶尔食下或者同朋友约出来嘅时候去。