大同酒家 (已結業)

最初认识大同酒家，系因为距既蛋挞，某夜从二沙岛出黎想食蛋挞，就顺路去左大同打包左一盒，一食就知道系正野，蛋香就不在话下啦，重要既系滴挞皮，真系又酥又松化，完全系只溶系口唔溶系手。呢日黎到大同5楼又系座无虚席，但几乎每个人都响度扑扇，好唔容易稳到张台孖低，一问起先知，原黎大同搞节电，空调开一半，结果大家都食都一身汗。今次，林住试下新野，点左个菜脯蚬肉饺，结果菜脯既味道仲重过蚬肉~肉酱吮吮粉系呢度既推介黎噶，唔点对唔住自己，滴吮吮粉全部之间通窿，食起身真吮吮声好过瘾，记得一上黎就要马上捞匀距，等滴粉可以均匀索味。茶树菇牛肉饺，听个名就觉得呢个搭配应该几好，点知一食就知错了，完全食唔出茶树菇既味道，牛肉味又俾滴芫西占晒，不如叫香西饺算啦~猪润粥，好好味，猪润厚切，但系师傅掌握火候真系好好，滴猪润熟到岩岩好，真系好爽口，粥底又绵滑，认真好食。