丽的面家烧味 (多宝路)

呢间铺头新开张无耐，所以特登嚟试下。餐厅嘅环境都算干净企理，装修亦都有旧西关嘅风格。服务员嘅服务就差D。我坐响2楼就餐，想点1楼嘅烧鹅同叉烧，点知服务员话要自己落番1楼打包上嚟，无得落单。去到1楼斩料，个厨师手脚又奇慢，等咗好耐先斩好。到收银，收银员见好多客人围住佢俾钱，佢就无晒次序，未收完一个就接下个客张单，结果搞到好混乱。至于出品方面，我觉得性价比超低。1份10蚊嘅油菜，居然净得少少一碟；25蚊嘅大蓉云吞面亦都好细碗；25蚊嘅净云吞只有8粒云吞。味道方面，油菜纯粹系白水煮油菜，一滴油都无，要自己点酱汁；云吞里面有虾，都几好味，但台面配嘅大红浙醋实在太差，一D酸味都无；面都几爽口弹牙，够传统。总体嚟讲，云吞面可以试下，但25蚊嘅价钱，附近会有更多更好嘅选择。

菜单

菜心

1

叉烧

大蓉云吞面

烧鹅