丽的面家烧味 (多宝路)

营业中

休息中

今日走过恒宝华庭果边忽然谂起附近有间好出名下嘅丽的面家一于行去试下先，睇落个门面都几醒目下，门口旁边仲有个烧腊档添望落啲烧味又几靓下啵，点咗个十八蚊嘅细蓉仲有一碟仔咸酸跟上，食落啲咸酸感觉未够入味可能我食得酸啲挂，个汤几清几鲜几好味下，个汤底仲有虾籽添几正下啵，个面都好爽好韧下，云吞就喺传统嘅云吞细细粒个种，皮好薄个馅有虾有肉材料好新鲜下，虾肉好爽猪肉食落有香嘅味道，都算喺碗好传统好正宗嘅云吞面啦，入嚟果时行过佢嘅烧腊档睇到佢啲烧鹅烧得好正下啵，整番个上庄试下先睇落真系流晒口水啰。啲皮烧得好透，食落好香好脆，啲肉好厚好瘦啱晒我地啲怕食肥腻嘅人嘞，食咗饱饱一餐之后仲未够喉，见到佢挂住啲叉烧烧得好靓一于买番半斤番屋企食先，啲叉烧外面几脆里面好嫩味度好正，感觉呢间嘢啲价钱贵就贵咗啲，不过佢嘅用料和出品都好靓啵，最好就喺足斤足称唔会搭埋晒啲垃垃杂杂嘅嘢比你啰。