环境比我印象几好,,几干净的感觉,,而且绿白的组合好简约,,里面加插的橙色又显得好活泼..唔错..服务员的态度都几好..见到我地系女仔..有卡座都优先比我地..
价钱貌似都几贵,,当晚我地点左个沙律,,加两个檬就已经118了..沙律系大虾莲藕苗..酸酸地都几开胃,,而且莲藕苗我系第一次见亦都系第一次食的,,感觉好迷你好可爱..铺面的炸蒜蓉份量就重手左D了,,搞到我要边食边筛..都几狼狈..因为我一直都中意食番茄啊橙啊之类的东东,,所以见到有番茄蟹海鲜檬我就第一时间拣左呢个了..大家睇到个菜名系咪都觉得应该几好食呢??我当时的感觉就系非常非常期待的,,因为前面的一切比我的感觉都系那么的美好..可惜,,世界上有一句俗语叫做"希望越大,,失望越大"..睇相系咪完全唔觉得有"蟹"呢个物体存在呢??店家解释系用蟹肉去煲个汤底,,所以成碗檬里面系唔会有蟹肉出现的..睇黎..系我自作多情了..甘"海鲜"呢??海鲜总会有吧??唔好意思,,海鲜的定义好广泛的,,鱼板同鱼蛋其实都算系海鲜的一种..而且,,仲要系D质地好粉的鱼蛋,,唔知大家有无试过一种加左鱼肉的芋头丸呢??小敏妈试过买黎煮过,,劲难食的,,而非常唔好彩地,,呢碗海鲜檬里面的鱼蛋令我谂起果粒芋头丸了..鱼板我一向都唔爱,,好好的鱼肉唔做,,走去做二次制成品..唉..所以基本上呢碗檬于我而言已经系毁了,,食左两啖之后就闲置在旁了..至于Wing姐的牛肉檬则面临干捞的烦恼,,距个人系比较喜欢食带有D汤汤水水的粉面的..所以,,亦都不被好评..
总结之后,,发现我食越南野真系唔可以点檬的,,哈哈..因为完全唔适合我口味..我仲系乖乖地去翻D大头虾之流食D快餐式的越菜吧,,毕竟我系果度同样的价钱选择可以多好多..哈哈..谢谢观赏..
另外，开饭喇上传不到照片啊，每次都LOAD N久的，神伤~
