水沐莲清 (已結業)

听人介绍话呢度既茶点好有特色，但系价格不菲哦！里面装修都好古色古香！大红袍咸水角，其实我本来就好中意饮大红袍既，咸水角又系挚爱哦，呢两个组合既野我肯定要试啦！的确几香大红袍茶既味，亦都无抢到咸水角既香！榴莲酥，做工真系好精致啊，好似个榴莲甘，一啖咬落去，外面既皮好松化，加上里面既榴莲，同样正！金屋藏娇，呢个系呢度既招牌点心，一开始唔明咩意思，但系一啖咬落去就明白啦，香脆的外壳包囊着爽滑嫩滑的雪蛤，配合得好好罗！莲清绿茶蛋挞，都几想绿茶味，偏甜，个人仲系比较中意葡挞，哈哈！雪山包，外面松软得来有D依嗯，加埋里面既流沙馅，都几好食！猪红汤，老公话做得几好，觉得D猪红洗得几干净，又无酥味，而且价钱来讲唔算贵！凤爪，无咩特别！桂花年糕，好甜，唔推荐！呢度既茶味最便都8蚊位，但系茶叶的确好过外面既！仲有服务态度超好，个杯一无水，就有服务员过来倒茶啦！睇来就算茶位贵D，就当俾服务费啦！