影片
更多
2012-04-16
52 浏览
呢间店位于63层嘅4楼， 同王品同一层！！！未食就已经估计到系贵嘢啦！所以预先上网做咗下research——酒楼主要就系做高档嘅婚宴晚宴，成4-5k一围！所以装修好有气派！嚟呢度摆酒一定唔失礼！！ 今次系姨妈生日请食饭， 先有幸试到咁好嘅出品！真系非常开心啊！我地今次食嘅系酒楼嘅特价套餐——《鲍满意》原只鲍鱼鱼翅龙虾全包宴！ 原价要3988， 宜家只需五折1998（12位）/ 1088（6位）就可以有交易啦！ 当然前提系最多只能订2围， 第三围就要按翻原价收费噶咯！逐一点评下第一道上嘅系乳猪全体——只猪分量都几够！一围台人均可以食到3块以上！而且关键系d皮烧得好脆！每块都食到“卜卜”声！正啊！ 食晒d皮后，我地有亲戚自备食用剪刀（估计佢系呢度常客啦， 呵呵！）， 将只猪剪成一块快，哇！ 连d骨都好香，好好食啊！第二道上嘅系鱼翅汤——每人一大盅！！饮完都饱晒咯！！个鱼翅羹d料都几足， 虽然鱼翅绝对就唔会多噶啦，但都食到小小嘅！每一瓷更都会勺到虾肉同蟹柳，仲有竹笙！味道几鲜甜， 唔会太咸太胶， 浓稠度刚好！第三道系龙虾乌冬——呢个菜， 乌冬系败笔咯！本来以为系伊面， 点知一夹起身就知原来乌
我地今次食嘅系酒楼嘅特价套餐——《鲍满意》原只鲍鱼鱼翅龙虾全包宴！ 原价要3988， 宜家只需五折1998（12位）/ 1088（6位）就可以有交易啦！ 当然前提系最多只能订2围， 第三围就要按翻原价收费噶咯！
逐一点评下第一道上嘅系乳猪全体——只猪分量都几够！一围台人均可以食到3块以上！而且关键系d皮烧得好脆！每块都食到“卜卜”声！正啊！ 食晒d皮后，我地有亲戚自备食用剪刀（估计佢系呢度常客啦， 呵呵！）， 将只猪剪成一块快，哇！ 连d骨都好香，好好食啊！
第二道上嘅系鱼翅汤——每人一大盅！！饮完都饱晒咯！！个鱼翅羹d料都几足， 虽然鱼翅绝对就唔会多噶啦，但都食到小小嘅！每一瓷更都会勺到虾肉同蟹柳，仲有竹笙！味道几鲜甜， 唔会太咸太胶， 浓稠度刚好！
第三道系龙虾乌冬——呢个菜， 乌冬系败笔咯！本来以为系伊面， 点知一夹起身就知原来乌冬， 首先感觉就有d不伦不类，呢种做法唔可以算系创新咯！！ 然后d乌冬又煮得太耐啦， 无晒嚼劲， 就系一堆粉条！！ 龙虾就唔错嘅！估计都几大只， 因为真系有好多块龙虾肉！而且d肉质都系爽口弹牙，又有鲜味！ 如果处理得唔好嘅龙虾通常都会好“鞋口”，咁就会好浪费啦！
第四道就系鲍鱼扣花菇啦——非常大一碟！每一只鲍鱼都有一只瓷更咁大只， 因为呢d贵嘢， 本人真系食得少！所以唔识分系干鲍还是鲜鲍！系几多头鲍…… 味道方面亦都好唔错！学果d食评人话斋：有嚼头，溏心无渣！！
第五道金巢翡翠带子——个名好好听， 但个卖相就唔够出众啦！一开始我就以为系类似炒丁嘅普通菜式！算系咁多个菜里面最cheap嘅！所以刚开始我系无食噶！后来换咗碟后，就食咗d！味道唔错喔！佢系将d好大好大粒嘅带子切片黎炒！所以上碟后唔系好绝眼，因而被忽略咗！！其实真系几好味咯！
第六道黄金双碧合——其实就系炸牛奶同炸水果卷， 炸牛奶无咩好讲啦，大路嘢， 炸皮里面嘅牛奶都唔会甜到好漏！ 炸水果卷呢个就一般啦， 里面全部都系罐头水果~~无咩特别！
第七道砂锅鸡——所谓无鸡不成宴， 但呢只鸡系呢个鲍翅晏里面饰演嘅角色就显得比较暗淡无光啦！！全晚最普通嘅一道！无咩人食~~ 其实鸡肉都系靓鸡黎噶， 肉几爽滑， 可惜食完d什么鱼翅鲍鱼龙虾，对鸡嘅兴趣就荡然无存咯~~~
第八道上汤菜心——呢个我无影相， 菜心几嫩， 每条都系菜远， 而且比较清淡， 唔油腻！！食咗好多肉类， 食翻条靓菜清下喉真系唔错！第九道清蒸大海斑——对于斑类嘅鱼， 我真系唔识睇咯~~姨丈话呢条系黑斑喔！几新鲜嘅， d肉几鲜几滑， 唔错！
第十道荷香红米饭——感觉好似巨大嘅糯米鸡咁， 用荷叶包住上来， 卖相就一般啦！撕开荷叶就热气腾唐，喷晒烟出黎， 试咗一啖， 真系有红米系里面！ 健康嘅粗粮米~~ 应该就系焗饭黎嘅， 有好香酱油嘅味道！里面感觉好似有d腊味， 但又见唔到有腊味哦~~应该可能系瘦肉吧！
第十一道超大寿包——的确包如其名！！ 成个手掌咁大！摞起手非常赘手！！个个都话成半斤重！ 撕开个包， 里面仲有一只好大嘅咸蛋王！！好香啊！！ 姨丈话， 平日早茶， 呢种包要卖9蚊一个！！！真系好贵哦~~~~
第十二道就系甜品——红豆百合莲子糖水！非常传统嘅糖水， 唔会太甜， 料好足，而且几棉！唔会好似有d酒楼咁稀到好似水咁~~
第十三道果盘——唔系好大碟，一人都食唔到一块！我就食咗一块西瓜， 几甜哦~~~总嘅黎讲， 差2蚊先2000一围， 有咁多嘢食， 真系好抵！！分量足， 味道好， 服务好， 环境好~！真系好唔错！！！ 非常满意嘅一餐！！
张贴
