影片
特色
饮喝聊天
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
北上同小朋友疯玩成日，肚仔饿到 “咕咕叫”，见到农畉门口够清净，就带住一家大细入去试新野，点知一试爱上！依家即刻同大家分享呢间宝藏餐厅～🌿一推门就被靓到！雪山壁画衬埋木系装修，成个空间充满自然气息，打卡一流📸～座位阔落唔逼夹，带小朋友都够晒舒适，就算倾计倾耐啲都唔怕阻住隔离台，加分！✨烤猪颈肉（¥68）先黎个前菜，猪颈肉切得厚薄均匀，色水靓到流口水～入口嫩滑，熏香淡淡嘅唔会抢戏，但个蘸酱就 “杀食”！酸甜中带少少辣，不过个人觉得辣度可以再减少啲（可能我唔太食得辣）。配埋烤饼一齐食，层次感丰富，正！✨蔬菜沙拉配三文鱼鲜虾全餐（¥78）呢个必点！芝麻菜铺底，上面嘅三文鱼煎到金黄，外脆内嫩，一刀切落去肉汁都流出黎～太阳蛋仲系流心状态，戳破后捞匀成碟沙拉，creamy 到不得了！最惊喜系底层有蛋饼，虽然份量唔多，但女仔食就刚刚好，健康又饱肚～✨黑松露风干火腿 Pizza（¥78）成晚最惊喜！薄饼底脆到 “喀喀声”，拎起黎都唔会软塌塌～铺满黑松露酱、蘑菇同风干火腿，芝士一拉丝就知用料够靓！咬落去咸香浓郁，芝麻菜又带黎清新感，完全唔会腻，连小朋友都话 “好好味”！✨玉米脆片（¥48）呢个蘸酱真系灵魂！玉米片烤到脆卜卜，淋上融化芝士，再蘸埋酸奶油酱，酸甜浓郁，简直停唔到口！番茄丁又增加咗清新感，作为小食一流～✨炸薯条（打卡收藏免费送）热辣辣上台，金黄酥脆到 “卜卜声”！咬落去外层脆到发出声，入面软绵绵，再洒上芝士碎同香料，咸香够惹味～小朋友食到停唔到口，记得趁热食先最正！💁店员态度超亲切，一入门就帮手拣靓位，见到有小朋友仲主动提供儿童餐具～全程加水超及时，有求必应，呢个必须赞！环境靓、出品好、服务贴心，最紧要价钱亲民！北上玩完想食餐好嘅，呢间绝对系好选择～尤其是 Pizza 同玉米脆片，已经心心念念下次再黎试其他菜式啦！记得早少少黎，晚市可能要排队架～
继续阅读