朋友带路，预先抢咗特价优惠，第一次试食呢间出名嘅北京烤鸭。烤鸭都系由师傅喺你面前现场切片，佢会分成几个部分，包括鸭胸皮、鸭胸肉同鸭腿肉。另外仲会上一个八宝盒，里面有好多唔同酱汁同配料，当中比较特别嘅系一啲好似薯片嘅脆片同埋爆炸糖，原来呢啲配烤鸭都好好食，可以增加唔同口感同风味。讲返啲鸭，鸭胸皮好松化但又唔太油，鸭肉都好入味，加上唔同配料造成嘅配搭，食好多件都唔会觉得单调。另外饮咗鸭汤，清清地唔会好油可以解腻。食完只鸭已经好饱，临尾加多一客驴打滚做结尾，佢唔会太甜质地又好烟韧，非常好食。…查看更多
