就係為咗食海底撈 之前都係去開友誼路嗰間發覺好多人排隊
其中一個姊妹講 話呢一間分店夜晚好少人
所以我哋就試下呢間 一入到去門口都未入
已經有幾個員工出嚟招呼我哋
當然佢哋出名服務係一流嘅 其中一位朋友唔食辣嘅所以我哋叫左半個番茄湯另外一邊就係嗌咗牛油有麻辣湯。 之後我哋就去咗醬料吧嗰度攞醬
佢嗰個香菇醬真係好好食㗎 記得加芫荽
我地叫左肥牛 羊肉 豬腩肉 萵笋 手打墨魚丸 午餐肉 魚腐同皇帝菜。 我哋全部都係點做半份呢一樣嘢係好貼心嘅因為有時候人少但係嘢食想叫多啲佢就可以叫半份咁就唔係浪費食物喇
要等個湯底滾起真係好慢長呀
有得睇冇得食。終於佢個湯滾咗啦我哋即刻落啲丸啦攞啲牛肉啦叫做萵笋啦 佢個湯底愈食愈入味嫁 所以午餐肉係必食
個種麻辣香真係好正 鍾意食辣既人士真係唔好錯過 
而另外嗰邊蕃茄湯清清哋個湯可以就咁飲好甜嘅番茄味唔會太酸用黎淥菜或者魚腐真係一流。期間啲侍應都會問我哋使唔使幫我哋淥嘢食 有個人係隔離招呼食得好唔暢快嫁嘛 所以我地都係自己黎 其家仲見到有員工出嚟表演拉麵 呢度既服務真係好多元化
又可以免費食生果排緊隊嘅時候仲可以預約整指甲💅
仲可以開到咁夜 以後同班朋友咁夜上嚟唔驚冇野食啦
1
1
