肥髀媽的个人专页

上海之旅，晚上自由活動，去咗城隍廟行下，食小籠包當然要食出名嘅！去到好多人，上到3樓有得堂食，等5分鐘有位，中式木桌椅，地方光猛，店員話就來截單（只係7點幾），所以急急落單！小食好快到，小籠包要等差不多半小時，一個店員攞架手推車推幾十籠出來！但佢分得好慢，出到來差不多5分鐘先派到我哋！招牌小籠包（$55）鮮肉小籠包（$35）野菜小籠包（$35）蝦肉小籠包（$40）咁多籠小籠包，皮好多都穿，漏晒湯，肉又乾！失望！金腿迷你糉（$7）細細隻，撕開糯米煙韌，食唔到火腿味，鹹鹹香香！幾好味油炸臭豆腐（$10）唔臭嘅，辣醬又唔辣，豆腐唔乾！好普通！冰糖雪梨茶（$12）飲落都幾甜，有雪梨肉！有啲梨肉咬下！朋友飲至尊青島（$20）喜力啤酒（$20）可樂（$6）講真小籠湯包係失望嘅，肉又乾，啲包皮一籠有幾隻都係穿嘅，漏晒湯！以咁嘅名氣，出啲咁嘅水準！大家都失望！店員無乜表情，唔勤快，慢慢做嗰種！叫到就做！唔會再來！…查看更多

上海工幹之旅，自由活動出去外灘行下之後，就去附近搵食，上海嘅餐廳收得早，好多都已收舖！行過呢間仲開緊未截單！入內桌椅係中菜館格局，牆上畫咗好多關於魚嘅壁畫！菜色係食上海菜！不過有啲菜色已經無咗！落單後食物好快到！老醋海蜇頭（$36）細細碟，海蜇好爽有咬口，酸酸地開胃！醬椒皮蛋（$8）細細碟，皮蛋黃起身，蛋白彈牙，醬油好濃，不過唔辣！幾好味拍醬青瓜（$8）細細碟，青瓜爽脆！味道較淡，同埋入唔到青瓜入面！一般家常涼菜（$22）大雜燴，爽口涼快好味！香菜牛肉（$22）無食口水雞（$38）夠鹹香但唔夠辣，雞肉斬得太細碎！春雞咁！蔥油蟶子（$28）好鮮嫩！薑蔥味提鮮！鹹香好味！薑蔥炒蛤蜊（$28）勁好食！蜆肉無沙！好鮮嫩多汁！好味！四喜烤麩（$10）醬油甜蜜！比烤麩索晒！烤麩彈牙！香辣雞仔鍋（$38）無食！朋友叫了啤酒：百威啤酒（$12）哈爾濱啤酒（$19）店員勤快爽手！餸菜上得快！價錢唔貴！抵食！…查看更多

复活节两天美食团，过了一晚，早上8时起床食早餐，餐厅一样格局，环境舒服，早上食品选择虽然唔多，不过正常有的早餐选择都有！麵包種類幾多！我食：西式早餐：煎蛋太熟，香肠太硬无肉汁，茄汁豆正常，黑椒薯角好味，鸡髀菇太淡，豆沙包面包唔够松软！即煮粉面：昨晚自助餐太饱食唔落！今日早上试，河粉滑溜，职员即煮热辣辣，汤底唔算味精，然后自己加配料，我加了青葱、爽脆榨菜同辣椒酱！香口好味！早上职员少咗！依旧勤快！…查看更多

復活節兩天美食團，可惜遇著大塞車，去到花都都下午兩點半，食完午餐唔夠一個鐘，又要趕去酒店食英式下午茶，仲要5時半就食頭圍晚餐自助餐，唔係「美食之旅」，係「暴食之旅」早十分鐘去到餐廳，餐廳仲未放人，夠鐘就攞住晚餐劵入場，我哋坐最近食品區嘅長方枱，不過枱與枱之間好迫，出入都唔方便晚餐場內燈光火著，全食物區都開咗！食物好豐富，一啲都唔遜色！前菜：種類豐富！最喜歡醃青瓜同雲耳！刺身：款式幾多，三文魚嫩滑唔腥，鯛魚比較硬，希靈魚係紅色嘅，比較腥！冷盤海鮮：只有海蝦及青口，海蝦爽口，青口好粉！熱盤：自己對熱盤一向一般，只係食咗豬頸肉，皮燒得唔夠香，竟然有薑醋蛋，仲比我搵到隻超級鐵蛋！硬硬地有咬口，正！醃雞腳比較硬！蔬菜正常！甜品：切餅款式好多，賣相靚，味道唔錯，有師傅即做窩夫，熱辣辣配上雪榚加糖漿，好味！雖然雪榚唔係靚，只係普通，牛奶味唔夠！有款小樽紅莓奶凍大家都話好味！飲品：雖然任飲，不過紅茶同蘋果汁比下午茶時更淡！差！店員好勤快收碟！斯文有禮！值得讚廁所非常乾淨！大家都好守秩序！唔急唔搶！好開心！食得舒心好味！（不過如果要原價來都幾貴）…查看更多

復活節兩天美食團，可惜遇著大塞車，去到花都都下午兩點半，食完午餐唔夠一個鐘，又要趕去酒店食英式下午茶，去到酒店領隊先帶我哋入地下餐廳，餐廳西式風格，不過燈光好暗，唔捨得開燈！餐廳熱盤區無開，只開甜品區做下午茶（個好像中幅射嘅小黃人好破壞氣氛），剛剛到達有幾團人到達，蛋糕攞晒，大家好怕唔會再添補（領隊有嚇我哋）水果、炸點都大攞一餐，好在之後酒店好快補充！根本唔使心急！其實英式下午茶，蛋糕只有3款，水果3款，炸點兩款，飲品任飲，果汁兩款，咖啡同紅茶！任食無限補充！蛋糕：只係普通四方切餅，一啲都唔精緻，好在蛋糕鬆軟，忌廉幾滑，不過除了面頭嘅水果唔同味之外！味道無乜分別！蜜桃蛋糕質地較厚重，反而蛋榚味仲濃！炸點：黑椒薯角：薯角唔脆，好在上面灑嘅黑椒好香辣！好夾薯仔嘅味道！春卷：香脆，略油膩，入面嘅餡料煙韌，外脆內軟，不過無喼汁或泰式醬汁就失色啲！水果：有西瓜及火龍果及橙，味道正常！飲品：紅茶：比較淡，無奶相配！蘋果汁：肥髀飲，顏色及味道極淡，唔知係國內嘅蘋果汁係咁樣定係溝浠了！店員有禮斯文！對小朋友都好包容！呢個英式下午茶得啖笑，只係選擇極少嘅甜品自助餐！…查看更多

參加兩日一夜美食團，去到呢間酒店內中菜廳食午餐，地方大樓底高，比咗偏廳我哋三枱人，好普通嘅中菜館，桌椅唔迫！團餐食物好快到！團餐鮑汁海蔘馬胶魚宴：健康滋補湯：唔知係乜材料煲嘅、奶白色滋潤，不過唔夠熱秘製豉油雞：砂鍋上，雞雖然入味不過唔厚肉！鮑汁紅腰豆北極海蔘：賣相特別，好少中菜用紅腰豆，海蔘彈牙，湯汁入味！蛋角有機菜煲：上湯濃香，少許味精幫助，蛋角索湯好味，菜係黃芽白，太老唔好味！咬唔郁秘製深海馬胶魚：馬胶魚唔大條，起肉烤脆，魚肉唔腥，香脆可口！秘製五味鵝：好濃香嘅醬汁，鵝肉入味唔嚡，味道濃厚，芛乾炆土豬肉：梅菜乾炆豬腩肉，腩肉太肥，瘦嗰部分唔老好味，梅菜乾唔係好鹹但太梅！蝦米粉絲農蝦蛋：蒸水蛋好嫩滑，蝦米粉絲增加口感，甜豉油唔太鹹中道自蘑豆腐煲：醬汁似係南瓜湯浸豆腐，一大塊豆腐，似木板豆腐，雖然唔算滑豆味濃，上湯有機菜：上湯黃芽白，上湯奶白濃香，黃芽白太老，咬唔開煎餃：煎得香脆可口，自己本身唔好韭菜都覺得好香！紅豆沙：紅豆多又起晒沙，微甜好味！時令水果：切橙酸甜正常！解膩！食物好味！店員勤快，我哋另外加錢飲啤酒都好爽手，因為我哋食完佢哋就落場休息，食完成個大廳都無晒客人！團餐來講好好味…查看更多

同事帶我去大陸食東北菜！去到裝修幾特別，大陸餐廳一定地方大，用大紅大綠花布裝飾，雖然刻意，都叫做有特色！我哋坐靠窗四人位，另一邊有啲日式高台位！餐具好攪笑，一set咁用膠布包好！用時即刻拆開！不過又係好刻意！大家點返自己鍾意嘅食物！鄂倫村羊肉串（$48）孜然粉另上，灑上羊肉串好香，羊肉串肥瘦肉相間，醃得好香！辣辣地！好食！金牌醬骨架（$48x3）三塊大骨，痴住啲肉，雖然炆得入味，但啲肉太老，比較嚡！一般！綜合蔬菜大拉皮（$38）呢個涼菜好開胃，酸汁加煙韌玻璃拉皮，加埋爽脆青瓜絲！剛好可以消減咁多肉嘅油膩！韭菜盒子（$16x4)焗得外脆，韭菜新鮮香口！好好味！切肉餅（$28）皮多肉餡少，感覺比較乾！一般全家福水餃葷拼（$36）水餃灼得剛好，外皮煙韌，餡料有肉汁！一啲都唔膩！好味！決明子茶（$9）味道幾特別，微甘開胃！店員勤快，不過因為佢哋講普通話，大家唔鹹唔淡咁溝通！地方風味菜在大陸食，特別夠味道！全家福水餃葷拼（$36）水餃灼得剛好，外皮煙韌，餡料有肉汁！一啲都唔膩！好味！決明子茶（$9）味道幾特別，微甘開胃！店員勤快，不過因為佢哋講普通話，大家唔鹹唔淡咁溝通！地方風味菜在大陸食，特別夠味道！…查看更多

同事帶我去大陸食東北菜！去到裝修幾特別，大陸餐廳一定地方大，用大紅大綠花布裝飾，雖然刻意，都叫做有特色！我哋坐靠窗四人位，另一邊有啲日式高台位！餐具好攪笑，一set咁用膠布包好！用時即刻拆開！不過又係好刻意！大家點返自己鍾意嘅食物！鄂倫村羊肉串（$48）孜然粉另上，灑上羊肉串好香，羊肉串肥瘦肉相間，醃得好香！辣辣地！好食！金牌醬骨架（$48x3）三塊大骨，痴住啲肉，雖然炆得入味，但啲肉太老，比較嚡！一般！綜合蔬菜大拉皮（$38）呢個涼菜好開胃，酸汁加煙韌玻璃拉皮，加埋爽脆青瓜絲！剛好可以消減咁多肉嘅油膩！韭菜盒子（$16x4)焗得外脆，韭菜新鮮香口！好好味！切肉餅（$28）皮多肉餡少，感覺比較乾！一般全家福水餃葷拼（$36）水餃灼得剛好，外皮煙韌，餡料有肉汁！一啲都唔膩！好味！決明子茶（$9）味道幾特別，微甘開胃！店員勤快，不過因為佢哋講普通話，大家唔鹹唔淡咁溝通！地方風味菜在大陸食，特別夠味道！全家福水餃葷拼（$36）水餃灼得剛好，外皮煙韌，餡料有肉汁！一啲都唔膩！好味！決明子茶（$9）味道幾特別，微甘開胃！店員勤快，不過因為佢哋講普通話，大家唔鹹唔淡咁溝通！地方風味菜在大陸食，特別夠味道！…查看更多