conniecheung的个人专页

同事同我來了這間hello kitty cafe, 好大，裝飾好靚，周圍也是hello kitty, 蛋糕，咖啡也是kitty樣的，靚到唔捨得食呀！我們叫左兩件cafe, 兩杯咖啡，hello kitty頭芝士蛋糕，一件有蝴蝶結的芒果卷蛋。仕應同我們講因為用紙杯上咖啡，所以會拉唔到kitty圖案花，等左一陣可以去取了！！叉也是kitty的，紙巾也是。芝士蛋糕唔太漏，唔太實身，有點散身，味道可以，幾香呀，kitty的樣子好cute好有心思:):)另一件卷蛋都好軟身，入面有些芒果醬，唔會好甜，好味，有些忌廉的。好美味！！咖啡係心形的，好靚呀，味道也幾好，幾香呀，唔濃唔苦，好味。我們坐左好耐傾計，好舒服傾計的地方！！…查看更多

上海培訓後, 同同事去食飯, 酒店對面好多食店, 我們揀左呢間食牛肉麵, 店子都光猛的, 三個人, 兩人都係食紅燒牛肉麵, 一人食炸醬撈粗麵.紅燒牛肉麵的牛肉係切到好細粒的, 有蕃茄, 一些芫茜, 一些瓜, 個湯係偏甜的, 唔會好辣, 都幾好味喎, 同埋份量都好大碗呀, 麵的質感都幾好, 係彈的, 唔會好淋身.同事的炸醬撈粗麵個賣相都係一樣的顏色的醬汁, 個麵係扁身的麵, 唔會好辣的, 幾好味, 又係好大碟的呀, 還有一碗例湯, 應該係牛肉麵的清湯吧.…查看更多

這間西北菜, 兩年前去上海的時候食過, 那杯酸奶真的十分好味, 今次再去上海, 千挑萬選還是食這間西北餐廳, 我一個人, 點左一杯自制酸奶,兩串碳烤羊肉串, 一碟過油肉拌麵, 全是羊肉的呀.這餐廳的裝飾好別緻, 好舒服的感覺, 人都好多的, 自制酸奶的味道回來了, 真的好好味, 上面有蜜糖, 提子干, 合桃的, 甜甜酸酸, 有一種酥味, 係羊奶吧, 好滑呀. 真的好飲人回味的酸奶.碳燒羊肉串用一個好大的碟裝住兩串羊肉, 每串四至五件吧, 好香呀, 上面有些應該係孜然粉, 好濃的味道, 但好香, 羊肉唔算好美味, 不過好香口. 過油肉拌麵都好大碟的呀, 有木耳, 羊肉片, 青椒, 紅椒等, 好好味, 雖然係油多了一點, 但係好惹味, 好多羊肉片的呀, 又唔鞋, 個汁又唔會好辣, 配撘得好好, 麵係好似刀削麵咁的, 口感都好彈及爽口, 正呀. …查看更多

今天約左一些公司深圳同事食飯, 他們揀左呢度, 我其實係上海都見過呢間店, 不過冇試過, 餐廳都算大, 先食蜜瓜, 好大的一件. 好鮮甜呀, 好好味. 又多汁喎. 燉羊肉都好好味, 羊肉好淋身的, 有點點的酥味, 好甜, 今天的主角出場, 係大大條的羊膝, 好大的一條呀, 每人一條, 用手攞住嚟食, 別有一番風味, 好香呀, 啖啖肉, 肉都好滑的, 好惹呀添呀, 好好味.  有個麵, 都幾香, 有好多芽菜的, 幾乾身爽口呀.然後有一窩湯, 係黃色的, 好似南瓜的味道, 都好甜的, 入面好多材料呀, 沙律都好新鮮, 加埋D沙律汁, 好清新的感覺. 仲有一碟炒青菜及椰菜花炒肉, 椰菜花細細件, 加埋D肉一齊炒, 好入味的.  最後還有一條魚, 好大條呀, 用左好多配料來煑的, 啖啖魚肉, OK呀. …查看更多

又要上廣州培訓, 今天是星期日, 係酒店食個晚餐, 今次食韓國菜, 先來一樽冰水及6小碟前菜, 有泡菜, 花生魚仔, 薯仔絲, 沙律, 另外一款泡菜, 仲有一款好似係瓜.  同事話之前係9 小碟的, 依家已改為6小碟了.  薯仔絲好好味, 仲有果碟唔知咩瓜, 其它的一般, 花生好淋身, 泡菜都OK, 唔會好咸及辣的.我好想食壽司, 所以叫左一客壽司, 係素菜的, 有12件的呀, 都好多, 好想麻油的味道, 入面有些疏菜及唔係知咪火腿. 有些芝麻, 好味呀. 海鮮豆腐湯好香, 辣唔算好辣, 豆腐好滑, 入面有些海鮮, 青口, 蝦之類, 還跟一碗飯的, 我好鍾意食海鮮豆腐湯, 返大陸都要食, 食到好飽呀.…查看更多

3月22日晚上來了磨磨香食客家菜,家姐話呢間的菜又平又好味. 6點後就開始多人架啦,我們6點幾來到.已經好多人,地方都幾大,同埋係市中心有一間這樣的餐廳都幾特別的,餐廳有兩邊,較入面係經過一條橋再入去的,環境好靚,好舒服,出面就係正常的餐廳.我們坐了在出面,因入面感覺比較舊. 餐牌好大本,全部都係圖片,相常吸引,餐廳四周也是食物的圖片.我們四個人點左好多好多嘢呀....一個卥水拼盤,香蕉及蔥油薄餅,客家煎豆腐,艾磁,螞蟻上樹,薯仔片,煎釀三寶,清炒鍋笋絲,猴頭菇粟米湯,夫妻肺片,芥茉黑木耳,腐竹,痴左線的叫左一共十三樣嘢,不過其實都係好清,菜為主的.香蔥薄餅及香蕉薄餅好好味,薄薄的一塊,夠晒熱呀,香蕉的係有些蔥粒,好香口好脆,香蕉的入面真係有香蕉溶的呀,好好味,真的好香.卥水拼盤賣相好靚,有鵝掌,牛展,牛肚,全部都切到好薄身,下面好多花生,其實份量唔算好多,因為下面的花生太多,不過都幾好味. 客家豆腐都好熱架,煎到金黃色好香豆味,同埋夠晒滑的,有少少肉係入面啦. GOOD.個湯都好足料,好鮮甜.好大舊肉,好多猴頭菇,粟米都唔少,都應該係真材實料,因為飲完都唔覺係味精的,艾磁,因為係攞奬的菜式,所以驚賣晒,就叫定先,叫左半打,不過要熱辣辣食先好味,因為凍左會好硬,入面係綠豆蓉,幾好味呀,不過實在是太飽,我地都食唔晒.那個螞蟻上樹,係薯粉嚟架,入面有些配料,OK的,不過唔特別同埋太大碗,好漏呀,我地又係食唔晒,夫妻肺片係辣的,有牛展,其實一堆有好多蔥,蒜之類,幾開胃呀. 芥苿黑木耳好刺激呀,加埋D芥苿一齊食,幾好,但唔加就完全冇味的,不過都好爽口的.腐竹係有些豉油一齊煮,好清不過好香好滑同埋都好好味的. 薯仔片好大碟,勁多,同埋好多辣椒,又好多花生,食下食下都好辣,不過好惹味. 煎釀三寶有苦瓜,矮瓜及茄子,好味的,但係好多油多肉好漏.仲有一個係清炒鍋笋絲,我好鍾意食呢個的,不過呢度係好多唔同的配料炒埋一齊,鍋笋反而唔夠多,但都好爽口鮮甜的.真的食到好好好飽,不過好滿足的一齊.…查看更多

3月22日來了珠海,中午去左灣仔食海鮮,我們四個人係出面灣仔海鮮街買了一些海鮮入嚟加工及叫左一個上湯漏槊苗及一個楊州炒飯一齊食,海鮮有蒜蓉開邊蒸虎蝦,蒜蓉粉絲蒸扇貝,炒聖子,果皮蒸鮑魚仔.菜苗好快就到啦,都幾鮮甜喎,同埋好多皮蛋,幾好味,楊州炒飯好大碟,不過冇咩料,都炒得幾乾身的,OK呀,虎蝦好香好好味,雖然唔係好大隻,但係都好爽口,鮮甜的呀,GOOD,扁貝都大隻的,好鮮甜,加埋D蒜蓉同埋粉絲一齊食,呢個配撘真的係最爽,肉質都好爽口的.鮑魚仔都唔算好大隻,不過都好彈牙爽口的,最緊要係夠平的啊. 炒聖子好大碟啊,辣辣地好惹味,開胃,聖子肉質都鮮又彈又爽.仕應唔知係咪收工定點,我們叫了幾次想開冷氣或風扁,但係係冇人真正理會我們的,試許大陸文化真的跟香港有異吧.埋單又唔貴喎,加工費幾十完一個海鮮,都好抵啊.…查看更多

1月10日同同事去左深圳打邊爐,原來係呢間,聽過呢間的大名,我地七個人,有同事六點已嚟等位,我地7點幾到,仲要等幾張先到,入到去超多人,係等位區係分開一張張小圓枱,你可以坐係度等位,然後上面有一個托盤,係有青豆,脆脆食的,仲有仕應會倒酸梅湯俾你飲, 我地一路等位的時候,見到有D四方形紙仔,發現原來係用嚟摺紙鶴的,仲要摺一隻可以減5毫子, 好特別喎, 我們好努力係度摺,完全唔覺得耐呀.終於有位啦,入到去有個仕應幫我地放好D袋,用套包好D褸, 我地叫左一個鴛鴦煲,一邊係什菇煲,一邊係麻辣煲, 跟住就用平板電腦點嘢食, 出面還有一些小食及好多醬俾你自己混架. 有些粉絲,笋絲,車厘茄, 混醬有豉油,醋,辣椒油,蕃茄辣椒油,腐乳,蒜蓉, 等等等等.....我地點左肥牛,羊肉片,腐竹,蓮藕片,淮山,魚片,蝦膠油炸鬼, 豆腐, 什菇, 皇帝菜, 生菜, 醬爆牛丸等等...個麻辣湯底真的十分之麻呀,食完個口冇晒感覺, 仕應會幫我地加嘢食, 好好服務, 食物質素一般啦,唔係話好出眾, 蝦膠油炸鬼幾好味及特別, 羊肉片好酥的味道, 好薄一片, 肥牛都好味, 其它的都係一般, 沒有甚麼特別出眾.整體來說係好新穎, 呢間連鎖店已經十幾年,分店都好多間, 佢好出色的地方係有好多貼心的服務, 例如擦鞋, 美甲, 仲有係等位期間有飲品, 小食及玩意, 全是免費的.…查看更多

11月30日同朋友去左珠海玩,朋友話上次佢嚟珠海食海鮮,係灣仔買完就入左呢間加工呀.我地六個人點左好幾樣海鮮,然後就入嚟呢度食啦.首先有大頭蝦,都好大隻,白灼係最好味的,好鮮甜爽口新鮮呀,蝦頭都有好多膏架,正呀. 之後係薑葱蠔,蠔唔算好大隻,睇住即開的,好新鮮,炒完都好爽唔會縮水的呀. 好味道.蒜蓉海鮮蒸扇貝都好大隻的,隻扇貝都好大隻的呀,鮮甜又爽口,GOOD,仲有清蒸鮑魚仔,都唔會好老,又係好爽口的,好好味.仲有係鮮魷,用青椒炒,青椒都幾辣,不過好香好惹味的,鮮魷估唔到有咁多呀,又唔會縮水都唔見左. 仲有蟹粥,蟹都好大隻,蟹肉都算鮮甜的呀,好正.我們還叫左一支天地壹號果醋同埋可樂一齊飲,食到好飽呀.最尾朋友話想食D其它小炒,我們就叫左一個紅燒豆腐及蝦米蒸水蛋, 紅燒豆燒都好大碟,豆腐好香及好滑,好食呀,個蒸水蛋都好大碟,蛋都非常熱及好滑.真的十分之滿足的一餐,價錢又抵又好味.…查看更多

8月27日晚上培訓完後去了公司附近的泰國菜館食晚飯,嘩,都好有情調呀,我地坐係另一邊較高的位置,要除鞋架. 仕應幫我地將D鞋放晒係櫃筒入面. 我地分開左兩張枱坐`.食物有炸蝦餅,大蝦沙律,青咖喱,黃咖喱,芒果松子魚,仲有幾款甜品.炸蝦餅都幾香口,幾好味呀,不過實在太熱氣啦,大蝦沙律都好開胃,入面有些車厘茄,金菇...等等,蝦都好多隻架,好味.辣辣地夠刺激.青咖喱甜味較重,入面有些瓜,菜之類,用嚟送飯一流,幾持別幾好味呀. 黃咖喱入面係有牛肉,豬肉同埋雞肉架,呢個辣D,普通D,不過都幾香幾好味,D肉都好入味及淋架.芒果松子魚,食開都係糖醋,第一次食芒果,因我鍾意食芒果,所以覺味道幾好,幾夾,仲有些芒果粒粒架. 好味道呀.甜品有四款,賣相好靚,有千層椰汁糕,西米糕,大菜椰汁糕,有兩份唔知係咩糕,食唔出咩味道,我地不約而同都覺得心型的大菜椰汁糕好好味呀,好清新,又唔甜.我地坐著傾計都差唔多食左兩個鐘先走.…查看更多

8月26日要出差去上海,約左一毎同事一齊係附近的商場行下及食嘢,2:00幾我地去到果個商場,本來係想食東北菜的,點知落場了,變左去食西北菜,其實餐廳只有我地一枱客人. 仕應替我們落單後就說因他們要上培訓所以可能未必會即時對我們有回應.仕應俾左兩杯茶我地,飲左一啖都飲唔出係咩味....後尾發現原來係我最唔鍾意的紅棗呀,不過因為係凍的,因為紅棗味道唔算好出,跟住本來有要求換白開水,但係未煲水呀...所以都係要飲番紅棗水....兩個人點左一個涼粉,羊肉餅,大盤雞,酸奶,仲有羊肉串燒同埋青瓜淮山添呀,好似好耐冇食過嘢咁....串燒叫左一串辣一串唔辣,同事話唔辣冇咩味道,我的辣都幾香,唔係好酥,少少辣都OK. 涼粉都幾辣,有些青瓜幾同埋一些腐皮咁,幾好的. 酸奶每人一杯,入面有些紅莓,提子乾,蜜糖,酸酸地加埋D蜜糖好好味呀,還有奶係濃身的,唔係好稀的,好好味,同事愛上了.大盤雞原來係麵包多士嚟架,睇個圖以為係薯仔添,好食但係好熱氣呀,都食唔晒,太多啦....仲有一個羊肉餅,入面有些羊肉,幾香口的,外面的麵包原來都係炸的,幾好味的,不過又係太熱氣啦...所以都食唔晒呀. 青瓜淮山就好清好鮮甜的淮山,又爽口,好味道.我地一路食一路傾計,跟住都有一些客人進來,唔經唔覺坐左兩個鐘呀.…查看更多

8月29日上左廣州培訓,完了一齊食晚飯,去了這間食土家菜的地方,環境都好靚呀,我地有十六個人一張大圓枱,先上茶,係蔘茶嚟架,個杯都好特別,一邊係有些茶的配料,中間有幾個小孔把茶味流過去,啖啖的蔘味,幾香呀.點左勁多嘢食,有豬肚湯,仲要兩大窩添,個湯都幾好味,入面好多豬肚架. GOOD. 還有雞,整得幾香口呀,辣蘿白片,好似泡菜咁都幾開胃,其它的都係有些辣的,有些唔辣,有個菱角都幾好味的,但原來有些配菜係青辣椒嚟架,係好辣的. 仲有田雞....等等.....我最欣賞係烤土豆片,好味喎,好香的薯仔味, 唔會好漏. 仲有幾款餃子都幾GOOD的,有個炸麵包,好似洋蔥圈咁的賣相.服務都幾好的,上菜及加茶都好快手.…查看更多

8月28日係上海坐飛機去廣州,搵嚟搵去都唔知食咩好,所以就食真功夫啦,其實我都係第一次嚟架,叫左一個套餐,酸菜腩肉飯,配一個湯,一碟菜及一碗飯,一碗蒸蛋,都係33左右人民幣,好抵呀.酸菜,肉都幾多呀,味道都OK,幾好食的,唔會好油,唔會好肥,個碗湯都好多料架,感覺唔似有味精,蒸蛋好熱好熱,好滑好好味呀,我鍾意食蛋,所以好LIKE. 平靚正.…查看更多

7月8日同同事去左長隆,我地食左個LUNCH+DINNER後去左睇馬戲,睇完馬戲又返嚟再搵食呀,今次食甜品.叫左雪蛤膏,同事本來係想食別的,不過冇晒所有奶,最後就叫左呢個啦,都幾好味,好清甜的,雪蛤都好乾淨及爽口,我叫左一個生果杯,生果杯有好多蘋果,有珍珠,雪糕,木瓜,都好豐富啊,另一個同事叫左蓮子海底椰,味道一般啦另外我地再叫左一份煎蘿蔔糕及雞亦,蘿蔔糕好大碟,有六大件的,都煎得好香好好味,唔算多料,加埋D辣椒一齊食,好好味呀! 雞亦有四隻的,佢個醬味道都幾特別,不過好咸,都OK的.…查看更多

7月8-9日同同事去左長隆玩左兩日,我地本來第二日係諗住係動物園好長時間,順便係入面食埋飯的,但係天氣太熱,3點幾頂唔順就出嚟啦,跟住就再嚟祈福食街再食過,本來打算去食順德菜的,但係要5點後先有得食,咁就去左對面食中菜啦,呢間菜館都好大,係轁轁介紹架.我地三個人點左一碟乾炒牛河,煎釀豆腐,魚肚浸勝瓜,雙色薄撐,同埋叫左一支大可樂一齊飲,碟碟都好大碟架,真的不可以睇小,碟乾炒牛河大碟到有十幾碗,連我個同事唔食牛但都食左好多碗河粉,佢話好好味,好入味,味道好啱佢,牛肉唔算好淋,但都好味,河粉唔算好油,炒得真的幾好味.煎釀豆腐都好大碟,有八件咁多,豆腐好香豆味,唔會好淋,實實地的,但係好GOOD.入面有一小件的肉,都做得好好.魚肚浸勝瓜,呢碟都非常大碟,有勝瓜,魚肚,黑木耳,個湯好重胡椒味,清清地好開胃,勝瓜都好爽甜,黑木耳細細件的,都好爽口架,我都飲左好多湯,好開胃的啊.雙色薄撐有六件咸,六件甜的,不過佢的質感係好淋及煙UM,我地鍾意食係煎到好薄好脆的果種,不過其實都好味的,但實在太飽太飽了.可樂都係10元一支好抵. 叫一罐要5元,所以叫左一支啊.…查看更多