腾记万年酒楼 (越秀南路)

營業中

休息中

万年酒楼向越秀南果度都开左起码20年以上噶啦，我就由细帮衬到距大，仲记得距系由大排档变成依家既酒楼，早10年8年前仲做埋茶市添。最出名既就系万年真味鸡，真系由细吃到距大。距地拣选既鸡全部都好肥美，用左距地独家秘方既汤汁煮熟，D汤汁既鲜甜味道浸晒入只鸡里面，所以D鸡肉又鲜甜又嫩滑，好好味。再推荐个干逼粉丝，里面有D海鲜干货，用柱候酱向个锅度干逼煮熟，所以劲香口，而D粉丝吸收左D干货既鲜甜味，所以特别香，不过缺点就系太多油啦，比较油腻。价钱方面算得上系中上水平，所以性价比都唔系太高，不过由于我地屋企帮衬左距咁多年，同个老细都好熟，凭我地既签名可以有免茶9折，所以计落都唔算贵。