宜家咖啡厅 (已結業)

宜家家私系闲逛噶好去处，一楼大厅就有1蚊噶圆筒雪糕筒3蚊噶热狗肠，依家仲新出左墨鱼丸，5蚊3串，每串有3粒，比起喜士多啊OK便利店啊抵好多！味道又正！当然去宜家家私就唔可以错过2楼噶咖啡厅啦~~常年都人丁兴旺。我中意饮蔓越莓果汁，比较清甜~~配上宜家噶招牌瑞士肉丸简直系绝配，可以解腻！瑞士肉丸晚黑好似8点半之后有特价，当然唔够以前下午茶时段噶半价抵。不过系依家物价飞涨噶年代，宜家好少升价，都算难得。今次仲吃左咸朱古力蛋糕、水果沙律、肉桂卷同黄金鸡翅。咸朱古力蛋糕好得意，味道咸咸地，同D果仁几MATCH；水果沙律好新鲜，入边水果同蔬菜噶品种都几多，有圣女茄、青瓜、红萝卜、西芹、西生菜洋葱等；肉桂卷第一次吃，感觉几新鲜；最后鸡翼系我最中意噶！非常入味，又唔会太辣！宜家无论大人小朋友都啱~~哈哈~~