华丽宫酒家

營業中

休息中

星期日做个孝顺孙同表妹一齐陪婆婆去饮茶，因为最近的就得华丽宫饮早茶，所以就选择呢间试下。从岭南湾畔沿住臭涌行都唔系好远，不过条涌确实好臭...去到华丽宫门口觉得门面好一般，比较残旧。附近貌似都系一D批发城。坐电梯上3楼后，估唔倒入面的装修还可以，而且仲有鱼塘仔养住金鱼比人观赏，仲有好多小朋友系度玩。我哋大概系早上10点几左右去到的，呢个钟数都仲有好多人等位。足足等咗半个几钟先有位，而且系坐房的，同人拼位。（如果坐大厅就1蚊一个茶位，如果坐房就4蚊一个茶位）感觉做房比坐大厅舒服好多，而且又比较安静。由于太多人，服务员都唔系好得闲招呼我哋，连筷子都叫咗几次先拿离。3个人吃点咗烧骨粥，凤爪，排骨，叉烧包，流沙包，金钱肚，萝卜糕，马蹄糕，叉烧肠，蛋挞，猪手。加埋茶位总共131蚊，都几抵吃。烧骨粥同一般的粥差唔多，唔会好特别。凤爪同排骨整得几入味，唔错。猪手同金钱肚都炆得好淋，几好味。叉烧包同流沙包我都无份吃倒...叉烧肠都OK，肠粉都几滑。马蹄糕都可以，萝卜糕就比较辣。蛋挞几松脆，好味！总的离讲呢度饮茶都唔错。