喜相逢酒家

同几个老友揸车经过呢度搵间嘢食午饭，见到间酒家都唔细，而且门口有停车位，楼上楼下二层，门口有海鲜池养住D鱼虾，隔离系养家禽，可以现点现劏，埋到去，服务员就问包间定堂食，我的经过食个便饭啫，是但啦。
我地上二楼落座，临窗位可以对住街景！中午时分食客唔多特别系我地楼上偌大噶餐厅得三围台，等左一阵都冇服务员来，卒之见到服务员，急急忙叫住距，距地仲以为我地点咗菜等紧上菜。管理真有D乱。
上菜到食埋口等咗半个几钟头
铁板田鸡：呢味几好食，上到来滋滋响，热辣辣，田鸡肉几滑嫩！洋葱多咗DD
支竹焖鱼腩，好鲜味，支竹好食过鱼肉。
鸟肾饭：同黄鳝饭噶做法应该差唔多噶，唔同噶系用噶系雀仔噶肾，米用噶系香丝苗，味道几好，一煲3个人食唔晒。
油菜都几新鲜爽口。
讲真啦，除佐服务差D，经常搵唔到人来，食噶方面仲系唔错噶，够分量，味道都过得去，最紧要系平啊，平均2十几蚊一味餸，市区边度搵啊！而且免茶位添啵。