玉椰林

營業中

休息中

玉椰林系人民路嘅一间开左好多好多年嘅老牌传统甜品店啦，细个嘅时候妈妈好中意带我来呢度，果时最中意睇住距外面果部果汁机系度打椰子汁，好多童年回忆。时过境迁，依家呢度已经无当年咁辉煌啦，而且平时行过见到都唔系好多人咁，可能因为依家人民路上食肆众多，又因为越来越多新式甜品店嘅充斥，令呢类型嘅传统店铺受到一定嘅影响吧。店里面嘅环境好朴素，以椰子为主打，椰子汁系我嘅最爱，仲有距嘅凤凰椰子糊窝蛋更系一试难忘。椰子嘅香味融入埋蛋糊之中，超香，超好味。仲有就系门口冰柜嘅双皮奶，味道都唔错，不过好细一碗，而且觉得成日都系冰系冰柜，唔够椰子蛋奶糊咁吸引。呢度嘅价钱都唔算便宜，不过可能因为用料比较足，所以都系天然D，健康D。