白雲轩 (白云宾馆)

營業中

休息中

某个星期日下午，难得爸爸妈妈都得闲，就同距地过来白云宾馆饮茶啦，呢度嘅茶市时间比较长，可以一直直落，所以比较方便。而且人唔算多，又唔会好似D大酒楼饭店咁吵杂，比较安静舒适，饮茶闲聊比较合适。呢度嘅点心系以号码计价嘅，唔系平时见到嘅大中小点之类，1号系最便宜嘅，5.8元一碟，基本上就系白粥、油条之类嘅，其他果D都要十元以上啦，都系以0.8元结尾，具体每种号码几钱唔记得啦。最贵嘅系粉面、虾饺、干蒸、牛仔骨之类嘅，大概二三十蚊啦。呢度嘅点心都几有特色嘅，最中意系椰黄芝麻球，其实就系细细嘅芝麻空心煎堆，里面放上奶黄馅，因为系即点即整嘅，所以一上来嘅时候要等阵先食，里面热乎乎的，好容易烫到嘴。点左七八样点心，百几蚊埋单。