西来有缘素食馆 (已結業)

西来有缘素食馆嘅老板好热情，会主动同客人倾偈，向客人讲解餐厅嘅由来，以及呢间餐厅同其它素食馆嘅不同之处。呢到嘅素食卖相都好靓，无论造型或者口感，仿肉类嘅程度都相当高，相当逼真。但我最中意都系呢到嘅姜撞奶。老板话呢到嘅姜撞奶所用嘅水牛奶，每日都从番禺新鲜运到，所以撞出嚟嘅效果特别好。而师傅亦都会应客人嘅要求，做微辣或者加辣嘅姜撞奶。所以我觉得呢到嘅姜撞奶特别香滑好味。