喜相逢酒家

同舅父一家人来呢间食噶晚餐，餐厅有二层都几大噶，7点半钟地下坐得差唔多满晒，我地楼上食噶，楼上疏好多。
店门口养住家禽同海鲜之类噶嘢俾客人买来现劏现煮，菜牌睇上去菜品都几丰富，而且特价菜都唔少，5个人点咗6样菜，每样菜碟头度唔细，最好食噶系山泉水蒸鲩鱼，鱼肉质非常之鲜美，而且肉唔会松散，好实。39蚊一条真够晒平，盐焗鸡半只48蚊，系唔系门口养住果D就未知，不过食起身都几入味，而且皮薄肉滑。虫草花炖瘦肉味道都过得去，有小小甜，加咗杞子红枣姜片淮山几种嘢，几足料。
味道来讲冇咩特别难食噶，基本都算满意，不过服务就差咗D，经常叫唔到人，最让人接受唔到噶系咁大餐厅竟然冇WIFI上网。